ਮੋਗਾ
ਕਿਰਤੀ ਕਿਸਾਨ ਯੂਨੀਅਨ ਵੱਲੋਂ ਅੱਜ ਬਲਾਕ ਕਮੇਟੀ ਦੀ ਮੀਟਿੰਗ ਪਿੰਡ ਰੋਡੇ (ਮੋਗਾ) ਵਿਖੇ ਕੀਤੀ ਗਈ। ਇਹ ਮੀਟਿੰਗ ਬਲਾਕ ਪ੍ਰਧਾਨ ਚਮਕੌਰ ਸਿੰਘ ਰੋਡੇ ਖੁਰਦ ਦੀ ਪ੍ਰਧਾਨਗੀ ਹੇਠ ਹੋਈ। ਜਿਸ ਵਿੱਚ ਕਿਰਤੀ ਕਿਸਾਨ ਯੂਨੀਅਨ ਦੇ ਸੂਬਾ ਪ੍ਰਧਾਨ ਨਿਰਭੈ ਸਿੰਘ ਢੁੱਡੀਕੇ ਨੇ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਕਰਫਿਉ ਅਤੇ ਲਾਕਡਾਉਨ ਦੌਰਾਨ ਕਿਸਾਨਾ ਅਤੇ ਆਮ ਲੋਕਾਂ ਦਾ ਜੋ ਨੁਕਸਾਨ ਹੋਇਆ ਹੈ, ਉਸ ਦੀ ਭਰਪਾਈ ਕੇਂਦਰ ਤੇ ਪੰਜਾਬ ਸਰਕਾਰ ਵੱਲੋਂ ਕੀਤਾ ਜਾਵੇ।
ਜਿਸ ਵਿੱਚ ਡੇਅਰੀ ਫਾਰਮਿੰਗ ਪਸ਼ੂ ਰੱਖਣ ਵਾਲੇ ਕਿਸਾਨਾ ਮੁਰਗੀ ਪਾਲਣ ਵਾਲੇ ਕਿਸਾਨਾਂ ਨੂੰ ਲਾਕਡਾਉਨ ਜੋ ਨੁਕਸਾਨ ਹੋਇਆ ਹੈ, ਉਸ ਦੀ ਭਰਭਾਈ ਸਰਕਾਰ ਕਰੇ। ਕਰਫਿਊ ਦੌਰਾਨ ਜੋ ਲੋਕਾਂ ਤੇ ਨਜਾਇਜ਼ ਪਰਚੇ ਕੀਤੇ ਹਨ, ਉਹ ਰੱਦ ਕੀਤੇ ਜਾਣ। ਇਸ ਦੇ ਨਾਲ ਉਨ੍ਹਾਂ ਕਿਹਾ ਕਿ ਮੋਟਰਾਂ ਵਾਸਤੇ ਲਾਇਟ ਜੋ ਝੋਨੇ ਦੇ ਸੀਜਨ ਲਈ 8 ਘੰਟੇ ਆਉਂਦੀ ਹੈ, ਉਸ ਨੂੰ ਵਧਾ ਕੇ 24 ਘੰਟੇ ਪੂਰਾ ਸਾਲ ਨਿਰਵਿਘਨ ਦਿੱਤੀ ਜਾਵੇ।
ਇਸ ਤਰ੍ਹਾਂ ਕਿਸਾਨਾਂ ਨੂੰ ਨਵੇਂ ਟਿਊਬਵੈਲ ਕੁਨੈਕਸ਼ਨ ਤੇ ਖਰਚਾ ਨਹੀਂ ਕਰਨਾ ਪਵੇਗਾ, ਜੋ ਕਿਸਾਨਾ ਦੀਆ ਲਿਮਟਾ ਹਨ, ਉਹਨਾਂ ਦੀ ਉਗਰਾਹੀ ਅਗਲੇ ਸਾਲ ਕੀਤੀ ਜਾਵੇ ਅਤੇ ਵਿਆਜ ਮੁਆਫ਼ ਕੀਤਾ ਜਾਵੇ, ਜੋ ਸਰਕਾਰ ਕਿਸਾਨਾਂ ਨਾਲ ਕਰਜ ਮੁਆਫੀ ਦਾ ਵਾਅਦਾ ਕੀਤਾ ਸੀ, ਉਹ ਪੂਰਾ ਕੀਤਾ ਜਾਵੇ ।
ਇਹਨਾਂ ਮੰਗਾਂ ਨੂੰ ਮਨਵਾਉਣ ਲਈ ਕਿਰਤੀ ਕਿਸਾਨ ਯੂਨੀਅਨ 4 ਜੂਨ ਮੋਗਾ ਡੀ ਸੀ ਦਫਤਰ ਮੂਹਰੇ ਦੇਵੇ ਧਰਨਾ । ਇਸ ਮੌਕੇ ਅਨਮੋਲ ਸਿੰਘ,ਬਲਵਿੰਦਰ ਸਿੰਘ, ਭੁਪਿੰਦਰ ਸਿੰਘ,ਬੱਬੂ ਰੋਡੇ ਛਿੰਦਰਪਾਲ ਕੌਰ, ਪਰਮਜੀਤ ਕੌਰ,ਕੁਲਦੀਪ ਸਿੰਘ ਰੋਡੇ ਖੁਰਦ,ਨੇਮਪਾਲ ਸਿੰਘ ਮਾਹਲਾ ਖੁਰਦ,ਨਿਰਮਲ ਸਿੰਘ ਨੱਥੂਵਾਲਾ,ਰਾਮ ਸਿੰਘ ਮਾਹਲਾ ਕਲਾਂ,ਬਲਕਰਨ ਸਿੰਘ ਵੈਰੋਕੇ ਆਦਿ ਹਾਜ਼ਰ ਸਨ ।