ਨਾ ਜੋਰੀਂ ਸਾਕ ਬਣਾਈਏ ਵਈ
ਨਾ ਆਖਰ ਨੂੰ ਪਛਤਾਈਏ ਵਈ
ਉਹਨਾਂ ਜਦੋਂ ਸੱਦਿਆ ਹੈਨੀਂ
ਫੇਰ ਅਸੀਂ ਕਿਉਂ ਜਾਈਏ ਵਈ
ਸਾਨੂੰ ਹਲਕੇ ਕੁੱਤੇ ਵੱਢਿਐ
ਆਪਣੀ ਪੱਤ ਗਵਾਈਏ ਵਈ
ਜੰਝ ਬੇਗਾਨੀ ਨੱਚੀਏ ਕਾਹਤੋਂ
ਬੁਰਾ ਭਲਾ ਅਖਵਾਈਏ ਵਈ
ਸਾਡਾ ਕਿਹੜਾ ਗੱਡਾ ਅੜਿਐ
ਕਿਉਂ ਜੁੱਤੀਆਂ ਤੜਵਾਈਏ ਵਈ
ਕਰਕੇ ਪੱਲਾ ਖਰਚ ਆਪਣਾ
ਕਿਉਂ ਬਿਜ਼ਤੀ ਕਰਵਾਈਏ ਵਈ
ਰੀਸ ਨਹੀਂ ਘਰ ਵਰਗੀ ਭਾਵੇਂ
ਚਟਨੀ ਦੇ ਨਾਲ ਖਾਈਏ ਵਈ
ਦਿਲ ਮਿਲਿਆਂ ਦੇ ਮੇਲੇ ਹੁੰਦੇ
ਕਾਹਤੋਂ ਰੋਸ ਮਨਾਈਏ ਵਈ
ਰਾਜ਼ ਰਜ਼ਾ ਵਿੱਚ ਰਾਜ਼ੀ ਰਹੀਏ
ਮਨ ਆਪਣਾ ਸਮਝਾਈਏ ਵਈ
ਬਲਵਿੰਦਰ ਸਿੰਘ ਰਾਜ਼
9872097217
