ਵਾਸ਼ਿੰਗਟਨ :
ਕੋਰੋਨਾ ਵਾਇਰਸ ਦੀ ਮਾਰ ਪੂਰੇ ਵਿਸ਼ਵ ‘ਚ ਜਾਰੀ ਹੈ। ਨਿਊਜ਼ ਏਜੰਸੀ ਮੁਤਾਬਕ ਦੁਨੀਆ ਭਰ ‘ਚ ਕੋਰੋਨਾ ਦੇ ਹੁਣ ਇਕ ਕਰੋੜ 20 ਲੱਖ ਤੋਂ ਜ਼ਿਆਦਾ ਮਾਮਲੇ ਹੋ ਗਏ ਹਨ। ਪਿਛਲੇ ਸੱਤ ਮਹੀਨਿਆਂ ‘ਚ ਕੋਰੋਨਾ ਨਾਲ ਪੰਜ ਲੱਖ 47 ਹਜ਼ਾਰ ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਗਈ ਹੈ। ਵਿਸ਼ਵ ਸਿਹਤ ਸੰਗਠਨ ਅਨੁਸਾਰ ਹਰ ਸਾਲ ਗੰਭੀਰ ਇਨਫਲੂਐਨਜ਼ਾ ਬਿਮਾਰੀਆਂ ਦੇ ਜਿਨ੍ਹਾਂ ਦੇ ਮਾਮਲੇ ਸਾਹਮਣੇ ਆਉਂਦੇ ਹਨ ਉਸ ਨਾਲ ਤਿੰਨ ਗੁਣਾ ਜ਼ਿਆਦਾ ਕੋਰੋਨਾ ਦੇ ਮਾਮਲੇ ਸਾਹਮਣੇ ਆ ਗਏ ਹਨ।
ਸੰਕ੍ਰਮਣ ਨਾਲ ਸਭ ਤੋਂ ਜ਼ਿਆਦਾ ਪ੍ਰਭਾਵਿਤ ਦੇਸ਼ ਜਿੱਥੇ ਲਾਕਡਾਊਨ ‘ਚ ਢਿੱਲ ਦੇ ਰਹੇ ਹਨ ਜਦਕਿ ਚੀਨ ਤੇ ਆਸਟ੍ਰੇਲੀਆ ਸਮੇਤ ਹੋਰ ਦੇਸ਼ਾਂ ‘ਚ ਫਿਰ ਤੋਂ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਵਾਇਰਸ ਨੂੰ ਕਾਬੂ ‘ਚ ਰੱਖਣ ਲਈ ਫਿਰ ਤੋਂ ਸ਼ਟਡਾਊਨ ਲਾਗੂ ਕਰ ਚੁੱਕੇ ਹਨ। ਨਿਊਜ ਏਜੰਸੀ ਰਾਈਟਰਜ਼ ਮੁਤਾਬਕ ਪਹਿਲਾਂ ਮਾਮਲਾ ਚੀਨ ‘ਚ ਪਿਛਲੇ ਸਾਲ ਦਸੰਬਰ ‘ਚ ਆਇਆ ਸੀ ਤੇ ਦੁਨੀਆਭਰ ‘ਚ ਇਸ ਦੇ 60 ਲੱਖ ਮਾਮਲੇ 149 ਦਿਨ ‘ਚ ਹੋਏ ਪਰ ਇਸ ਤੋਂ ਬਾਅਦ ਸਿਰਫ਼ 39 ਦਿਨ ‘ਚ ਇਹ ਅੰਕੜਾ ਦੋਗੁਣਾ ਹੋ ਗਿਆ। ਇਕ ਕਰੋੜ 20 ਲੱਖ ਮਾਮਲੇ ਹੋ ਗਏ ਹਨ। ਦੁਨੀਆ ‘ਚ ਹੁਣ ਤਕ 546,000 ਤੋਂ ਜ਼ਿਆਦਾ ਮੌਤ ਹੋ ਚੁੱਕੀਆਂ ਹਨ।
ਬ੍ਰਾਜੀਲ ‘ਚ ਰੋਜ਼ਾਨਾ 20,000 ਤੋਂ 50,000 ਨਵੇਂ ਮਾਮਲੇ ਸਾਹਮਣੇ ਆ ਰਹੇ ਹਨ
ਨਿਊਜ ਏਜੰਸੀ ਮੁਤਾਬਕ ਮਹਾਮਾਰੀ ਦੀ ਗੰਭੀਰਤਾ ਦੇ ਘੱਟ ਮੁਲਾਂਕਣ ਤੋਂ ਬ੍ਰਾਜੀਲ ਦੇ ਰਾਸ਼ਟਰਪਤੀ ਜਾਇਰਾ ਬੋਲਸਨਾਰੋ ਕੋਰੋਨਾ ਨਾਲ ਸੰਕ੍ਰਮਿਤ ਹੋ ਗਏ ਹਨ। ਦੇਸ਼ ‘ਚ 1 ਜੁਲਾਈ ਤੋਂ ਰੋਜ਼ਾਨਾ 20,000 ਤੋਂ 50,000 ਨਵੇਂ ਮਾਮਲੇ ਸਾਹਮਣੇ ਆ ਰਹੇ ਹਨ। ਦੇਸ਼ ‘ਚ ਇਕ ਲੱਖ 70 ਹਜ਼ਾਰ ਤੋਂ ਜ਼ਿਆਦਾ ਮਾਮਲੇ ਸਾਹਮਣੇ ਆ ਗਏ ਹਨ ਤੇ 68 ਹਜ਼ਾਰ ਲੋਕਾਂ ਦੀ ਮੌਤ ਹੋ ਗਈ ਹੈ।