ਇਹ ਵਿਚਾਰੇ ਤਾਂ ਹੁਕਮ ਵਜਾਉਦੇ ਆਜਮ ਦਾ,
ਐਵੇਂ ਕਿਉਂ ਮੁੱਲ+ਆਜਮਾਂ ਨੂੰ ਮਾੜਾ ਕਹੀ ਜਾਂਦੇ ।
ਇਥੇ ਡਿਉਟੀ ਦਾ ਵੀ ਸਮਾਂ ਨਿਸਚਿਤ ਨਹੀਂ,
ਚੌਵੀ ਘੰਟੇ ਸੇਵਾ ਤੇ ਥੱਕ ਹਾਰ ਕੇ ਬਹੀ ਜਾਦੇਂ ।
ਏਥੇ ਤਨਖਾਹਾਂ ਵੀ ਸਮੇਂ ਸਿਰ ਮਿਲਦੀਆਂ ਨਹੀਂ,
ਤਾਂਹੀ ਤਾਂ ਚਲਾਣ ਕੱਟ ਲੋਕਾਂ ਨਾਲ ਡਹੀ ਜਾਂਦੇ ।
ਪਹਿਲਾਂ ਲੀਡਰ ਹੀ ਪਿੱਠਾਂ ਥੱਪ ਥੱਪਾਉਦੇ ਨੇ,
ਫਿਰ ਕਿਉਂ ਭੋਲਿਆ ਨੂੰ ਮਾੜਾ ਕਹੀ ਜਾਦੇਂ ।
ਜੇਕਰ ਉਹ ਲਾ ਕੇ ਨਾਕੇ ਅਪਰਾਧ ਰੋਕਣ ਵੀ,
ਤਾਂ ਫਿਰ ਲੋਕਾਂ ਨਾਲ ਫੋਨਾਂ ਤੇ ਹੀ ਡਹੀ ਜਾਂਦੇ ।
ਸੰਤਰੀ ਸੜਕ ਦੇ ਕਿਨਾਰੇ ਖੜਾ ਭੁੱਖਣ ਭਾਣਾ,
ਮੰਤਰੀ ਉਡਦੇ ਜਹਾਜ਼ਾ,ਚ ਨਜਾਰੇ ਲਈ ਜਾਂਦੇ ।
ਇਹ ਬੜਾ ਪਾੜਾ ਹੈ ਮੰਤਰੀ ਤੇ ਸੰਤਰੀ ਦਾ,
ਇਕੋ ਸਿਕੇ ਦੇ ਦੋ ਪਹਿਲੂ ਲੋਕ ਤਾਂ ਕਹੀ ਜਾਂਦੇ ।
ਹੱਦਾਂ ਸਰਹੱਦਾਂ ਤੇ ਗੋਲੀ ਜਾਂ ਪੈਸੇ ਮਿਲਦੇ ਨੇ ,
ਕੁੱਝ ਚੁੱਕ ਸੋਨਾ ਨੋਟ ਸਿਧੇ ਡੰਡੀ ਪਈ ਜਾਂਦੇ ।
ਹੁਣ ਦੱਸੋ ਖਾਂ ਪੈਸਾ ਪਿਆਰਾ ਕੀਹਨੂੰ ਨਹੀਂ ,
ਤੇ ਪੰਜਾਬ ਨੂੰ ਹੀ ਨਸੇ ਦੀ ਮੰਡੀ ਕਹੀ ਜਾਂਦੇ ।
ਪੰਜਾਂ ਬਾਅਦ ਛੇਵਾਂ ਦਰਿਆ ਵਗੇ ਸਰਾਬ ਦਾ ,
ਘਾਣ ਜਵਾਨੀ ਰਾਜ ਨਹੀ ਸੇਵਾ ਕਹੀ ਜਾਂਦੇ ।
ਵਿੱਚ ਕੋਰੋਨਾਂ ਹਿੱਕ ਤਾਣ ਕੇ ਖੜ੍ਹੇ ਮੁਲਾਜ਼ਮ ,
ਤੁਹਾਡੀ ਬਲਾਂ ਪਿੰਡੇ ਆਪਣੇ ਲਈ ਜਾਂਦੇ ।
ਜਿਨਾਂ ਚਿਰ ਕਾਲੇ ਲੋਥਾਂ ਢੇਰ ਲੱਗਦੇ ਨਹੀ ,
ਸਾਡੇ ਲੋਕ ਤਾਂ ਮੌਤ ਨੂੰ ਮਜਾਕ ਹੀ ਕਹੀ ਜਾਂਦੇ ।
ਕਾਲਾ ਦਿਉਣ
ਬਠਿੰਡਾ
9968873402
