ਮਾਛੀਵਾੜਾ ਇਲਾਕੇ ਦੇ ਪ੍ਰਰਾਈਵੇਟ ਸਕੂਲ ‘ਚ ਸੋਮਵਾਰ ਸਵੇਰੇ ਲਾਕਡਾਊਨ ਕਾਰਨ ਸਕੂਲ ਫੀਸਾਂ ਨੂੰ ਲੈ ਕੇ ਪ੍ਰਬੰਧਕਾਂ ਤੇ ਮਾਪਿਆਂ ਵਿਚਕਾਰ ਕੁਝ ਵਿਵਾਦ ਹੋਇਆ ਜੋ ਕਿ ਬਾਅਦ ਵਿਚ ਸੁਲਝਾਅ ਲਿਆ ਗਿਆ। ਪ੍ਰਰਾਈਵੇਟ ਸਕੂਲ ਦੇ ਪ੍ਰਬੰਧਕਾਂ ਵਲੋਂ ਲਾਕਡਾਊਨ ਕਾਰਨ ਵਿਦਿਆਰਥੀਆਂ ਨੂੰ ਆਨਲਾਈਨ ਪੜ੍ਹਾਈ ਕਰਵਾਈ ਜਾ ਰਹੀ ਹੈ ਤੇ ਕੁਝ ਦਿਨ ਪਹਿਲਾਂ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੇ ਫੈਸਲੇ ‘ਤੇ ਹਦਾਇਤਾਂ ਤੋਂ ਬਾਅਦ ਸਕੂਲ ਵਲੋਂ ਮਾਪਿਆਂ ਤੋਂ ਬੱਚਿਆਂ ਦੀ ਫੀਸ ਜਮ੍ਹਾਂ ਕਰਵਾਉਣ ਦੀ ਪ੍ਰਕਿਰਿਆ ਆਰੰਭੀ ਗਈ।
ਕੁਝ ਮਾਪੇ ਸਕੂਲ ਵਿਚ ਇਕੱਠੇ ਹੋਏ ਜਿਨ੍ਹਾਂ ਨੇ ਮੰਗ ਕੀਤੀ ਕਿ ਲਾਕਡਾਊਨ ਕਾਰਨ ਹਰੇਕ ਵਰਗ ਦਾ ਕਾਰੋਬਾਰ ਪ੍ਰਭਾਵਤ ਹੋਇਆ ਹੈ ਇਸ ਲਈ ਜਾਇਜ਼ ਫੀਸ ਵਸੂਲੀ ਜਾਵੇ ਜਿਸ ‘ਤੇ ਪ੍ਰਬੰਧਕਾਂ ਨੇ ਮਾਪਿਆਂ ਨੂੰ ਸਮਝਾਇਆ ਕਿ ਬੇਸ਼ੱਕ ਸਰਕਾਰ ਵਲੋਂ ਹਦਾਇਤਾਂ ਹਨ ਕਿ ਟਿਊਸ਼ਨ ਫੀਸ, ਅੱਧੀ ਟ੍ਾਂਸਪੋਰਟ ਫੀਸ ਤੇ ਸਲਾਨਾ ਫੰਡ ਵਸੂਲੇ ਜਾਣ ਪਰ ਸਕੂਲ ਪ੍ਰਬੰਧਕ ਕਮੇਟੀ ਨੇ ਫੈਸਲਾ ਕੀਤਾ ਕਿ ਬੱਚਿਆਂ ਨੂੰ ਪੜ੍ਹਾਉਣ ਵਾਲੀ ਟਿਊਸ਼ਨ ਫੀਸ ਹੀ ਵਸੂਲੀ ਜਾਵੇਗੀ ਤਾਂ ਜੋ ਆਨਲਾਈਨ ਘਰ ਬੈਠੇ ਬੱਚਿਆਂ ਨੂੰ ਪੜ੍ਹਾ ਰਹੇ ਅਧਿਆਪਕਾਂ ਨੂੰ ਤਨਖਾਹ ਦਿੱਤੀ ਜਾ ਸਕੇ।
ਪ੍ਰਬੰਧਕਾਂ ਨੇ ਦੱਸਿਆ ਕਿ ਸਕੂਲ ਵੱਲੋਂ ਸਾਲਾਨਾ ਚਾਰਜ ਬਹੁਤ ਘੱਟ ਵਸੂਲੇ ਜਾਣਗੇ ਜਦਕਿ ਅੱਧੀ ਟਰਾਂਸਪੋਰਟ ਫੀਸ ਨਹੀਂ ਲਈ ਜਾ ਰਹੀ। ਸਕੂਲ ਪਿ੍ਰੰਸੀਪਲ ਨੇ ਕਿਹਾ ਕਿ ਉਹ ਪ੍ਰਬੰਧਕ ਕਮੇਟੀ ਨਾਲ ਗੱਲਬਾਤ ਕਰਕੇ ਟਿਊਸ਼ਨ ਫੀਸ ਤੇ ਸਾਲਾਨਾ ਚਾਰਜ ਜੋ ਵੀ ਵੱਧ ਤੋਂ ਵੱਧ ਛੋਟ ਦੇ ਸਕਦੇ ਹੋਣਗੇ, ਉਹ ਕਰਨਗੇ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਸਕੂਲ ਦੀਆਂ ਕਿਤਾਬਾਂ ਕਿਤੋਂ ਵੀ ਬਾਹਰੋਂ ਲਈਆਂ ਜਾ ਸਕਦੀਆਂ ਹਨ, ਇਸ ਲਈ ਮਾਪੇ ਗੁੰਮਰਾਹ ਨਾ ਹੋਣ। 2 ਘੰਟੇ ਚੱਲੇ ਵਿਵਾਦ ਤੋਂ ਬਾਅਦ ਸਕੂਲ ਪਿ੍ਰੰਸੀਪਲ ਦੀਆਂ ਗੱਲਾਂ ਤੋਂ ਮਾਪੇ ਸੰਤੁਸ਼ਟ ਹੋਏ ਤੇ ਵਿਵਾਦ ਸੁਲਝ ਗਿਆ।
ਪਿ੍ਰੰ. ਡਾ. ਹਰਪ੍ਰਰੀਤ ਕੌਰ ਨੇ ਕਿਹਾ ਕਿ ਬੇਸ਼ੱਕ ਇਸ ਸਮੇਂ ਲਾਕਡਾਊਨ ਕਾਰਨ ਹਰੇਕ ਪਰਿਵਾਰ ਆਰਥਿਕ ਮੰਦੀ ‘ਚੋਂ ਗੁਜ਼ਰ ਰਿਹਾ ਹੈ ਪਰ ਸਕੂਲ ਦੀ ਪ੍ਰਬੰਧਕ ਕਮੇਟੀ ਨੂੰ ਅਧਿਆਪਕਾਂ ਦੀਆਂ ਤਨਖਾਹਾਂ ਤੇ ਹੋਰ ਖਰਚਿਆਂ ਲਈ ਟਿਊਸ਼ਨ ਫੀਸ ਤਾਂ ਵਸੂਲਣੀ ਪਵੇਗੀ ਪਰ ਫੇਰ ਵੀ ਉਹ ਮਾਪਿਆਂ ਦੀ ਤਕਲੀਫ਼ ਨੂੰ ਸਮਝਦੇ ਹੋਏ ਪ੍ਰਬੰਧਕ ਕਮੇਟੀ ਨਾਲ ਗੱਲ ਕਰਕੇ ਇਸ ਸਮੱਸਿਆ ਦਾ ਹੱਲ ਕੱਢਣਗੇ।