Pain behind lifestyle: ਸਿਰਫ਼ ਨੌਕਰੀ ਨਹੀਂ, ਇੱਕ ਪੂਰੀ ਜ਼ਿੰਦਗੀ ਛੱਡ ਰਹੀ ਹਾਂ… 5 ਸਾਲ ਬਾਅਦ ਕੁੜੀ ਨੇ ਕਿਉਂ ਛੱਡੀ ਲੱਖਾਂ JOB! ਵੀਡੀਓ ਕਰ ਦੇਵੇਗੀ ਭਾਵੁਕ
5 ਸਾਲ ਬਾਅਦ ਕੇਬਿਨ ਕਰੂ ਦੀ ਨੌਕਰੀ ਛੱਡਦਿਆਂ ਭਾਵੁਕ ਹੋਈ ਨਿਤਿਕਾ, ਵੀਡੀਓ ਵਾਇਰਲ
The pain behind the glamorous lifestyle
ਹਰ ਕਿਸੇ ਦਾ ਸੁਪਨਾ ਹੁੰਦਾ ਹੈ ਕਿ ਉਹ ਅਜਿਹੀ ਜ਼ਿੰਦਗੀ ਜਿਊਣ ਜਿੱਥੇ ਹਰ ਹਫ਼ਤੇ ਨਵੀਆਂ ਥਾਵਾਂ ਦੇਖਣ ਨੂੰ ਮਿਲਣ, ਦੁਨੀਆ ਘੁੰਮਣ ਦਾ ਮੌਕਾ ਮਿਲੇ ਅਤੇ ਚਮਕ-ਧਮਕ ਵਾਲੀ ਜੀਵਨ ਸ਼ੈਲੀ ਹੋਵੇ। ਪਰ ਕੀ ਇਹ ਜ਼ਿੰਦਗੀ ਸੱਚਮੁੱਚ ਉਨੀ ਹੀ ਆਸਾਨ ਹੈ ਜਿੰਨੀ ਬਾਹਰੋਂ ਦਿਸਦੀ ਹੈ? ਇੱਕ ਮਹਿਲਾ ਦੀ ਭਾਵੁਕ ਵੀਡੀਓ ਨੇ ਇਸ ਸਵਾਲ ਨੂੰ ਮੁੜ ਚਰਚਾ ਵਿੱਚ ਲਿਆ ਦਿੱਤਾ ਹੈ।
ਵਾਇਰਲ Video:
5 ਸਾਲਾਂ ਦੇ ਸਫ਼ਰ ਨੂੰ ਕਿਹਾ ਅਲਵਿਦਾ
ਸੋਸ਼ਲ ਮੀਡੀਆ ‘ਤੇ ਇਨੀਂ ਦਿਨੀਂ ਨਿਤਿਕਾ ਮਹਿਤਾ ਨਾਮ ਦੀ ਇੱਕ ਮਹਿਲਾ ਦੀ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਹ ਆਪਣੇ ਕੇਬਿਨ ਕਰੂ ਕਰੀਅਰ ਨੂੰ ਅਲਵਿਦਾ ਕਹਿੰਦੀ ਨਜ਼ਰ ਆ ਰਹੀ ਹੈ। ਕਰੀਬ 5 ਸਾਲ ਤੱਕ ਇਸ ਖੇਤਰ ਵਿੱਚ ਕੰਮ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਨੌਕਰੀ ਛੱਡਣ ਦਾ ਫੈਸਲਾ ਲਿਆ। ਨਿਤਿਕਾ ਨੇ ਦੱਸਿਆ ਕਿ ਇਹ ਸਿਰਫ਼ ਇੱਕ ਨੌਕਰੀ ਨਹੀਂ ਸੀ, ਸਗੋਂ ਉਨ੍ਹਾਂ ਦੀ ਜ਼ਿੰਦਗੀ ਦਾ ਇੱਕ ਅਹਿਮ ਹਿੱਸਾ ਸੀ।
ਤਿਉਹਾਰਾਂ ਅਤੇ ਪਰਿਵਾਰ ਤੋਂ ਦੂਰੀ ਦਾ ਅਹਿਸਾਸ
ਨਿਤਿਕਾ ਨੇ ਆਪਣੇ ਦਿਲ ਦਾ ਦਰਦ ਸਾਂਝਾ ਕਰਦਿਆਂ ਦੱਸਿਆ ਕਿ ਇਸ ਨੌਕਰੀ ਕਾਰਨ ਉਨ੍ਹਾਂ ਨੂੰ ਕਈ ਵਾਰ ਤਿਉਹਾਰ, ਜਨਮਦਿਨ ਅਤੇ ਪਰਿਵਾਰਕ ਸਮਾਗਮਾਂ ਤੋਂ ਦੂਰ ਰਹਿਣਾ ਪਿਆ। ਉਨ੍ਹਾਂ ਕਿਹਾ, “ਹੁਣ ਮੈਨੂੰ ਸਵੇਰੇ ਜਲਦੀ ਦੀਆਂ ਫਲਾਈਟਾਂ ਨਹੀਂ ਫੜਨੀਆਂ ਪੈਣਗੀਆਂ ਅਤੇ ਨਾ ਹੀ ਪਰਿਵਾਰ ਦੇ ਖ਼ਾਸ ਪਲਾਂ ਨੂੰ ਮਿਸ ਕਰਨਾ ਪਵੇਗਾ।”
ਆਪਣੇ ਅਨੁਭਵ ਸਾਂਝੇ ਕਰਦਿਆਂ ਉਨ੍ਹਾਂ ਕੁਝ ਖ਼ਾਸ ਪਲਾਂ ਦਾ ਜ਼ਿਕਰ ਕੀਤਾ; ਸੂਰਜ ਚੜ੍ਹਨ ਵੇਲੇ ਹਾਂਗਕਾਂਗ ਦੀਆਂ ਸੜਕਾਂ ‘ਤੇ ਇਕੱਲੇ ਘੁੰਮਣਾ। ਪਹਿਲੀ ਵਾਰ ਜਹਾਜ਼ ਵਿੱਚ ਬੈਠੇ ਘਬਰਾਏ ਹੋਏ ਯਾਤਰੀਆਂ ਨੂੰ ਸ਼ਾਂਤ ਕਰਨਾ ਅਤੇ ਛੋਟੇ ਬੱਚਿਆਂ ਨਾਲ ਖੇਡ ਕੇ ਉਨ੍ਹਾਂ ਦੇ ਮਾਪਿਆਂ ਨੂੰ ਰਾਹਤ ਦੇਣਾ। ਮੁਸ਼ਕਲ ਯਾਤਰੀਆਂ ਨੂੰ ਸੰਭਾਲਦੇ ਹੋਏ ਜੋ ਆਤਮਵਿਸ਼ਵਾਸ ਮਿਲਿਆ, ਉਹ ਜ਼ਿੰਦਗੀ ਦੀ ਸਭ ਤੋਂ ਵੱਡੀ ਸਿੱਖਿਆ ਹੈ।
ਨਿਤਿਕਾ ਨੇ ਸਾਫ਼ ਕਿਹਾ ਕਿ ਉਹ ਸਿਰਫ਼ ਇੱਕ ਜੌਬ ਨਹੀਂ ਛੱਡ ਰਹੀ, ਸਗੋਂ ਉਸ ਜ਼ਿੰਦਗੀ ਨੂੰ ਅਲਵਿਦਾ ਕਹਿ ਰਹੀ ਹੈ ਜਿਸ ਦਾ ਸੁਪਨਾ ਲੱਖਾਂ ਕੁੜੀਆਂ ਦੇਖਦੀਆਂ ਹਨ। ਉਨ੍ਹਾਂ ਦੱਸਿਆ ਕਿ ਕੇਬਿਨ ਕਰੂ ਬਣਨਾ ਉਨ੍ਹਾਂ ਲਈ ਸਥਾਈ ਕਰੀਅਰ ਨਹੀਂ ਸੀ, ਸਗੋਂ ਭਾਰਤ ਵਿੱਚ ਮੁਕਾਬਲੇ ਦੀਆਂ ਪ੍ਰੀਖਿਆਵਾਂ (Competitive Exams) ਦੇ ਦਬਾਅ ਤੋਂ ਨਿਕਲਣ ਦਾ ਇੱਕ ਰਸਤਾ ਸੀ।
ਜ਼ਿੰਦਗੀ ਬਦਲ ਦੇਣ ਵਾਲਾ ਅਨੁਭਵ
5 ਸਾਲਾਂ ਵਿੱਚ ਹਜ਼ਾਰਾਂ ਉਡਾਣਾਂ ਭਰਨ ਵਾਲੀ ਨਿਤਿਕਾ ਅਨੁਸਾਰ, ਇਸ ਸਫ਼ਰ ਨੇ ਉਨ੍ਹਾਂ ਨੂੰ ਅੰਦਰੋਂ ਬਦਲ ਦਿੱਤਾ ਹੈ। ਕੁਝ ਪਲ ਚੰਗੇ ਸਨ ਅਤੇ ਕੁਝ ਮੁਸ਼ਕਲ। ਉਹ ਪਿਛਲੇ 6 ਮਹੀਨਿਆਂ ਤੋਂ ਇਸ ਵੀਡੀਓ ਨੂੰ ਸਾਂਝਾ ਕਰਨ ਬਾਰੇ ਸੋਚ ਰਹੇ ਸਨ, ਕਿਉਂਕਿ ਕੁਝ ਯਾਦਾਂ ਨੂੰ ਸ਼ਬਦਾਂ ਵਿੱਚ ਬਿਆਨ ਕਰਨਾ ਆਸਾਨ ਨਹੀਂ ਹੁੰਦਾ। ਇਹ ਵੀਡੀਓ ਹੁਣ ਉਨ੍ਹਾਂ ਸਾਰੇ ਲੋਕਾਂ ਲਈ ਇੱਕ ਪ੍ਰੇਰਨਾ ਬਣ ਰਹੀ ਹੈ ਜੋ ਗਲੈਮਰਸ ਕਰੀਅਰ ਦੇ ਦੂਜੇ ਪਹਿਲੂ ਨੂੰ ਸਮਝਣਾ ਚਾਹੁੰਦੇ ਹਨ।
(Disclaimer: ਇਹ ਰਿਪੋਰਟ ਸੋਸ਼ਲ ਮੀਡੀਆ ‘ਤੇ ਇੱਕ ਉਪਭੋਗਤਾ ਦੁਆਰਾ ਕੀਤੀ ਗਈ ਪੋਸਟ ‘ਤੇ ਅਧਾਰਤ ਹੈ। Punjab Network ਇਸ ਸਮੱਗਰੀ ਦੀ ਪ੍ਰਮਾਣਿਕਤਾ ਦੀ ਪੁਸ਼ਟੀ ਨਹੀਂ ਕਰਦਾ ਹੈ।)
