Solar AC: ਗਰਮੀ ਤੋਂ ਰਾਹਤ ਲਈ ਸੋਲਰ ਪੈਨਲ ‘ਤੇ ਚਲਾਉਣਾ ਚਾਹੁੰਦੇ ਹੋ AC? ਜਾਣੋ ਕਿੰਨੇ ਪੈਨਲਾਂ ਦੀ ਪਵੇਗੀ ਲੋੜ ਅਤੇ ਕੀ ਹੈ ਪੂਰਾ ਤਰੀਕਾ
ਚੰਡੀਗੜ੍ਹ, 5 ਮਈ 2026: ਗਰਮੀਆਂ ਦਾ ਪ੍ਰਭਾਵ ਲਗਾਤਾਰ ਵਧ ਰਿਹਾ ਹੈ ਅਤੇ ਆਉਣ ਵਾਲੇ ਮਹੀਨਿਆਂ ਵਿੱਚ ਪਾਰਾ ਹੋਰ ਉੱਪਰ ਜਾਣ ਦੀ ਸੰਭਾਵਨਾ ਹੈ। ਅਜਿਹੇ ਵਿੱਚ ਲੋਕਾਂ ਨੇ ਘਰਾਂ ਵਿੱਚ ਕੂਲਰ ਅਤੇ ਏਅਰ ਕੰਡੀਸ਼ਨਰ (AC) ਚਲਾਉਣੇ ਸ਼ੁਰੂ ਕਰ ਦਿੱਤੇ ਹਨ।
ਪਰ AC ਚਲਾਉਣ ਨਾਲ ਬਿਜਲੀ ਦਾ ਬਿੱਲ ਜੇਬ ‘ਤੇ ਭਾਰੀ ਪੈਂਦਾ ਹੈ। ਇਹੀ ਕਾਰਨ ਹੈ ਕਿ ਅੱਜ-ਕੱਲ੍ਹ ਲੋਕ ਸੋਲਰ ਪੈਨਲ ਲਗਵਾਉਣ ਵੱਲ ਰੁਚੀ ਦਿਖਾ ਰਹੇ ਹਨ।
Solar AC: ਕੀ ਸੋਲਰ ਪੈਨਲ ‘ਤੇ AC ਚੱਲ ਸਕਦਾ ਹੈ?
ਜੀ ਹਾਂ, ਸੋਲਰ ਪੈਨਲ ਅਤੇ ਬੈਟਰੀ ਦੀ ਸਹਾਇਤਾ ਨਾਲ AC ਚਲਾਇਆ ਜਾ ਸਕਦਾ ਹੈ। ਇਸ ਦੇ ਦੋ ਮੁੱਖ ਤਰੀਕੇ ਹਨ….
ਆਫ-ਗ੍ਰਿਡ ਸਿਸਟਮ (Off-Grid): ਇਸ ਵਿੱਚ ਸੂਰਜੀ ਊਰਜਾ ਨਾਲ ਪਹਿਲਾਂ ਬੈਟਰੀ ਚਾਰਜ ਹੁੰਦੀ ਹੈ। ਇਸ ਦੀ ਮਦਦ ਨਾਲ ਤੁਸੀਂ ਰਾਤ ਦੇ ਸਮੇਂ ਵੀ AC ਚਲਾ ਸਕਦੇ ਹੋ। ਪਰ ਜੇਕਰ ਬੈਟਰੀ ਸਿਸਟਮ ਕੰਮ ਨਹੀਂ ਕਰੇਗਾ, ਤਾਂ ਤੁਸੀਂ AC ਦੀ ਵਰਤੋਂ ਨਹੀਂ ਕਰ ਸਕੋਗੇ।
ਆਨ-ਗ੍ਰਿਡ ਸਿਸਟਮ (On-Grid): ਇਸ ਸਿਸਟਮ ਵਿੱਚ ਪੈਨਲ ਸਿੱਧਾ AC ਨਾਲ ਕਨੈਕਟ ਹੁੰਦਾ ਹੈ। ਇਸ ਲਈ ਇਨਵਰਟਰ ਵਰਗੀ ਡਿਵਾਈਸ ਦੀ ਲੋੜ ਪੈਂਦੀ ਹੈ, ਜੋ ਡੀ.ਸੀ. (DC) ਨੂੰ ਏ.ਸੀ. (AC) ਐਨਰਜੀ ਵਿੱਚ ਬਦਲ ਦਿੰਦਾ ਹੈ। ਧਿਆਨ ਰਹੇ ਕਿ ਆਨ-ਗ੍ਰਿਡ ਸਿਸਟਮ ਲਗਾਉਣ ਲਈ ਸਰਕਾਰ ਦੀ ਮਨਜ਼ੂਰੀ ਲੈਣੀ ਲਾਜ਼ਮੀ ਹੈ।
ਕਿੰਨੇ ਸੋਲਰ ਪੈਨਲਾਂ ਦੀ ਪਵੇਗੀ ਲੋੜ?
ਜੇਕਰ ਤੁਸੀਂ ਆਪਣੇ ਘਰ ਵਿੱਚ 1.5 ਟਨ ਦਾ AC ਚਲਾਉਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਘੱਟੋ-ਘੱਟ 10 ਸੋਲਰ ਪੈਨਲਾਂ ਦੀ ਜ਼ਰੂਰਤ ਹੋਵੇਗੀ।
ਇਹ ਵੀ ਧਿਆਨ ਰੱਖਣਾ ਜ਼ਰੂਰੀ ਹੈ ਕਿ ਹਰ ਇੱਕ ਸੋਲਰ ਪੈਨਲ ਦੀ ਸਮਰੱਥਾ ਘੱਟੋ-ਘੱਟ 250 ਵਾਟ ਹੋਣੀ ਚਾਹੀਦੀ ਹੈ।
ਸੋਲਰ ਪੈਨਲ ਲਗਵਾ ਕੇ ਤੁਸੀਂ ਨਾ ਸਿਰਫ਼ ਭਾਰੀ ਬਿਜਲੀ ਬਿੱਲਾਂ ਤੋਂ ਛੁਟਕਾਰਾ ਪਾ ਸਕਦੇ ਹੋ, ਸਗੋਂ ਵਾਤਾਵਰਣ ਨੂੰ ਬਚਾਉਣ ਵਿੱਚ ਵੀ ਯੋਗਦਾਨ ਪਾ ਸਕਦੇ ਹੋ।
