Train Wedding Video: ਕੁੜੀ-ਮੁੰਡੇ ਦਾ ਟਰੇਨ ‘ਚ ਹੀ ਹੋਇਆ ਵਿਆਹ..! ਪਰਿਵਾਰ ਨੇ ਬਰਾਤ ਲਈ ਬੁੱਕ ਕੀਤਾ ਰੇਲਗੱਡੀ ਦਾ ਸਾਰਾ ਡੱਬਾ (ਵੇਖੋ ਖ਼ੂਬਸੂਰਤ ਵੀਡੀਓ)
ਨਵੀਂ ਦਿੱਲੀ, 5 ਅਪ੍ਰੈਲ 2026- ਸੋਸ਼ਲ ਮੀਡੀਆ ‘ਤੇ ਇਨੀਂ ਦਿਨੀਂ ਰੇਲਵੇ ਕੋਚ ਦੇ ਅੰਦਰ ਮਨਾਏ ਜਾ ਰਹੇ ਇੱਕ ਵਿਆਹ ਦੇ ਜਸ਼ਨ ਦੀ ਵੀਡੀਓ ਖੂਬ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ।
ਵੀਡੀਓ ਦੀ ਸ਼ੁਰੂਆਤ ਵਿੱਚ ਪਰਿਵਾਰ ਦਾ ਇੱਕ ਮੈਂਬਰ ਕੋਚ ਦੀ ਨੇਮਪਲੇਟ ‘ਤੇ ਫੁੱਲਾਂ ਦੀ ਮਾਲਾ ਅਤੇ ਮਹਿਮਾਨਾਂ ਦੇ ਸਵਾਗਤ ਦਾ ਪੋਸਟਰ ਲਗਾਉਂਦਾ ਨਜ਼ਰ ਆ ਰਿਹਾ ਹੈ। ਡੱਬੇ ਦੇ ਅੰਦਰ ਬੱਚਿਆਂ ਤੋਂ ਲੈ ਕੇ ਬਜ਼ੁਰਗਾਂ ਤੱਕ ਸਾਰੇ ਢੋਲ-ਨਗਾਰਿਆਂ ਦੀ ਥਾਪ ‘ਤੇ ਨੱਚਦੇ-ਗਾਉਂਦੇ ਦਿਖਾਈ ਦੇ ਰਹੇ ਹਨ।
When a Marwari wedding party books a railway coach! #IndianRailways #marriage pic.twitter.com/Yf52D2cISk
— Ananth Rupanagudi (@Ananth_IRAS) April 4, 2026
ਵੀਡੀਓ ਵਿੱਚ ਹੋਣ ਵਾਲੀ ਲਾੜੀ ਨੂੰ ਕੇਕ ਕੱਟਦੇ ਹੋਏ ਦਿਖਾਇਆ ਗਿਆ ਹੈ ਅਤੇ ਪੂਰਾ ਪਰਿਵਾਰ ਉਸ ਨੂੰ ਘੇਰ ਕੇ ਖੁਸ਼ੀਆਂ ਮਨਾ ਰਿਹਾ ਹੈ। ਕੋਚ ਦੇ ਅੰਦਰ ਦਾ ਮਾਹੌਲ ਕਿਸੇ ਧਰਮਸ਼ਾਲਾ ਵਰਗਾ ਲੱਗ ਰਿਹਾ ਹੈ, ਜਿੱਥੇ ਹਾਸਾ-ਮਜ਼ਾਕ ਅਤੇ ਗੀਤਾਂ ਦਾ ਦੌਰ ਜਾਰੀ ਹੈ।
ਇਸ ਸ਼ੋਰ-ਸ਼ਰਾਬੇ ਅਤੇ ਡਾਂਸ ਦੇ ਵਿਚਕਾਰ ਇੱਕ ਟਿਕਟ ਚੈਕਰ (TTE) ਵੀ ਆਪਣੀ ਡਿਊਟੀ ਨਿਭਾਉਂਦਾ ਨਜ਼ਰ ਆ ਰਿਹਾ ਹੈ। ਭੀੜ ਵਾਲੇ ਕੋਚ ਵਿੱਚ ਰਸਤਾ ਬਣਾਉਂਦੇ ਹੋਏ ਟੀ.ਟੀ.ਈ. ਵੀ ਇਸ ਮਾਹੌਲ ਨੂੰ ਦੇਖ ਕੇ ਮੁਸਕਰਾਏ ਬਿਨਾਂ ਨਹੀਂ ਰਹਿ ਸਕਿਆ ਅਤੇ ਉਸ ਨੇ ਮੁਸਕਰਾਉਂਦੇ ਹੋਏ ਆਪਣਾ ਕੰਮ ਪੂਰਾ ਕੀਤਾ।
ਵੀਡੀਓ ਵਾਇਰਲ ਹੁੰਦੇ ਹੀ ਇੰਟਰਨੈੱਟ ‘ਤੇ ਲੋਕਾਂ ਦੀ ਰਾਏ ਦੋ ਹਿੱਸਿਆਂ ਵਿੱਚ ਵੰਡੀ ਗਈ ਹੈ। ਕਈ ਲੋਕ ਇਸ ਤਰ੍ਹਾਂ ਮਿਲ ਕੇ ਸਫ਼ਰ ਕਰਨ ਅਤੇ ਭਾਰਤੀ ਸੱਭਿਆਚਾਰ ਦੇ ਜਸ਼ਨ ਦੀ ਤਾਰੀਫ਼ ਕਰ ਰਹੇ ਹਨ। ਉਨ੍ਹਾਂ ਮੁਤਾਬਕ ਇਹ ਏਕਤਾ ਅਤੇ ਪਿਆਰ ਦਾ ਪ੍ਰਤੀਕ ਹੈ।
ਦੂਜੇ ਪਾਸੇ ਕੁਝ ਯੂਜ਼ਰਸ ਨੇ ਜਨਤਕ ਸ਼ਿਸ਼ਟਾਚਾਰ ‘ਤੇ ਸਵਾਲ ਚੁੱਕੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਭਾਵੇਂ ਪੂਰਾ ਕੋਚ ਬੁੱਕ ਕੀਤਾ ਗਿਆ ਹੋਵੇ, ਪਰ ਜਨਤਕ ਟ੍ਰਾਂਸਪੋਰਟ ਵਿੱਚ ਇੰਨਾ ਸ਼ੋਰ ਮਚਾਉਣਾ ਸਹੀ ਨਹੀਂ ਹੈ, ਕਿਉਂਕਿ ਇਸ ਨਾਲ ਦੂਜੇ ਯਾਤਰੀਆਂ ਨੂੰ ਪਰੇਸ਼ਾਨੀ ਹੋ ਸਕਦੀ ਹੈ।
ਕਿਵੇਂ ਬੁੱਕ ਹੁੰਦਾ ਹੈ ਪੂਰਾ ਰੇਲਵੇ ਕੋਚ?
ਭਾਰਤੀ ਰੇਲਵੇ ਵਿੱਚ ਪੂਰਾ ਕੋਚ ਬੁੱਕ ਕਰਨਾ ਪੂਰੀ ਤਰ੍ਹਾਂ ਕਾਨੂੰਨੀ ਹੈ। ਆਈ.ਆਰ.ਸੀ.ਟੀ.ਸੀ. (IRCTC) ਦੇ ਫੁੱਲ ਟੈਰਿਫ ਰੇਟ (FTR) ਸਿਸਟਮ ਰਾਹੀਂ ਕੋਈ ਵੀ ਵਿਅਕਤੀ ਵਿਆਹ ਜਾਂ ਕਿਸੇ ਖਾਸ ਮੌਕੇ ਲਈ ਪੂਰੀ ਟ੍ਰੇਨ ਜਾਂ ਕੋਚ ਬੁੱਕ ਕਰ ਸਕਦਾ ਹੈ। ਇਸ ਦੇ ਲਈ ਯਾਤਰਾ ਤੋਂ ਛੇ ਮਹੀਨੇ ਪਹਿਲਾਂ ਰਜਿਸਟ੍ਰੇਸ਼ਨ ਕਰਵਾਉਣੀ ਪੈਂਦੀ ਹੈ।
ਲਗਭਗ 50,000 ਰੁਪਏ ਪ੍ਰਤੀ ਕੋਚ ਦੀ ਸੁਰੱਖਿਆ ਰਾਸ਼ੀ (Security Amount) ਜਮ੍ਹਾ ਕਰਨੀ ਹੁੰਦੀ ਹੈ। ਇਹ ਸੁਵਿਧਾ ਆਨਲਾਈਨ ਅਤੇ ਆਫਲਾਈਨ ਦੋਵਾਂ ਤਰੀਕਿਆਂ ਨਾਲ ਉਪਲਬਧ ਹੈ, ਜਿਸ ਦੀ ਵਰਤੋਂ ਇਸ ਪਰਿਵਾਰ ਨੇ ਆਪਣੀ ਯਾਤਰਾ ਨੂੰ ਯਾਦਗਾਰ ਬਣਾਉਣ ਲਈ ਕੀਤੀ ਹੈ।
