ਵੱਡੀ ਖ਼ਬਰ: Punjab ‘ਚ ਗੀਜ਼ਰ ਗੈਸ ਚੜਨ ਕਾਰਨ ਮੁਟਿਆਰ ਦੀ ਮੌਤ
Punjab Network
ਜਲੰਧਰ, 1 ਜਨਵਰੀ 2026-
Punjab News- ਪੰਜਾਬ ਦੇ ਅੰਦਰ ਨਵੇਂ ਸਾਲ ਤੋਂ ਠੀਕ ਇੱਕ ਦਿਨ ਪਹਿਲਾਂ ਗੀਜ਼ਰ ਗੈਸ ਚੜਨ ਕਾਰਨ ਇੱਕ ਮੁਟਿਆਰ ਦੀ ਮੌਤ ਹੋਣ ਦੀ ਖ਼ਬਰ ਮਿਲੀ ਹੈ।
ਮ੍ਰਿਤਕਾ ਦੀ ਪਛਾਣ ਮੁਨਮੁਨ ਚਿਤਵਾਨ ਪੁੱਤਰੀ ਦੀਪਕ ਕੰਬੋਜ ਵਾਸੀ ਜਲੰਧਰ ਵਜੋਂ ਹੋਈ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਮੁਨਮੁਨ ਚਿਤਵਾਨ ਨਹਾਉਣ ਵਾਸਤੇ ਬਾਥਰੂਮ ਗਈ ਸੀ, ਪਰ ਉੱਥੇ ਗੀਜ਼ਰ ਦੀ ਗੈਸ ਚੜ੍ਹ ਗਈ। ਜਿਸ ਕਾਰਨ ਮੁਨਮੁਨ ਬੇਹੋਸ਼ ਹੋ ਗਈ।
ਜਦੋਂ ਕਾਫ਼ੀ ਸਮਾਂ ਮੁਨਮੁਨ ਬਾਥਰੂਮ ਵਿੱਚੋਂ ਬਾਹਰ ਨਾ ਆਈ ਤਾਂ, ਪਰਿਵਾਰ ਦਰਵਾਜ਼ਾ ਬੜੀ ਮੁਸ਼ਕਲ ਦੇ ਨਾਲ ਖੋਲ੍ਹ ਕੇ ਬਾਥਰੂਮ ਅੰਦਰ ਦਾਖ਼ਲ ਹੋਇਆ।
ਪਰ ਉੱਨ੍ਹੇ ਸਮੇਂ ਨੂੰ ਬਹੁਤ ਦੇਰ ਹੋ ਚੁੱਕੀ ਸੀ। ਮੁਨਮੁਨ ਦੀ ਮੌਤ ਹੋ ਗਈ ਸੀ। ਦੀਪਕ ਕੰਬੋਜ ਮੁਤਾਬਿਕ ਨਵੇਂ ਸਾਲ ਤੇ ਉਸ ਦੀ ਬੇਟੀ ਦਾ ਜਨਮ ਦਿਨ ਸੀ।
ਮੁਨਮੁਨ ਦੇ ਜਨਮ ਦਿਨ ਦੀਆਂ ਤਿਆਰੀਆਂ ਚੱਲ ਹੀ ਰਹੀਆਂ ਸਨ ਕਿ, ਇੱਕ ਦੁਖਦਾਈ ਖ਼ਬਰ ਆ ਗਈ। ਉਨ੍ਹਾਂ ਕਿਹਾ ਕਿ ਮੁਨਮੁਨ ਦੀ ਮੌਤ ਕਾਰਨ ਪੂਰਾ ਪਰਿਵਾਰ ਸੋਗ ਵਿੱਚ ਹੈ।
ਧੀ ਦੀ ਅਚਾਨਕ ਮੌਤ ਨੇ ਘਰ ਦੀਆਂ ਖੁਸ਼ੀਆਂ ਨੂੰ ਸੋਗ ਵਿੱਚ ਬਦਲ ਦਿੱਤਾ।
