ਸਰਕਾਰੀ ਅਧਿਆਪਕਾ ਰਜਿੰਦਰ ਕੌਰ ਸੋਹੀਆਂ ਕਲਾਂ ਦਾ ਪ੍ਰਭਾਵਸ਼ਾਲੀ ਸੇਵਾਮੁਕਤੀ ਸਮਾਰੋਹ
Punjab Network
ਅੰਮ੍ਰਿਤਸਰ, 6 ਜਨਵਰੀ 2026- ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸੋਹੀਆਂ ਕਲਾਂ ਦੇ ਸੋਸ਼ਲ ਸਟੱਡੀ ਮਿਸਟ੍ਰੈਸ ਰਜਿੰਦਰ ਕੌਰ 32 ਸਾਲਾਂ ਦੀ ਲੰਮੀ, ਬੇਦਾਗ਼ ਅਤੇ ਵਧੀਆ ਸੇਵਾ ਤੋਂ ਬਾਅਦ ਸੇਵਾਮੁਕਤ ਹੋਏ। ਇਸ ਮੌਕੇ ਸਕੂਲ ਦੇ ਇੰਚਾਰਜ ਪ੍ਰਿੰਸੀਪਲ ਅਮਨ ਸ਼ਰਮਾ ਅਤੇ ਸਮੂਹ ਸਕੂਲ ਸਟਾਫ ਨੇ ਉਹਨਾਂ ਨੂੰ ਸਕੂਲ ਅਤੇ ਸਥਾਨਕ ਹੋਟਲ ਵਿੱਚ ਪ੍ਰਭਾਵਸ਼ਾਲੀ ਨਿੱਘੀ ਵਿਦਾਇਗੀ ਪਾਰਟੀ ਦਿੱਤੀ।
ਇਸ ਮੌਕੇ ਅਮਨ ਸ਼ਰਮਾ, ਮਨਦੀਪ ਕੌਰ, ਨਿਰਮਲਜੀਤ ਕੌਰ, ਨੀਤੂ ਜੋਸ਼ੀ, ਹਰਪ੍ਰੀਤ ਸਿੰਘ, ਰੇਣੁਕਾ ਜੈਨ, ਅਤੇ ਹੋਰਾਂ ਨੇ ਦੱਸਿਆ ਕਿ ਰਜਿੰਦਰ ਕੌਰ ਜੀ ਨੇ ਆਪਣੀ ਸਾਰੀ ਸੇਵਾ ਬਹੁਤ ਇਮਾਨਦਾਰੀ ਅਤੇ ਸਮਰਪਣ ਭਾਵਨਾ ਨਾਲ ਕੀਤੀ।
ਅਮਨ ਸ਼ਰਮਾ ਅਤੇ ਹੋਰਾਂ ਨੇ ਦੱਸਿਆ ਕਿ ਰਜਿੰਦਰ ਕੌਰ ਇੱਕ ਬਹੁਤ ਹੀ ਚੰਗੇ ਅਧਿਆਪਕ ਹੋਣ ਦੇ ਨਾਲ-ਨਾਲ ਇੱਕ ਬਹੁਤ ਵਧੀਆ ਇਨਸਾਨ ਹਨ ਜੋ ਕਿ ਅਧਿਆਪਨ ਦੇ ਨਾਲ ਆਪਣੇ ਵਿਦਿਆਰਥੀਆਂ, ਪਰਿਵਾਰ ਅਤੇ ਸਮਾਜ ਸੇਵਾ ਲਈ ਸਦਾ ਤਿਆਰ ਰਹਿੰਦੇ ਹਨ। ਇਸ ਮੌਕੇ ਸਮੂਹ ਸਕੂਲ ਸਟਾਫ਼ ਵਲੋਂ ਉਹਨਾਂ ਦੀ ਸ਼ਾਨਦਾਰ ਸੇਵਾਵਾਂ ਲਈ ਉਹਨਾਂ ਦਾ ਸ਼ਾਨਦਾਰ ਸਵਾਗਤ ਕੀਤਾ ਗਿਆ ਅਤੇ ਸਨਮਾਨਿਤ ਕੀਤਾ ਗਿਆ।
ਅੰਗਰੇਜ਼ੀ ਮਿਸਟ੍ਰੈਸ ਮਮਤਾ ਸ਼ਰਮਾ ਨੇ ਬਹੁਤ ਵਧੀਆ ਢੰਗ ਨਾਲ ਸਟੇਜ ਸੰਚਾਲਣ ਕੀਤਾ ਅਤੇ ਪੰਜਾਬੀ ਅਧਿਆਪਕ ਮਨਜੀਤ ਸਿੰਘ ਨੇ ਰਜਿੰਦਰ ਕੌਰ ਜੀ ਦਾ ਸਨਮਾਨ ਪੱਤਰ ਪੜ੍ਹਿਆ। ਰਜਿੰਦਰ ਕੌਰ ਅਤੇ ਉਹਨਾਂ ਦੇ ਪਤੀ ਕਰਮਜੀਤ ਸਿੰਘ ਵਲੋਂ ਸਕੂਲ ਵੈਲਫ਼ੇਅਰ ਲਈ 31000 ਰੁਪਏ ਦਾਨ ਰਾਸ਼ੀ ਦਿੱਤੀ ਗਈ। ਅਮਨ ਸ਼ਰਮਾ ਵਲੋਂ ਇਸ ਸਨਮਾਨ ਸਮਾਰੋਹ ਨੂੰ ਸਫ਼ਲ ਕਰਨ ਲਈ ਸਮੂਹ ਸਟਾਫ ਦੇ ਸਹਿਯੋਗ ਲਈ ਧੰਨਵਾਦ ਕੀਤਾ।
ਇਸ ਮੌਕੇ ਰਜਿੰਦਰ ਸਿੰਘ, ਪਰਵਿੰਦਰ ਕੌਰ, ਹਰਵਿੰਦਰ ਕੌਰ, ਬਲਵਿੰਦਰ ਕੌਰ, ਜਸਜੀਤ ਸਿੰਘ, ਸਿਮਰਨਜੀਤ ਕੌਰ, ਮਨਦੀਪ ਸਿੰਘ, ਸੁਵਿੰਦਰਪਾਲ ਸਿੰਘ, ਅਨੀਤਾ ਕੋਹਲੀ, ਰਾਜਵਿੰਦਰ ਕੌਰ, ਬਲਬੀਰ ਕੌਰ, ਹਰਪਾਲ ਸਿੰਘ, ਗੋਪੀ ਚੰਦ ਗੀਤੂ, ਜੀਵਨ ਜਯੋਤੀ, ਅਮਨਪ੍ਰੀਤ ਸਿੰਘ, ਨਵੀਨ ਗੌਰਵ ਗੰਭੀਰ, ਅਮਨਦੀਪ ਕੌਰ, ਗੁਰਲਾਲ ਸਿੰਘ, ਸ਼ਾਕਸ਼ੀ, ਮੁਕੇਸ਼ ਜੋਸ਼ੀ, ਹਰਪ੍ਰੀਤ ਸਿੰਘ ਹਾਜ਼ਰ ਸਨ।
