ਸਿਡਨੀ:
ਭਾਰਤ ਤੇ ਅਮਰੀਕਾ ਦੇ ਨਕਸ਼ੇ ਕਦਮ ‘ਤੇ ਚੱਲਣ ਵਾਲੇ ਆਸਟਰੇਲੀਆ ‘ਚ ਵੀ ਕਈ ਸੰਸਦ ਮੈਂਬਰਾਂ ਨੇ ਟਿਕ ਟੌਕ ‘ਤੇ ਪਾਬੰਦੀ ਲਾਉਣ ਦਾ ਪ੍ਰਸਤਾਵ ਦੇ ਰਹੇ ਹਨ। ਉਨ੍ਹਾਂ ਨੂੰ ਵੀ ਡਰ ਹੈ ਕਿ ਚੀਨ ਸਰਕਾਰ ਇਸ ਐਪ ਦਾ ਇਸਤੇਮਾਲ ਯੂਜ਼ਰਜ਼ ਦਾ ਡਾਟਾ ਇਕੱਠਾ ਕਰਨ ਲਈ ਕਰ ਰਹੀ ਹੈ। ਹਾਲ ਹੀ ‘ਚ ਲਿਬਰਲ ਪਾਰਟੀ ਦੇ ਸੀਨੇਟਰ ਜਿਮ ਮੋਲਨ ਨੇ ਕਿਹਾ ਕਿ ਚੀਨ ਸਰਕਾਰ ਟਿਕ ਟੌਕ ਦੀ ਵਰਤੋਂ ਤੇ ਗ਼ਤਲ ਉਪਯੋਗ ਕਰ ਰਹੀ ਹੈ।
ਲੇਬਰ ਪਾਰਟੀ ਦੇ ਸੀਨੇਟਰ ਜੇਨੀ McAllister ਨੇ ਕਥਿਤ ਤੌਰ ‘ਤੇ ਮੰਗ ਕੀਤੀ ਕਿ ਟਿਕ ਟੌਕ ਦੇ ਪ੍ਰਤੀਨਿਧੀ ਸੋਸ਼ਲ ਮੀਡੀਆ ਰਾਹੀਂ ਵਿਦੇਸ਼ੀ ਦਖਲਅੰਦਾਜ਼ੀ ‘ਤੇ ਚੋਣ ਕਮੇਟੀ ਦਾ ਸਾਹਮਣਾ ਕਰੇ। ਹਾਲਾਂਕਿ ਟਿਕ ਟੌਕ ਲਗਾਤਾਰ ਦੋਸ਼ਾਂ ਤੋਂ ਇਨਕਾਰ ਕਰ ਰਿਹਾ ਹੈ ਪਰ ਇਸ ਕਦਮ ਨੇ ਇਹ ਸਵਾਲ ਤਾਂ ਖੜ੍ਹਾ ਕਰ ਹੀ ਦਿੱਤਾ ਹੈ ਕਿ ਕੀ ਚੀਨ ਮੌਜ਼ੂਦਾ ਸਮੇਂ ‘ਚ ਟਿਕ ਟੌਕ ਦੇ ਯੂਜ਼ਰਜ਼ ਦਾ ਡਾਟਾ ਹਾਸਿਲ ਕਰ ਰਿਹਾ ਹੈ।
ਸਾਊਥ ਚਾਈਨਾ ਮੌਰਨਿੰਗ ਪੋਸਟ ਦੀ ਖ਼ਬਰ ਮੁਤਾਬਕ ਟਿਕ ਟੌਕ ਦੀ ਕੰਪਨੀ ਬਾਈਟਡਾਂਸ ਨੇ ਲਗਾਤਾਰ ਇਹ ਦਾਅਵਾ ਕੀਤਾ ਹੈ ਕਿ ਉਸ ਦਾ ਡਾਟਾ ਅਮਰੀਕਾ ਤੇ ਸਿੰਗਾਪੁਰ ਸਥਿਤ Servers ‘ਚ ਇਕੱਠਾ ਕੀਤਾ ਜਾਂਦਾ ਹੈ। ਹਾਲਾਂਕਿ ਚੀਨ ਸਰਕਾਰ ਲਈ ਫਿਰ ਵੀ ਇਸ ਡਾਟੇ ਤਕ ਪਹੁੰਚਣਾ ਮੁਸ਼ਕਿਲ ਕੰਮ ਨਹੀਂ ਹੈ। ਜਨਵਰੀ ‘ਚ ਕੰਪਨੀ ਨੇ ਕਿਹਾ ਵੀ ਸੀ, ‘ਤੁਹਾਨੂੰ ਇਹ ਸਮਝਣਾ ਚਾਹੀਦਾ ਹੈ ਕਿ ਕੋਈ ਵੀ ਡਾਟਾ ਸਟੋਰੇਜ ਸਿਸਟਮ ਜਾਂ ਇੰਟਰਨੈੱਟ ‘ਤੇ ਡਾਟੇ ਦਾ ਟਰਾਂਸਮਿਸ਼ਨ ਜਾਂ ਕੋਈ ਵੀ ਹੋਰ ਪਬਲਿਕ ਨੈੱਟਵਰਕ ਦੀ ਸੌ ਫੀਸਦੀ ਸੁਰੱਖਿਆ ਦੀ ਗਾਰੰਟੀ ਨਹੀਂ ਦਿੱਤੀ ਜਾ ਸਕਦੀ।’
ਜ਼ਿਕਰਯੋਗ ਹੈ ਕਿ ਜੇਕਰ ਟਿਕ ਟੌਕ ਯੂਜ਼ਰ ਆਪਣੇ ਡਿਵਾਈਸ ਤੋਂ ਸਮੱਗਰੀ ਡਿਲੀਟ ਕਰਨ ਦਾ ਫੈਸਲਾ ਕਰੇ ਜਾਂ ਕੁਝ ਦੇਸ਼ਾਂ ਦੀਆਂ ਸਰਕਾਰਾਂ ਐਪ ‘ਤੇ ਪਾਬੰਦੀ ਲਾ ਦੇਣ ਤਾਂ ਡਾਟੇ ਨੂੰ ਪਿਛਲੀ ਤਰੀਕ ਤੋਂ ਡਿਲੀਟ ਨਹੀਂ ਕੀਤਾ ਜਾ ਸਕਦਾ ਹੈ। ਇਸ ਦੀ ਵਜ੍ਹਾ ਇਹ ਹੈ ਕਿ ਬਾਅਦ Information transfer ਹੋਣ ਤੋਂ ਬਾਅਦ ਕੰਪਨੀ ਦੀ ਮਦਦ ਦੇ ਬਿਨਾ ਇਸ ਨੂੰ ਵਾਪਸ ਹਾਸਿਲ ਨਹੀਂ ਕੀਤਾ ਜਾ ਸਕਦਾ ਹੈ।