Great News- ਜਾਣੋ ਉਸ ਸ਼ਹਿਰ ਦੀ ਗਾਥਾ, ਜਿੱਥੇ ਰਹਿਣ ਵਾਸਤੇ ਲੋਕਾਂ ਨੂੰ ਮਿਲਦੇ ਨੇ ਲੱਖਾਂ ਰੁਪਏ

416
Photo by News18

 

  • Know the legend of that city; Where people get lakhs of rupees to live

India ਤੋਂ ਬਾਹਰ ਇੱਕ ਅਜਿਹਾ ਦੇਸ਼ ਹੈ, ਜਿੱਥੇ ਉਲਟੀ ਗੰਗਾ ਵਗਦੀ ਹੈ। ਇੱਥੇ ਰਹਿਣ ਲਈ ਤੁਹਾਨੂੰ ਪੈਸੇ ਖਰਚਣ ਦੀ ਲੋੜ ਨਹੀਂ ਹੈ, ਸਗੋਂ ਇਸ ਦੇ ਲਈ ਸਰਕਾਰ ਖੁਦ ਤੁਹਾਨੂੰ 25 ਲੱਖ ਰੁਪਏ ਤੋਂ ਵੱਧ ਦੇਣ ਲਈ ਤਿਆਰ ਹੈ।

ਜੀ ਹਾਂ, ਦੱਖਣ-ਪੂਰਬੀ ਇਟਲੀ ਦੇ ਪ੍ਰਿਸਿਸ ਸ਼ਹਿਰ ਦੇ ਅਧਿਕਾਰੀਆਂ ਨੇ ਐਲਾਨ ਕੀਤਾ ਹੈ ਕਿ ਉਹ ਸ਼ਹਿਰ ‘ਚ ਖਾਲੀ ਪਏ ਮਕਾਨਾਂ ਨੂੰ ਖਰੀਦਣ ਅਤੇ ਵਸਾਉਣ ਲਈ ਲੋਕਾਂ ਨੂੰ 30,000 ਯੂਰੋ ਦੇਣਗੇ।

ਸਥਾਨਕ ਕੌਂਸਲਰ ਅਲਫਰੇਡੋ ਪੋਲਿਸ ਅਨੁਸਾਰ ਸ਼ਹਿਰ ਦੇ ਅਰਥਚਾਰੇ ਨੂੰ ਮੁੜ ਸੁਰਜੀਤ ਕਰਨ ਦੀਆਂ ਯੋਜਨਾਵਾਂ ਹਨ, ਜੋ ਲਗਭਗ ਖੰਡਰ ਹੋ ਚੁੱਕੀ ਹੈ।

1991 ਤੋਂ ਪਹਿਲਾਂ ਬਣੇ ਕਈ ਮਕਾਨਾਂ ਖਾਲੀ ਪਏ 

ਇਸ ਦੇ ਲਈ 1991 ਤੋਂ ਪਹਿਲਾਂ ਬਣੇ ਕਈ ਖਾਲੀ ਪਏ ਮਕਾਨਾਂ ਦੇ ਮੁੜ ਵਸੇਬੇ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਕਥਿਤ ਤੌਰ ‘ਤੇ ਇਸ ਦੇ ਮਾਲਕਾਂ ਵੱਲੋਂ ਪੂਰੀ ਇਮਾਰਤ ਨੂੰ ਛੱਡ ਦਿੱਤਾ ਗਿਆ ਹੈ।

ਕੌਂਸਲਰ ਦਾ ਕਹਿਣਾ ਹੈ ਕਿ ਇਹ ਇਮਾਰਤ ਕੁਦਰਤੀ ਨਜ਼ਾਰਿਆਂ ਨਾਲ ਭਰਪੂਰ ਹੈ। ਇਸ ਤੋਂ ਇਲਾਵਾ ਇਹ ਸ਼ਹਿਰ ਇਤਿਹਾਸਕ ਦ੍ਰਿਸ਼ਟੀਕੋਣ ਤੋਂ ਵੀ ਅਦਭੁਤ ਵਾਸਤੂ ਕਲਾ ਦਾ ਕੇਂਦਰ ਰਿਹਾ ਹੈ।

ਇਸ ਸ਼ਾਨਦਾਰ ਆਫ਼ਰ ਲਈ ਅਰਜ਼ੀ ਪ੍ਰਕਿਰਿਆ ਜਲਦੀ ਹੀ ਪ੍ਰੀਸਿਚ ਦੀ ਵੈੱਬਸਾਈਟ ‘ਤੇ ਸ਼ੁਰੂ ਕੀਤੀ ਜਾ ਸਕਦੀ ਹੈ। ਵਧੇਰੇ ਵੇਰਵਿਆਂ ਲਈ ਤੁਸੀਂ ਇਸ ਵੈੱਬਸਾਈਟ ‘ਤੇ ਜਾ ਕੇ ਦੇਖ ਸਕਦੇ ਹੋ।

ਮਕਾਨਾਂ ਦੀ ਕੀਮਤ ਕਰੀਬ 25 ਹਜ਼ਾਰ ਯੂਰੋ

ਦੱਸ ਦੇਈਏ ਕਿ ਇਲਾਕੇ ‘ਚ ਮਕਾਨਾਂ ਦੀ ਕੀਮਤ ਕਰੀਬ 25 ਹਜ਼ਾਰ ਯੂਰੋ ਹੈ। ਇੰਨੇ ਪੈਸੇ ਨਾਲ ਤੁਸੀਂ ਇੱਥੇ 50 ਵਰਗ ਮੀਟਰ ਦਾ ਘਰ ਖਰੀਦ ਸਕਦੇ ਹੋ।

ਖ਼ਾਸ ਗੱਲ ਇਹ ਹੈ ਕਿ ਇਨ੍ਹਾਂ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਸਰਕਾਰ ਤੁਹਾਨੂੰ ਪੈਸੇ ਵੀ ਦੇ ਰਹੀ ਹੈ। ਉਹ ਵੀ 25 ਲੱਖ ਰੁਪਏ ਤੋਂ ਵੱਧ। ਦੱਸ ਦੇਈਏ ਕਿ ਸੈਲੇਂਟੋ ਸ਼ਹਿਰ ਇਸ ਦੇ ਨੇੜੇ ਹੀ ਹੈ।

ਜਿੱਥੇ ਤੁਹਾਨੂੰ ਸਾਫ਼ ਪਾਣੀ ਦੇ ਨਾਲ-ਨਾਲ ਸੈਂਟਾ ਮਾਰੀਆ ਡੀ ਲਿਊਕਾ ਦਾ ਸ਼ਾਨਦਾਰ ਬੀਚ ਮਿਲੇਗਾ। ਇਸ ਤੋਂ ਪਹਿਲਾਂ ਵੀ ਇਟਲੀ ਕੁਝ ਇਸ ਤਰ੍ਹਾਂ ਦੀ ਪੇਸ਼ਕਸ਼ ਕਰਕੇ ਸੁਰਖੀਆਂ ‘ਚ ਆਇਆ ਸੀ।

ਉਸ ਸਮੇਂ ਸਰਕਾਰ ਨੇ ਕੈਲਾਬਰੀਆ ‘ਚ ਲੋਕਾਂ ਨੂੰ ਮੁੜ ਵਸਾਉਣ ਲਈ 25 ਲੱਖ ਰੁਪਏ ਦੀ ਪੇਸ਼ਕਸ਼ ਕੀਤੀ ਸੀ। ਉਸ ਸਮੇਂ ਲੋਕਾਂ ਨੂੰ ਅਰਥਚਾਰੇ ਨੂੰ ਹੁਲਾਰਾ ਦੇਣ ਲਈ ਇੱਥੇ ਨਵੇਂ ਕਾਰੋਬਾਰ ਸ਼ੁਰੂ ਕਰਨ ਲਈ ਵੀ ਕਿਹਾ ਗਿਆ ਸੀ।