ਪੱਤਰਕਾਰ ਰਾਕੇਸ਼ ਧਵਨ ਦੀ ਪਹਿਲੀ ਬਰਸੀ ਮੌਕੇ ਯਾਦਗਾਰੀ ਕੈਂਪ; 128 ਮਰੀਜ਼ਾਂ ਦੇ ਖੂਨ ਦੀ ਹੋਈ ਮੁਫ਼ਤ ਜਾਂਚ
ਧਵਨ ਪੱਤਰਕਾਰ ਵੱਲੋਂ ਪੱਤਰਕਾਰਤਾ ਦੇ ਖੇਤਰ ਵਿੱਚ ਨਿਭਾਈਆਂ ਸੇਵਾਵਾਂ ਨੂੰ ਕਦੇ ਵੀ ਭੁਲਾਇਆ ਨਹੀਂ ਜਾ ਸਕਦਾ: ਸ਼ਰਮਾ
ਬਲਜੀਤ ਸਿੰਘ ਕਚੂਰਾ/ ਜਸਬੀਰ ਸਿੰਘ ਕੰਬੋਜ
ਮਮਦੋਟ, 14 ਫਰਵਰੀ 2026- ਪੱਤਰਕਾਰੀ ਦੇ ਖੇਤਰ ਵਿੱਚ ਵਿਲੱਖਣ ਪੈੜਾਂ ਪਾਉਣ ਵਾਲੇ ਅਤੇ ਜ਼ਿੰਦਗੀ ਦਾ ਲੰਬਾ ਸਮਾਂ ਪੱਤਰਕਾਰਤਾ ਨੂੰ ਸਮਰਪਿਤ ਰਹੇ ਪੱਤਰਕਾਰ ਰਾਕੇਸ਼ ਧਵਨ ਦੀ ਪਹਿਲੀ ਬਰਸੀ ਦੇ ਮੌਕੇ ‘ਤੇ ਉਨ੍ਹਾਂ ਦੇ ਸਪੁੱਤਰ ਵਰੁਣਦੀਪ ਧਵਨ, ਹੇਮਨ ਧਵਨ ਅਤੇ ਸਮੂਹ ਪਰਿਵਾਰ ਵੱਲੋਂ ਉਨ੍ਹਾਂ ਦੀ ਮਿੱਠੀ ਯਾਦ ਵਿੱਚ ਮੁਫ਼ਤ ਖੂਨ ਜਾਂਚ ਕੈਂਪ ਲਗਾਇਆ ਗਿਆ।
ਸੀ ਐਚ ਸੀ ਮਮਦੋਟ ਦੇ ਸੀਨੀਅਰ ਮੈਡੀਕਲ ਅਫ਼ਸਰ ਡਾ. ਰੇਖਾ ਭੱਟੀ ਦੀ ਦੇਖ-ਰੇਖ ਅਤੇ ਹੈਲਥ ਕੇਅਰ ਲੈਬਸ ਮਮਦੋਟ ਅਤੇ ਅਮਨਦੀਪ ਲੈਬ ਮਮਦੋਟ ਦੇ ਸਹਿਯੋਗ ਨਾਲ ਲਗਾਏ ਇਸ ਕੈਂਪ ਵਿੱਚ ਡਾਕਟਰ ਹਰਸ਼ (ਮੈਡੀਕਲ ਅਫਸਰ), ਪਰਮਿੰਦਰ ਕੌਰ ਸੀ. ਐੱਚ. ਓ, ਸਿਵਾਲੀ ਵਰਮਾ ਐਸ. ਐਲ. ਟੀ, ਰਾਜੇਸ਼ ਕੁਮਾਰ ਐੱਸ. ਐੱਲ. ਟੀ, ਸਵਰਨ ਸਿੰਘ (ਮ. ਪ. ਹ. ਵ), ਜੱਜਬੀਰ ਸਿੰਘ (ਮ. ਪ. ਹ. ਵ), ਅਮਰਜੀਤ ਸਿੰਘ, ਮੰਗਲ ਸਿੰਘ (ਮ. ਪ. ਹ. ਵ ) ਦੇ ਸਹਿਯੋਗ ਨਾਲ ਆਏ ਹੋਏ ਮਰੀਜ਼ਾਂ ਦੇ ਖੂਨ ਦੇ ਸੈਂਪਲ ਲਏ ਗਏ ਅਤੇ ਜਾਂਚ ਉਪਰੰਤ ਰਿਪੋਰਟਾਂ ਸੌਂਪੀਆਂ ਗਈਆਂ।
ਵਧੇਰੇ ਜਾਣਕਾਰੀ ਦਿੰਦੇ ਹੋਏ ਸੀ ਐਚ ਸੀ ਮਮਦੋਟ ਦੇ ਬੀ ਈ ਈ ਅਮਨ ਕੰਬੋਜ ਨੇ ਦੱਸਿਆ ਕਿ ਇਸ ਤੋਂ ਇਲਾਵਾ ਮਮਦੋਟ ਦੇ ਸਰਕਾਰੀ ਹਸਪਤਾਲ ਵਿੱਚ ਵੀ ਮਰੀਜ਼ਾਂ ਦੇ ਜ਼ਿਆਦਾਤਰ ਖੂਨ ਦੇ ਟੈਸਟ ਮੁਫ਼ਤ ਹੀ ਕੀਤੇ ਜਾਂਦੇ ਹਨ ਅਤੇ ਜੋ ਮਰੀਜ਼ ਕਿਸੇ ਕਾਰਨ ਅੱਜ ਇਸ ਕੈਂਪ ਵਿੱਚ ਨਹੀਂ ਪਹੁੰਚ ਸਕੇ, ਉਹ ਕਿਸੇ ਵੀ ਕੰਮ ਵਾਲੇ ਦਿਨ (ਜਦੋਂ ਹਸਪਤਾਲ ਖੁੱਲ੍ਹਾ ਹੋਵੇ ਅਤੇ ਸਰਕਾਰੀ ਛੁੱਟੀ ਨਾ ਹੋਵੇ) ਸਵੇਰੇ ਹਸਪਤਾਲ ਖੁੱਲ੍ਹਣ ਦੇ ਸਮੇਂ ਤੋਂ ਦੁਪਹਿਰ ਇੱਕ ਵਜੇ ਤੱਕ ਆ ਕੇ ਡਾਕਟਰ ਸਾਹਿਬਾਨ ਕੋਲੋਂ ਚੈੱਕ ਅੱਪ ਕਰਵਾ ਕੇ ਲੋੜੀਂਦੇ ਟੈਸਟ ਕਰਵਾ ਸਕਦੇ ਹਨ। ਇਸ ਮੌਕੇ ਗੱਲਬਾਤ ਕਰਦਿਆਂ ਉਨ੍ਹਾਂ ਦੇ ਸਹਿਯੋਗੀ ਰਹੇ ਬਲਦੇਵ ਰਾਜ ਸ਼ਰਮਾ ਨੇ ਕਿਹਾ ਕਿ ਰਕੇਸ਼ ਧਵਨ ਵੱਲੋਂ ਪੱਤਰਕਾਰਤਾ ਦੇ ਖੇਤਰ ਵਿੱਚ ਨਿਭਾਈਆਂ ਸੇਵਾਵਾਂ ਨੂੰ ਕਦੇ ਵੀ ਭੁਲਾਇਆ ਨਹੀਂ ਜਾ ਸਕਦਾ।
ਇਸ ਮੌਕੇ ਸਵਰਨ ਕੌਰ, ਪਰਮਜੀਤ ਕੌਰ (ਆਸ਼ਾ ਵਰਕਰ) ਬਲਦੇਵ ਰਾਜ ਸ਼ਰਮਾ ਸਟੇਂਟ ਕਮੇਟੀ ਮੈਂਬਰ ਪੰਜਾਬ ਐਂਡ ਚੰਡੀਗੜ੍ਹ ਜਰਨਲਿਸਟ ਯੂਨੀਅਨ, ਜਸਬੀਰ ਸਿੰਘ ਚੇਅਰਮੈਨ ਪ੍ਰੈਸ ਕਲੱਬ ਫਿਰੋਜ਼ਪੁਰ ਦਿਹਾਤੀ, ਜਸਵੰਤ ਸਿੰਘ ਥਿੰਦ ਪ੍ਰਧਾਨ ਪ੍ਰੈਸ ਕੱਲ੍ਹਬ ਫਿਰੋਜ਼ਪੁਰ ਦਿਹਾਤੀ, ਤਜਿੰਦਰ ਢੀਂਗੜਾ ਪ੍ਰਧਾਨ ਪ੍ਰੈਸ ਕਲੱਬ ਮਮਦੋਟ, ਸੀਨੀਅਰ ਪੱਤਰਕਾਰ ਬਲਜੀਤ ਸਿੰਘ ਕਚੂਰਾ ਸਮੇਤ ਵੱਡੀ ਗਿਣਤੀ ਵਿੱਚ ਪੱਤਰਕਾਰਾਂ ਅਤੇ ਪਤਵੰਤਿਆਂ ਨੇ ਵੀ ਹਾਜ਼ਰੀ ਲਵਾਈ। ਇਸ ਕੈਂਪ ਦੌਰਾਨ ਪਹੁੰਚੇ ਮਰੀਜ਼ਾਂ ਅਤੇ ਪਤਵੰਤਿਆਂ ਵਾਸਤੇ ਚਾਹ ਪਾਣੀ ਦਾ ਵੀ ਵਿਸ਼ੇਸ਼ ਪ੍ਰਬੰਧ ਸੀ ਅਤੇ ਅਤੁੱਟ ਲੰਗਰ ਵੀ ਵਰਤਾਇਆ ਗਿਆ।
