Supriya Sule Phone Whatsapp Hacked: ਸੁਪ੍ਰੀਆ ਸੁਲੇ ਮਹਾਰਾਸ਼ਟਰ ਦੇ ਬਾਰਾਮਤੀ ਲੋਕ ਸਭਾ ਹਲਕੇ ਤੋਂ ਸੰਸਦ ਮੈਂਬਰ ਹਨ। ਉਹ NCP ਨੇਤਾ ਸ਼ਰਦ ਪਵਾਰ ਦੀ ਬੇਟੀ ਹੈ
ਨੈਸ਼ਨਲ ਡੈਸਕ, ਮਹਾਰਾਸ਼ਟਰ
Supriya Sule Phone Whatsapp Hacked: ਲੋਕ ਸਭਾ ਸਾਂਸਦ ਸੁਪ੍ਰੀਆ ਸੁਲੇ ਦਾ ਫੋਨ ਅਤੇ ਵਟਸਐਪ ਹੈਕ ਹੋ ਗਿਆ ਹੈ। ਉਸ ਨੇ ਆਪਣੇ ‘ਤੇ ਮਾਮਲੇ ਦੀ ਜਾਣਕਾਰੀ ਸਾਈਬਰ ਸੈੱਲ ਨੂੰ ਦੇ ਦਿੱਤੀ ਗਈ ਹੈ।
ਪੁਲਿਸ ਅਤੇ ਸਾਈਬਰ ਸੈੱਲ ਨੇ ਉਸ ਦਾ ਫ਼ੋਨ ਕਬਜੇ ਵਿੱਚ ਲੈ ਕੇ ਫੋਨ ਹੈਕ ਬਾਰੇ ਜਾਣਕਾਰੀ ਫਰੋਲਣ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਫੋਨ-ਵਟਸਐਪ ਨੂੰ ਹੈਕ ਕਰਨ ਵਾਲੇ ਵਿਅਕਤੀ ਦਾ ਪਤਾ ਲਗਾਇਆ ਜਾ ਰਿਹਾ ਹੈ। ਪੁਲਿਸ ਨੇ ਮਾਮਲੇ ਵਿੱਚ FIR ਦਰਜ ਕਰ ਲਈ ਹੈ।
*** अत्यंत महत्वाचे ***
माझा फोन आणि व्हॉटस्अप हॅक झाले आहे. कोणीही मला मेसेज किंवा फोन करून नये. याबाबत मी पोलीस तक्रार करत आहे. कृपया याची नोंद घ्यावी. – सुप्रिया सुळे— Supriya Sule (@supriya_sule) August 11, 2024
ਘਟਨਾ ਦਾ ਖੁਲਾਸਾ ਐਤਵਾਰ ਸਵੇਰੇ ਹੋਇਆ
ਤੁਹਾਨੂੰ ਦੱਸ ਦੇਈਏ ਕਿ ਸੁਪ੍ਰੀਆ ਸੁਲੇ ਮਹਾਰਾਸ਼ਟਰ ਦੇ ਬਾਰਾਮਤੀ ਲੋਕ ਸਭਾ ਹਲਕੇ ਤੋਂ ਸੰਸਦ ਮੈਂਬਰ ਹਨ। ਉਹ NCP ਨੇਤਾ ਸ਼ਰਦ ਪਵਾਰ ਦੀ ਬੇਟੀ ਹੈ। ਐਤਵਾਰ ਸਵੇਰੇ ਉਸ ਦਾ ਫੋਨ ਅਚਾਨਕ ਆਪਣੇ ਆਪ ਕੰਮ ਕਰਨ ਲੱਗਾ।
ਜਾਂਚ ਕਰਨ ‘ਤੇ ਪਤਾ ਲੱਗਾ ਕਿ ਉਸਦਾ ਫੋਨ ਅਤੇ ਵਟਸਐਪ ਹੈਕ ਹੋ ਗਿਆ ਸੀ। ਕੁਝ ਸੰਦੇਸ਼ ਵਟਸਐਪ ਰਾਹੀਂ ਵੀ ਭੇਜੇ ਗਏ ਹਨ। ਉਸੇ ਸਮੇਂ ਉਸਨੇ ਆਪਣਾ ਫੋਨ ਬੰਦ ਕਰ ਦਿੱਤਾ ਅਤੇ ਸਿਮ ਨੰਬਰ ਕੱਢ ਦਿੱਤਾ।
ਉਸਨੇ ਤੁਰੰਤ ਆਪਣੇ ਐਕਸ ਅਕਾਊਂਟ ‘ਤੇ ਇਕ ਪੋਸਟ ਲਿਖੀ। ਖਾਸ ਲੋਕਾਂ ਨੂੰ ਕਾਲ ਕਰਕੇ ਸੁਚੇਤ ਕੀਤਾ। ਉਸਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਉਸਨੂੰ ਕਾਲ ਜਾਂ ਮੈਸੇਜ ਨਾ ਕਰਨ।
ਉਨ੍ਹਾਂ ਨੇ ਮਦਦ ਲਈ ਪੁਲਿਸ ਨਾਲ ਸੰਪਰਕ ਕੀਤਾ ਹੈ। ਉਨ੍ਹਾਂ ਨੇ ਇਹ ਸੰਦੇਸ਼ ਵੀ ਦਿੱਤਾ ਹੈ ਕਿ ਜੇਕਰ ਕੋਈ ਉਨ੍ਹਾਂ ਦੇ ਨੰਬਰ ਤੋਂ ਕਾਲ ਜਾਂ ਮੈਸੇਜ ਕਰਦਾ ਹੈ ਤਾਂ ਤੁਰੰਤ ਉਨ੍ਹਾਂ ਦੇ ਧਿਆਨ ‘ਚ ਲਿਆਂਦਾ ਜਾਵੇ।
ਕੌਣ ਹੈ ਸੁਪ੍ਰੀਆ ਸੂਲੇ?
ਸੁਪ੍ਰੀਆ ਸੁਲੇ ਦਿੱਗਜ ਨੇਤਾ ਸ਼ਰਦ ਪਵਨ ਦੀ ਬੇਟੀ ਅਤੇ ਅਜੀਤ ਪਵਾਰ ਦੀ ਭੈਣ ਹੈ। ਉਸ ਨੇ ਲੋਕ ਸਭਾ ਚੋਣਾਂ 2024 ਵਿੱਚ ਬਾਰਾਮਤੀ ਲੋਕ ਸਭਾ ਸੀਟ ਤੋਂ ਆਪਣੀ ਭਰਜਾਈ ਸੁਨੇਤਰਾ ਪਵਾਰ ਨੂੰ ਹਰਾਇਆ ਹੈ। ਸ਼ਰਦ ਪਵਾਰ ਇਸ ਸੀਟ ਤੋਂ 6 ਵਾਰ ਸਾਂਸਦ ਰਹਿ ਚੁੱਕੇ ਹਨ।
ਹੁਣ 54 ਸਾਲ ਦੀ ਸੁਪ੍ਰਿਆ ਇਸ ਸੀਟ ਤੋਂ ਹੀ ਆਪਣੇ ਪਿਤਾ ਦੀ ਵਿਰਾਸਤ ਨੂੰ ਅੱਗੇ ਵਧਾ ਰਹੀ ਹੈ। ਸੁਪ੍ਰੀਆ 2009 ਤੋਂ ਬਾਰਾਮਤੀ ਤੋਂ ਸੰਸਦ ਮੈਂਬਰ ਹੈ।
ਉਹ 2014 ਅਤੇ 2019 ਵਿੱਚ ਇਸ ਸੀਟ ਤੋਂ ਲੋਕ ਸਭਾ ਚੋਣਾਂ ਜਿੱਤੇ ਸਨ। 2009, 2014, 2019 ਤੋਂ ਬਾਅਦ, ਸੁਪ੍ਰਿਆ 2024 ਵਿੱਚ ਚੌਥੀ ਵਾਰ ਬਾਰਾਮਤੀ ਤੋਂ ਸੰਸਦ ਮੈਂਬਰ ਬਣੀ ਹੈ।
