ਕਮਿਸ਼ਨ ਨੇ ਕੀਤਾ ਸਪੱਸ਼ਟ- ਜੇਕਰ ਇਨ੍ਹਾਂ ਹੁਕਮਾਂ ਦੀ ਪਾਲਣਾ ਨਹੀਂ ਕੀਤੀ ਜਾਂਦੀ, ਤਾਂ ਕਮਿਸ਼ਨ ਐਕਟ 2004 ਦੀ ਧਾਰਾ 10 (1) ਤਹਿਤ ਪ੍ਰਦਾਨ ਸਿਵਲ ਅਦਾਲਤ ਦੀਆਂ ਸ਼ਕਤੀਆਂ ਦੀ ਵਰਤੋਂ ਕਰਨ ਲਈ ਪਾਬੰਦ ਹੋਵੇਗਾ
ਸਿੱਖਿਆ ਵਿਭਾਗ ਨੇ ਪੀੜਤ ਅਧਿਆਪਕ ਦੀ ਬਦਲੀ ਤਾਂ ਕਰ ਦਿੱਤੀ ਸੀ, ਪਰ ਦੋਸ਼ੀ ਹੈੱਡ ਟੀਚਰ ਅਜੇ ਵੀ ਉਸੇ ਸਟੇਸ਼ਨ ‘ਤੇ ਤਾਇਨਾਤ ਸੀ
ਮਿਸ ਨਰਿੰਦਰਪਾਲ ਕੌਰ ਵੱਲੋਂ 27-01-2026 ਨੂੰ ਹੈੱਡ ਟੀਚਰ ਵਿਰੁੱਧ ਜਾਤੀ ਸੂਚਕ ਸ਼ਬਦਾਵਲੀ ਵਰਤਣ ਅਤੇ ਪ੍ਰਿੰਟ ਮੀਡੀਆ ਵਿੱਚ ਬਦਨਾਮ ਕਰਨ ਸਬੰਧੀ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ
Punjab Network
ਚੰਡੀਗੜ੍ਹ, 11 ਫਰਵਰੀ 2026- ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਨੇ ਡਾਇਰੈਕਟਰ, ਸਿੱਖਿਆ ਵਿਭਾਗ (ਐਲੀਮੈਂਟਰੀ) ਨੂੰ ਹਦਾਇਤ ਕੀਤੀ ਹੈ ਕਿ ਸੁਖਧੀਰ ਸਿੰਘ ਸੇਖੋਂ, ਹੈੱਡ ਟੀਚਰ, ਸਰਕਾਰੀ ਪ੍ਰਾਇਮਰੀ ਸਕੂਲ ਮੋਤੀ ਨਗਰ, ਬਲਾਕ-ਮਾਂਗਟ-2, ਲੁਧਿਆਣਾ ਦੀ ਮੌਜੂਦਾ ਸਟੇਸ਼ਨ ਤੋਂ ਤੁਰੰਤ ਪ੍ਰਭਾਵ ਨਾਲ ਬਦਲੀ ਕੀਤੀ ਜਾਵੇ।
SC ਕਮਿਸ਼ਨ ਨੇ ਜਾਰੀ ਪੱਤਰ ਵਿੱਚ ਦੱਸਿਆ ਕਿ ਮਿਸ ਨਰਿੰਦਰਪਾਲ ਕੌਰ ਵੱਲੋਂ 27-01-2026 ਨੂੰ ਹੈੱਡ ਟੀਚਰ ਵਿਰੁੱਧ ਜਾਤੀ ਸੂਚਕ ਸ਼ਬਦਾਵਲੀ ਵਰਤਣ ਅਤੇ ਪ੍ਰਿੰਟ ਮੀਡੀਆ ਵਿੱਚ ਬਦਨਾਮ ਕਰਨ ਸਬੰਧੀ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ।
ਪੱਤਰ ਵਿੱਚ ਅੱਗੇ ਲਿਖਿਆ ਕਿ ਕਮਿਸ਼ਨ ਦੇ ਧਿਆਨ ਵਿੱਚ ਆਇਆ ਕਿ ਵਿਭਾਗ ਨੇ ਪੀੜਤ ਅਧਿਆਪਕ ਦੀ ਬਦਲੀ ਤਾਂ ਕਰ ਦਿੱਤੀ ਸੀ, ਪਰ ਦੋਸ਼ੀ ਹੈੱਡ ਟੀਚਰ ਅਜੇ ਵੀ ਉਸੇ ਸਟੇਸ਼ਨ ‘ਤੇ ਤਾਇਨਾਤ ਸੀ, ਜਿਸ ਨਾਲ ਜਾਂਚ ਪੜਤਾਲ ਪ੍ਰਭਾਵਿਤ ਹੋ ਰਹੀ ਸੀ।
ਜਾਂਚ ਨੂੰ ਮੁਕੰਮਲ ਕਰਨ ਅਤੇ ਦੋਸ਼ੀ ਵੱਲੋਂ ਜਾਂਚ ਵਿੱਚ ਪਾਏ ਜਾਣ ਵਾਲੇ ਕਿਸੇ ਵੀ ਪ੍ਰਭਾਵ ਨੂੰ ਰੋਕਣ ਲਈ ਇਹ ਬਦਲੀ ਜ਼ਰੂਰੀ ਸਮਝੀ ਗਈ ਹੈ।
ਕਮਿਸ਼ਨ ਨੇ ਸਪੱਸ਼ਟ ਕੀਤਾ ਹੈ ਕਿ ਜੇਕਰ ਇਨ੍ਹਾਂ ਹੁਕਮਾਂ ਦੀ ਪਾਲਣਾ ਨਹੀਂ ਕੀਤੀ ਜਾਂਦੀ, ਤਾਂ ਕਮਿਸ਼ਨ ਐਕਟ 2004 ਦੀ ਧਾਰਾ 10 (1) ਤਹਿਤ ਪ੍ਰਦਾਨ ਸਿਵਲ ਅਦਾਲਤ ਦੀਆਂ ਸ਼ਕਤੀਆਂ ਦੀ ਵਰਤੋਂ ਕਰਨ ਲਈ ਪਾਬੰਦ ਹੋਵੇਗਾ।
