245 ਕਾਮਰਸ ਲੈਕਚਰਾਰ ਨੂੰ ਰਿਵਰਟ ਕਰਨ ਵਾਲੇ ਪੱਤਰ ਦਾ ਗੌਰਮਿੰਟ ਸਕੂਲ ਲੈਕਚਰਾਰ ਯੂਨੀਅਨ ਵਲੋਂ ਸਖ਼ਤ ਵਿਰੋਧ
ਚੰਡੀਗੜ੍ਹ, 5 ਮਾਰਚ 2026-
ਗੌਰਮਿੰਟ ਸਕੂਲ ਲੈਕਚਰਾਰ ਯੂਨੀਅਨ ਪੰਜਾਬ ਦੀ ਹੰਗਾਮੀ ਮੀਟਿੰਗ ਸੂਬਾ ਸੀਨੀਅਰ ਮੀਤ ਪ੍ਰਧਾਨ ਅਮਨ ਸ਼ਰਮਾ, ਜਨਰਲ ਸਕੱਤਰ ਬਲਰਾਜ ਸਿੰਘ ਬਾਜਵਾ, ਸਕੱਤਰ ਜਨਰਲ ਰਵਿੰਦਰਪਾਲ ਸਿੰਘ ਅਤੇ ਮੁੱਖ ਸਲਾਹਕਾਰ ਸੁਖਦੇਵ ਸਿੰਘ ਰਾਣਾ ਦੀ ਪ੍ਰਧਾਨਗੀ ਵਿੱਚ ਲੈਕਚਰਾਰ ਕੇਡਰ ਦੀ ਦੋਸ਼ਪੂਰਣ ਸੀਨੀਅਰਤਾ ਸੂਚੀ ਦੇ ਆਧਾਰ ਤੇ ਕਈ ਸਾਲਾਂ ਤੋਂ ਪਦਉਨਤ 245 ਕਾਮਰਸ ਲੈਕਚਰਾਰ ਨੂੰ ਰਿਵਰਟ ਕਰਨ ਵਾਲੇ ਨਾਦਿਰਸ਼ਾਹੀ ਪੱਤਰ ਦੇ ਵਿਰੋਧ ਕਰਨ ਮੁੱਦੇ ਤੇ ਹੋਈ|ਜਿਸ ਵਿੱਚ ਅਮਨ ਸ਼ਰਮਾ ਅਤੇ ਬਲਰਾਜ ਬਾਜਵਾ ਨੇ ਕਿਹਾ ਕਿ ਸਕੂਲ ਸਿੱਖਿਆ ਵਿਭਾਗ ਦਾ ਸੀਨੀਅਰਤਾ ਸੂਚੀ ਗਲਤੀਆਂ ਦਾ ਪੁਲਿੰਦਾ ਹੈ ਅਤੇ ਅਜਿਹਾ ਕਰਕੇ ਸਿੱਖਿਆ ਵਿਭਾਗ ਨੇ 2008 ਤੋਂ 2024 ਤੋਂ ਪ੍ਰੋਮੋਟ ਹੋਏ ਲੈਕਚਰਾਰਾਂ ਨੂੰ ਰਿਵਰਸ਼ਨ ਜ਼ੋਨ ਵਿੱਚ ਰੱਖ ਕੇ ਸਰੀਰਕ, ਮਾਨਸਿਕ ਅਤੇ ਸਮਾਜਿਕ ਪ੍ਰੇਸ਼ਾਨੀ ਪਾਇਆ ਸੀ।
ਹੁਣ ਵਿਭਾਗ ਵਲੋਂ ਪਿੱਛਲੇ ਪੰਜ ਸਾਲਾਂ ਤੋਂ ਯੋਗ ਪ੍ਰਣਾਲੀ ਰਾਹੀਂ ਡੀ. ਪੀ. ਸੀ ਤੋਂ ਬਾਅਦ ਪ੍ਰੋਮੋਟ ਹੋਏ 245 ਕਾਮਰਸ ਲੈਕਚਰਾਰ ਦੀ ਪਦਉਨਤੀ ਰੱਦ ਕਰਨ ਵਾਲਾ ਪੱਤਰ ਜਾਰੀ ਕਰਕੇ ਜਵਾਬ ਮੰਗਣਾ ਬਿੱਲਕੁਲ ਗਲ਼ਤ ਫੈਸਲਾ ਹੈ ਅਤੇ ਲੈਕਚਰਾਰ / ਅਧਿਆਪਕ ਵਿਰੋਧੀ ਪੱਤਰ ਹੈ ਜਿਸਦੀ ਜਥੇਬੰਦੀ ਸਖ਼ਤ ਵਿਰੋਧ ਕਰਦੀ ਹੈ | ਇਹਨਾਂ ਸਾਰੇ ਪਦਉਨਤ ਕਾਮਰਸ ਲੈਕਚਰਾਰ ਨੂੰ ਯੋਗ ਪ੍ਰਣਾਲੀ ਰਾਹੀਂ ਤਰੱਕੀ ਕੇਸ ਅਪਲਾਈ ਕਰਵਾ ਕੇ ਡੀ. ਪੀ. ਸੀ ਉਪਰੰਤ ਹੀ ਤਰੱਕੀ ਦਿੱਤੀ ਸੀ।
ਪਰ ਹੁਣ ਜਾਰੀ ਸੀਨੀਅਰਤਾ ਸੂਚੀ ਵਿੱਚ ਤਰੱਕੀ ਸਮੇਂ ਡੀਬਾਰ ਹੋਏ, ਬਿਨਾਂ ਐਮ. ਕਾਮ ਦੀ ਡਿਗਰੀ ਅਤੇ ਇਸਦੇ ਪਾਸਿੰਗ ਸਾਲ ਨੂੰ ਪੜ੍ਹਤਾਲ ਕੀਤੇ ਬਿਨਾਂ ਹੀ ਰਿਵਿਊ ਵਿੱਚ ਮਾਸਟਰ/ਮਿਸਟ੍ਰੈਸ ਨੂੰ ਸੀਨੀਅਰ ਵਿਖਾ ਕੇ ਇਹਨਾਂ ਯੋਗ 245 ਕਾਮਰਸ ਲੈਕਚਰਾਰ ਜੂਨੀਅਰ ਦੱਸ ਕੇ ਰਿਵਰਟ ਕਰਨਾ ਬਿੱਲਕੁਲ ਗਲ਼ਤ ਫੈਸਲਾ ਹੈ। ਬਲਰਾਜ ਸਿੰਘ ਬਾਜਵਾ, ਹਰਜੀਤ ਸਿੰਘ ਬਲਹਾੜੀ, ਰਵਿੰਦਰਪਾਲ ਸਿੰਘ,ਕੌਸ਼ਲ ਸ਼ਰਮਾ, ਕੁਲਦੀਪ ਗਰੋਵਰ ਨੇ ਕਿਹਾ ਕਿ ਸੀਨੀਅਰਤਾ ਸੂਚੀ ਵਿੱਚ ਆਪਣੇ ਚਹੇਤਿਆਂ ਨੂੰ ਅਡਜਸਟ ਤਿਆਰ ਕਰਨ ਲਈ ਵੱਡੇ ਪੱਧਰ ਤੇ ਘਪਲਾ ਹੋਇਆ ਜਾਪਦਾ ਹੈ ਜਿਸਦੀ ਉੱਚ ਪੱਧਰੀ ਜਾਂਚ ਚਾਹੀਦੀ ਹੈ।
ਇਸ ਮੌਕੇ ਹਾਜ਼ਰ ਸੂਬਾ ਆਗੂਆਂ ਨੇ ਮੁੱਖ ਮੰਤਰੀ, ਸਿੱਖਿਆ ਮੰਤਰੀ ਅਤੇ ਸਕੂਲ ਸਿੱਖਿਆ ਸਕੱਤਰ ਕੋਲੋਂ 245 ਕਾਮਰਸ ਲੈਕਚਰਾਰ ਦੀ ਪਦਉਨਤੀ ਰੱਦ ਕਰਨ ਵਾਲੇ ਪੱਤਰ ਨੂੰ ਵਾਪਸ ਲੈਣ ਦੀ ਮੰਗ ਕੀਤੀ ਜ਼ੇਕਰ ਅਜਿਹਾ ਨਾ ਕੀਤਾ ਸਰਕਾਰ ਨੂੰ ਜਥੇਬੰਦੀਆਂ ਦੇ ਤਿੱਖੇ ਸੰਘਰਸ਼ ਅਤੇ ਕਾਨੂੰਨੀ ਚਾਰਾਜੋਈ ਦਾ ਸਾਹਮਣਾ ਕਰਨਾ ਪਵੇਗਾ, ਕਿਉਂਕਿ ਇਹ ਕੇਵਲ 245 ਕਾਮਰਸ ਲੈਕਚਰਾਰ ਨਾਲ ਹੀ ਨਾਇਨਸਾਫੀ ਨਹੀਂ ਹੈ ਇਹਨਾਂ ਤੋਂ ਇਲਾਵਾ 2008 ਤੋਂ 2024 ਤੱਕ ਯੋਗ ਪ੍ਰਣਾਲੀ ਰਾਹੀਂ ਵਿਭਾਗੀ ਤਰੱਕੀ ਕਮੇਟੀ ਵਲੋਂ ਪ੍ਰੋਮੋਟ ਕੀਤੇ ਹਜਾਰਾਂ ਲੈਕਚਰਾਰਾਂ ਨੂੰ ਗਲ਼ਤ ਰਿਵਿਊ ਨਾਲ ਰਿਵਰਸ਼ਨ ਜੋਨ ਰੱਖ ਕੇ ਨਾਇਨਸਾਫੀ ਅਤੇ ਸ਼ੋਸ਼ਣ ਕੀਤਾ ਹੈ |ਇਸਲਈ ਜਥੇਬੰਦੀ ਨੇ ਸਿੱਖਿਆ ਮੰਤਰੀ ਅਤੇ ਸਿੱਖਿਆ ਸਕੱਤਰ ਨੂੰ ਅਪੀਲ ਹੈ ਕਿ ਇਸ ਸੀਨੀਅਰਤਾ ਸੂਚੀ ਨੂੰ ਜਲਦ ਪੜਤਾਲ ਕਰਵਾ ਕੇ ਸਹੀ ਰੂਪ ਦੇਣਾ ਚਾਹੀਦਾ ਹੈ ਤਾਂਕਿ ਇਹਨਾਂ ਹਜਾਰਾਂ ਤਰੱਕੀ ਪ੍ਰਾਪਤ ਲੈਕਚਰਾਰ ਨੂੰ ਇਨਸਾਫ਼ ਮਿੱਲ ਸਕੇ।
ਇਸ ਮੀਟਿੰਗ ਵਿੱਚ ਜਗਤਾਰ ਸਿੰਘ ਹੁਸ਼ਿਆਰਪੁਰ, ਜਤਿੰਦਰ ਸਿੰਘ ਮਸਾਣੀਆਂ, ਕੁਲਦੀਪ ਗਰੋਵਰ ਫਾਜ਼ਿਲਕਾ, ਤਜਿੰਦਰਪਾਲ ਸਿੰਘ ਤਰਨਤਾਰਨ, ਸੰਜੀਵ ਕੁਮਾਰ ਮੋਗਾ, ਦੀਪਕ ਸ਼ਰਮਾ, ਸੁਖਬੀਰ ਸਿੰਘ ਬਲਜੀਤ ਸਿੰਘ ਕਪੂਰਥਲਾ, ਵਿਵੇਕ ਕਪੂਰ, ਚਰਨਦਾਸ ਸ਼ਰਮਾ, ਜਤਿੰਦਰਪਾਲ ਸਿੰਘ, ਹਰਜੀਤ ਸਿੰਘ ਰਤਨ, ਅਰੁਣ ਕੁਮਾਰ, ਅਜੇ ਅਰੋੜਾ, ਰਾਕੇਸ਼ ਕੁਮਾਰ, ਕੁਲਵਿੰਦਰਪਾਲ ਸਿੰਘ, ਗੁਰਬੀਰ ਸਿੰਘ ਹਾਜ਼ਰ ਸਨ।
