ਸੋਹੀਆਂ ਕਲਾਂ ਸਕੂਲ ਦੀ ਪ੍ਰਭਾਵਸ਼ਾਲੀ ਮਾਪੇ ਅਧਿਆਪਕ ਮਿੱਲਣੀ ਸਮਾਰੋਹ- ਅਮਨ ਸ਼ਰਮਾ
Punjab News, 28 March 2026-
ਸਕੂਲ ਸਿੱਖਿਆ ਵਿਭਾਗ ਦੇ ਨਿਰਦੇਸ਼ ਅਨੁਸਾਰ ਮਾਰਚ ਸਲਾਨਾ ਪ੍ਰੀਖਿਆ ਦੇ ਨਤੀਜੇ ਦੱਸਣ, ਦਾਖਲਾ ਮੁਹਿੰਮ ਅਤੇ ਸਕੂਲ ਦੇ ਸਰਵਪੱਖੀ ਵਿਕਾਸ ਲਈ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸੋਹੀਆਂ ਕਲਾਂ ਵਿੱਚ ਸਕੂਲ ਮੁੱਖੀ ਅਮਨ ਸ਼ਰਮਾ ਦੀ ਅਗਵਾਈ ਵਿੱਚ ਪ੍ਰਭਾਵਸ਼ਾਲੀ ਮਾਪੇ ਅਧਿਆਪਕ ਮਿੱਲਣੀ ਹੋਈ ਜਿਸ ਵਿੱਚ ਐਸ ਐਮ ਸੀ ਚੇਅਰਮੈਨ ਕੰਵਲਜੀਤ ਕੌਰ, ਪਿੰਡ ਦੇ ਮੋਹਤਬਰ ਸੁਰਿੰਦਰ ਕੌਰ, ਸੁੱਖਵਿੰਦਰ ਸਿੰਘ ਸੋਹੀ, ਸੁਰਜੀਤ ਸਿੰਘ, ਗੁਰਭੇਜ ਸਿੰਘ ਰੰਧਾਵਾ, ਸੁਖਚੈਨ ਸਿੰਘ, ਐਸ ਐਮ ਸੀ ਉੱਪ ਚੇਅਰਮੈਨ ਰਾਜਵਿੰਦਰ ਕੌਰ, ਅਜੈਪਾਲ ਬੀ ਆਰ ਸੀ ਅਤੇ ਵੱਡੀ ਗਿਣਤੀ ਵਿੱਚ ਮਾਪੇ ਸ਼ਾਮਿਲ ਹੋਏ |
ਇਸ ਮੌਕੇ ਛੇਵੀਂ, ਸੱਤਵੀ ਨੌਵੀਂ ਅਤੇ ਗਿਆਰ੍ਹਵੀਂ ਜਮਾਤਾਂ ਦੇ ਪਹਿਲੇ ਦੂੱਜੇ ਅਤੇ ਤੀਜੇ ਸਥਾਨਾਂ ਅਤੇ ਸਕੂਲ ਦੀ ਹੋਰ ਵਿੱਦਿਅਕ ਅਤੇ ਖੇਡ ਗਤੀਵਿਧੀਆਂ ਵਿੱਚ ਮੋਹਰੀ ਰਹਿਣ ਵਾਲੇ ਵਿਦਿਆਰਥੀਆਂ ਨੂੰ ਟਰੋਫੀ, ਮੈਡਲ, ਸਰਟੀਫਿਕੇਟ, ਅਤੇ ਸਟੇਸ਼ਨਰੀ ਦਾ ਸਾਮਾਨ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਵਾਤਾਵਰਨ ਦੀ ਸੰਭਾਲ ਲਈ ਇਹਨਾਂ ਵਿਦਿਆਰਥੀਆਂ ਨੂੰ ਨਿੱਮ ਅਤੇ ਸੁਖਚੈਨ ਦੇ ਬੂਟੇ ਵੀ ਦਿੱਤੇ ਗਏ ਅਤੇ ਇਹਨਾਂ ਨੂੰ ਸਹੀ ਥਾਂ ਤੇ ਲਗਾ ਕੇ ਸਾਂਭ ਸੰਭਾਲ ਲਈ ਪ੍ਰੇਰਿਆ|
ਇਸ ਮੌਕੇ ਸਕੂਲ ਮੁੱਖੀ ਅਮਨ ਸ਼ਰਮਾ, ਬੀ ਆਰ ਸੀ ਅਜੈਪਾਲ ਅਤੇ ਸਮੂਹ ਅਧਿਆਪਕਾਂ ਵਲੋਂ ਮਾਪਿਆਂ, ਐਸ. ਐਮ. ਸੀ. ਅਤੇ ਮੋਹਤਬਰਾਂ ਨੂੰ ਸਰਕਾਰੀ ਸਕੂਲ ਵਿੱਚ ਮਿਲਦੀਆਂ ਸਹੂਲਤਾਂ ਦੱਸਦਿਆਂ ਆਪਣੇ ਪਿੰਡਾਂ ਦੇ ਵੱਧ ਤੋਂ ਵੱਧ ਬੱਚਿਆਂ ਨੂੰ ਚੰਗੇ ਭਵਿੱਖ ਲਈ ਮਿਆਰੀ ਸਿੱਖਿਆ ਅਤੇ ਖੇਡਾਂ ਲਈ ਸਕੂਲ ਵਿੱਚ ਦਾਖਿਲ ਕਰਵਾਉਣ ਦੀ ਅਪੀਲ ਕੀਤੀ|
ਇਸ ਮੌਕੇ ਵਿਭਾਗ ਵਲੋਂ ਵਿਦਿਆਰਥੀਆਂ ਨੂੰ ਆਧੁਨਿਕ ਤਕਨੀਕ ਨਾਲ ਪੜ੍ਹਾਉਣ ਲਈ ਮਿਲੀਆਂ ਦੋ 75 ਇੰਚੀ ਬਹੁ ਮੰਤਵ ਵਾਲੀਆਂ ਇੰਟੈ੍ਰੈਕਟਿਵ ਫਲੈਟ ਪੈਨਲ ਦਾ ਉਦਘਾਟਨ ਕੀਤਾ ਗਿਆ |ਇਸ ਮੌਕੇ ਸਕੂਲ ਦੇ ਪੁਰਾਣੇ ਵਿਦਿਆਰਥੀਆਂ ਸੁੱਖਵਿੰਦਰ ਸਿੰਘ ਸੋਹੀ ਨੇ 5100 ਰੁਪਏ ਅਤੇ ਸੁਰਜੀਤ ਸਿੰਘ ਸੋਹੀਆਂ ਕਲਾਂ ਨੇ 5000 ਰੁਪਏ ਸਕੂਲ ਵੈਲਫ਼ੇਅਰ ਫੰਡ ਵਿੱਚ ਦਿੱਤੇ|
ਇਸ ਮੌਕੇ ਸਕੂਲ ਇੰਚਾਰਜ,ਐਸ. ਐਮ. ਸੀ ਅਤੇ ਹਾਜ਼ਰ ਮਾਪਿਆਂ ਅਤੇ ਮੋਹਤਬਰਾਂ ਨੇ ਸਕੂਲ ਦੇ ਮਿਹਨਤੀ ਸਮੂਹ ਸਟਾਫ਼ ਦੀ ਬਹੁਤ ਸਲਾਘਾ ਕੀਤੀ ਅਤੇ ਸਕੂਲ ਦੀ ਬਿਹਤਰੀ ਹਰ ਸੰਭਵ ਸਹਿਯੋਗ ਦਾ ਭਰੋਸਾ ਦਵਾਇਆ | ਇਸ ਮੌਕੇ ਮੈਡਮ ਅਨੀਤਾ,ਮਨਦੀਪ ਅਨੀਤਾ ,ਰਾਜਵਿੰਦਰ ਕੌਰ, ਬਲਬੀਰ ਕੌਰ, ਹਰਪ੍ਰੀਤ ਸਿੰਘ,ਹਰਪਾਲ ਸਿੰਘ, ਮਮਤਾ ਸ਼ਰਮਾ,ਗੋਪੀ ਚੰਦ, ਨਿਰਮਲਜੀਤ ਕੌਰ, ਨੀਤੂ ਜੋਸ਼ੀ,ਰੇਣੁਕਾ, ਗੀਤੂ,ਜੀਵਨ ਜਯੋਤੀ, ਨਵੀਨ ਗੌਰਵ ਗੰਭੀਰ,ਮਨਜੀਤ ਸਿੰਘ ਅਮਨਦੀਪ ਕੌਰ, ਗੁਰਲਾਲ ਸਿੰਘ, ਸ਼ਾਕਸ਼ੀ,ਮੁਕੇਸ਼ ਜੋਸ਼ੀ, ਹਰਪ੍ਰੀਤ ਸਿੰਘ ਹਾਜ਼ਰ ਸਨ|
