Bank Holiday: ਬੈਂਕ ਜਾਣ ਤੋਂ ਪਹਿਲਾਂ ਜ਼ਰੂਰ ਪੜ੍ਹੋ ਇਹ ਖ਼ਬਰ! ਜਾਣੋ ਕੱਲ੍ਹ ਕਿੱਥੇ-ਕਿੱਥੇ ਬੰਦ ਰਹਿਣਗੇ ਬੈਂਕ
ਵਾਂਗਲਾ ਫੈਸਟੀਵਲ ਕਾਰਨ ਇਸ ਸੂਬੇ ਵਿੱਚ ਰਹੇਗੀ ਬੈਂਕਾਂ ਦੀ ਛੁੱਟੀ, ਗਾਹਕਾਂ ਲਈ ਜ਼ਰੂਰੀ ਜਾਣਕਾਰੀ- ਨਵੰਬਰ 2026 ਦੇ ਬਾਕੀ ਦਿਨਾਂ ਵਿੱਚ ਹੋਣ ਵਾਲੀਆਂ ਬੈਂਕ ਛੁੱਟੀਆਂ ਦੀ ਪੂਰੀ ਸੂਚੀ
Bank Holiday News- ਜੇਕਰ ਤੁਸੀਂ ਕੱਲ੍ਹ ਸ਼ੁੱਕਰਵਾਰ, 13 ਨਵੰਬਰ 2026 ਨੂੰ ਬੈਂਕ ਜਾ ਕੇ ਆਪਣਾ ਕੋਈ ਜ਼ਰੂਰੀ ਕੰਮ ਨਿਪਟਾਉਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਮਹੱਤਵਪੂਰਨ ਹੈ। ਭਾਰਤੀ ਰਿਜ਼ਰਵ ਬੈਂਕ (RBI) ਦੇ ਅਧਿਕਾਰਤ ਛੁੱਟੀ ਵਾਲੇ ਕੈਲੰਡਰ ਅਨੁਸਾਰ, ਕੱਲ੍ਹ (13 ਨਵੰਬਰ 2026) ਦੇਸ਼ ਦੇ ਕੁਝ ਹਿੱਸਿਆਂ ਵਿੱਚ ਬੈਂਕ ਬੰਦ ਰਹਿਣ ਵਾਲੇ ਹਨ। ਅਜਿਹੇ ਵਿੱਚ ਬੈਂਕ ਸ਼ਾਖਾ ਵਿੱਚ ਜਾਣ ਤੋਂ ਪਹਿਲਾਂ ਇਹ ਜਾਂਚ ਕਰਨਾ ਬਹੁਤ ਜ਼ਰੂਰੀ ਹੈ ਕਿ ਤੁਹਾਡੇ ਸੂਬੇ ਵਿੱਚ ਬੈਂਕ ਖੁੱਲ੍ਹੇ ਹਨ ਜਾਂ ਨਹੀਂ, ਤਾਂ ਜੋ ਤੁਹਾਨੂੰ ਬੇਲੋੜੀ ਪ੍ਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ।
RBI ਦੇ ਨਿਯਮਾਂ ਮੁਤਾਬਕ, ਕੱਲ੍ਹ ਸ਼ੁੱਕਰਵਾਰ 13 ਨਵੰਬਰ ਨੂੰ ਸਿਰਫ਼ ਮੇਘਾਲਿਆ ਸੂਬੇ ਵਿੱਚ ਹੀ ਬੈਂਕ ਬੰਦ ਰਹਿਣਗੇ। ਮੇਘਾਲਿਆ ਵਿੱਚ ਸਟੇਟ ਬੈਂਕ ਆਫ਼ ਇੰਡੀਆ, ਪੰਜਾਬ ਨੈਸ਼ਨਲ ਬੈਂਕ, ਬੈਂਕ ਆਫ਼ ਬੜੌਦਾ, ਐਚ.ਡੀ.ਐੱਫ.ਸੀ., ਆਈ.ਸੀ.ਆਈ.ਸੀ.ਆਈ. ਅਤੇ ਐਕਸਬੈਂਕ ਸਮੇਤ ਸਾਰੇ ਸਰਕਾਰੀ ਅਤੇ ਨਿੱਜੀ ਬੈਂਕਾਂ ਦੀਆਂ ਸ਼ਾਖਾਵਾਂ ਵਿੱਚ ਕੰਮਕਾਜ ਨਹੀਂ ਹੋਵੇਗਾ। ਮੇਘਾਲਿਆ ਨੂੰ ਛੱਡ ਕੇ ਪੰਜਾਬ, ਦਿੱਲੀ, ਉੱਤਰ ਪ੍ਰਦੇਸ਼, ਬਿਹਾਰ, ਰਾਜਸਥਾਨ, ਮੱਧ ਪ੍ਰਦੇਸ਼, ਮਹਾਰਾਸ਼ਟਰ, ਹਰਿਆਣਾ ਅਤੇ ਪੱਛਮੀ ਬੰਗਾਲ ਸਮੇਤ ਦੇਸ਼ ਦੇ ਬਾਕੀ ਸਾਰੇ ਸੂਬਿਆਂ ਵਿੱਚ ਬੈਂਕ ਆਮ ਵਾਂਗ ਖੁੱਲ੍ਹੇ ਰਹਿਣਗੇ।
ਮੇਘਾਲਿਆ ਵਿੱਚ ਕੱਲ੍ਹ ਵਾਂਗਲਾ ਫੈਸਟੀਵਲ (ਉਤਸਵ) ਦੇ ਉਪਲਕਸ਼ ਵਿੱਚ ਬੈਂਕਾਂ ਦੀ ਛੁੱਟੀ ਘੋਸ਼ਿਤ ਕੀਤੀ ਗਈ ਹੈ। ਇਹ ਮੇਘਾਲਿਆ ਦੇ ਗਾਰੋ ਭਾਈਚਾਰੇ ਦਾ ਇੱਕ ਬਹੁਤ ਹੀ ਪ੍ਰਮੁੱਖ ਅਤੇ ਰਵਾਇਤੀ ਫ਼ਸਲ ਉਤਸਵ ਹੈ, ਜਿਸ ਨੂੰ 100 ਡ੍ਰਮ ਫੈਸਟੀਵਲ ਵਜੋਂ ਵੀ ਜਾਣਿਆ ਜਾਂਦਾ ਹੈ। ਫ਼ਸਲ ਦੀ ਚੰਗੀ ਪੈਦਾਵਾਰ ਤੋਂ ਬਾਅਦ ਸੂਰਜ ਦੇਵਤਾ ਮਿਸੀ ਸਾਲਜੋਂਗ ਦਾ ਧੰਨਵਾਦ ਕਰਨ ਲਈ ਇਹ ਤਿਉਹਾਰ ਮਨਾਇਆ ਜਾਂਦਾ ਹੈ। ਇਸ ਤਿਉਹਾਰ ਵਿੱਚ ਲੋਕ ਰਵਾਇਤੀ ਪਹਿਰਾਵੇ ਅਤੇ ਖੰਭਾਂ ਵਾਲੇ ਮੁਕੁਟ ਪਹਿਨਦੇ ਹਨ। ਪੁਰਸ਼ ਲੰਬੇ ਢੋਲ ਵਜਾਉਂਦੇ ਹਨ ਅਤੇ ਮਹਿਲਾਵਾਂ ਲੋਕ ਨਾਚ ਕਰਦੀਆਂ ਹਨ।
ਜੇਕਰ ਤੁਸੀਂ ਇਸ ਮਹੀਨੇ ਬੈਂਕ ਨਾਲ ਜੁੜੇ ਕੰਮਾਂ ਦੀ ਰੂਪ-ਰੇਖਾ ਉਲੀਕ ਰਹੇ ਹੋ, ਤਾਂ ਅੱਗੇ ਆਉਣ ਵਾਲੀਆਂ ਛੁੱਟੀਆਂ ਉੱਤੇ ਵੀ ਨਜ਼ਰ ਮਾਰ ਲੈਣੀ ਚਾਹੀਦੀ ਹੈ…
- 13 ਨਵੰਬਰ (ਸ਼ੁੱਕਰਵਾਰ): ਵਾਂਗਲਾ ਫੈਸਟੀਵਲ, ਮੇਘਾਲਿਆ
- 16 ਨਵੰਬਰ (ਸੋਮਵਾਰ): ਛਠ ਪੂਜਾ, ਬਿਹਾਰ ਅਤੇ ਝਾਰਖੰਡ
- 20 ਨਵੰਬਰ (ਸ਼ੁੱਕਰਵਾਰ): ਇਗਾਸ-ਬਗਵਾਲ, ਉਤਰਾਖੰਡ
- 23 ਨਵੰਬਰ (ਸੋਮਵਾਰ): ਸੇਂਗ ਕੁਟ ਸਨੇਮ, ਮੇਘਾਲਿਆ
24 ਨਵੰਬਰ (ਮੰਗਲਵਾਰ): ਗੁਰੂ ਨਾਨਕ ਜਯੰਤੀ / ਕਾਰਤਿਕ ਪੂਰਨਿਮਾ, ਦਿੱਲੀ, ਉੱਤਰ ਪ੍ਰਦੇਸ਼, ਮਹਾਰਾਸ਼ਟਰ, ਮੱਧ ਪ੍ਰਦੇਸ਼, ਹਿਮਾਚਲ ਪ੍ਰਦੇਸ਼ ਆਦਿ।
ਭਾਵੇਂ ਬੈਂਕ ਦੀਆਂ ਸ਼ਾਖਾਵਾਂ ਬੰਦ ਰਹਿਣ, ਪਰ ਗਾਹਕਾਂ ਨੂੰ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ। ਤੁਸੀਂ ਇੰਟਰਨੈੱਟ ਬੈਂਕਿੰਗ, ਮੋਬਾਈਲ ਬੈਂਕਿੰਗ ਐਪ, UPI ਅਤੇ ATM ਸੇਵਾਵਾਂ ਦੀ ਵਰਤੋਂ 24 ਘੰਟੇ ਬਿਨਾਂ ਕਿਸੇ ਰੁਕਾਵਟ ਦੇ ਕਰ ਸਕਦੇ ਹੋ। ਆਪਣੇ ਵਿੱਤੀ ਕੰਮਾਂ ਨੂੰ ਸਮੇਂ ਸਿਰ ਪੂਰਾ ਕਰਨ ਲਈ ਡਿਜੀਟਲ ਮਾਧਿਅਮਾਂ ਦੀ ਵਰਤੋਂ ਨੂੰ ਤਰਜੀਹ ਦਿਓ।
