ਮੋਦੀ ਜੀ ਨੇ 2024 ਵਿੱਚ NEET ਪੇਪਰ ਲੀਕ ਦੇ ਮਾਸਟਰਮਾਈਂਡ ਨੂੰ ਸੀਬੀਆਈ ਤੋਂ ਕਲੀਨ ਚਿੱਟ ਦਿਵਾ ਦਿੱਤੀ- ਕੇਜਰੀਵਾਲ
ਸੀਬੀਆਈ ਨੇ ਸਮੇਂ ਸਿਰ ਚਾਰਜਸ਼ੀਟ ਵੀ ਦਾਇਰ ਨਹੀਂ ਕੀਤੀ ਸੀ, ਜਿਸ ਦੇ ਚਲਦਿਆਂ ਮਾਸਟਰਮਾਈਂਡ ਨੂੰ 3 ਮਹੀਨਿਆਂ ਵਿੱਚ ਹੀ ਜ਼ਮਾਨਤ ਮਿਲ ਗਈ ਸੀ- ਕੇਜਰੀਵਾਲ
ਮੋਦੀ ਜੀ ਦੀ ਪੂਰੀ ਪੋਲ ਖੁੱਲ੍ਹ ਗਈ ਹੈ, ਹੁਣ ਉਨ੍ਹਾਂ ਤੋਂ ਪੇਪਰ ਲੀਕ ਨਹੀਂ ਰੁਕਣਗੇ, ਕਿਉਂਕਿ ਨੀਅਤ ਵਿੱਚ ਖੋਟ ਹੈ- ਕੇਜਰੀਵਾਲ
ਸਾਡੇ ਨੌਜਵਾਨਾਂ ਨੇ ਪੂਰੇ ਹੌਸਲੇ ਅਤੇ ਬੁਲੰਦੀ ਨਾਲ ਇਨ੍ਹਾਂ ਦੇ ਅੱਤਿਆਚਾਰਾਂ ਦਾ ਸਾਹਮਣਾ ਕੀਤਾ ਹੈ ਅਤੇ ਪੂਰੇ ਦੇਸ਼ ਨੂੰ ਜਗਾ ਦਿੱਤਾ ਹੈ – ਕੇਜਰੀਵਾਲ
ਜੇਕਰ ਮੁਖੀਆ ਦਾ ਮੂੰਹ ਖੁੱਲ੍ਹਦਾ ਤਾਂ ਪ੍ਰਧਾਨਾਂ ਦੀ ਪੂਰੀ ਪੋਲ ਖੁੱਲ੍ਹ ਜਾਂਦੀ, ਇਸ ਲਈ ਮੁਖੀਆ ਨੂੰ ਬਚਾਉਣਾ ਜ਼ਰੂਰੀ ਸੀ- ਮਨੀਸ਼ ਸਿਸੋਦੀਆ
ਨਵੀਂ ਦਿੱਲੀ, 23 ਜੁਲਾਈ
NEET! ਆਮ ਆਦਮੀ ਪਾਰਟੀ ਦੇ ਰਾਸ਼ਟਰੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਉੱਤਰਾਖੰਡ ਟੈਕਨੀਕਲ ਯੂਨੀਵਰਸਿਟੀ ਦੇ ਪੇਪਰ ਲੀਕ ਹੋਣ ‘ਤੇ ਪ੍ਰਧਾਨ ਮੰਤਰੀ ‘ਤੇ ਤਿੱਖਾ ਹਮਲਾ ਬੋਲਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਹੁਣ ਉੱਤਰਾਖੰਡ ਵਿੱਚ ਵੀ ਪੇਪਰ ਲੀਕ ਹੋ ਗਏ। ਪ੍ਰਧਾਨ ਮੰਤਰੀ ਜੀ ਇਹ ਕਦੋਂ ਰੁਕਣਗੇ? ਉਨ੍ਹਾਂ ਨੇ 2024 ਵਿੱਚ ਹੋਏ ਨੀਟ ਪੇਪਰ ਲੀਕ ਮਾਮਲੇ ਦੇ ਮਾਸਟਰਮਾਈਂਡ ਨੂੰ ਕਲੀਨ ਚਿੱਟ ਮਿਲਣ ‘ਤੇ ਕਿਹਾ ਕਿ ਮੋਦੀ ਜੀ ਨੇ ਨੀਟ ਪੇਪਰ ਲੀਕ ਦੇ ਮਾਸਟਰਮਾਈਂਡ ਨੂੰ ਸੀਬੀਆਈ ਤੋਂ ਕਲੀਨ ਚਿੱਟ ਦਿਵਾ ਦਿੱਤੀ ਹੈ।
ਮੋਦੀ ਜੀ ਦੀ ਹੁਣ ਪੂਰੀ ਪੋਲ ਖੁੱਲ੍ਹ ਗਈ ਹੈ। ਸੀਬੀਆਈ ਕੋਲ ਮਾਸਟਰਮਾਈਂਡ ਦੇ ਖਿਲਾਫ ਕੋਈ ਸਬੂਤ ਹੀ ਨਹੀਂ ਹੈ। ਇਸ ਤੋਂ ਪਹਿਲਾਂ ਸੀਬੀਆਈ ਨੇ ਸਮੇਂ ਸਿਰ ਚਾਰਜਸ਼ੀਟ ਦਾਇਰ ਨਹੀਂ ਕੀਤੀ ਸੀ, ਜਿਸ ਦੇ ਚਲਦਿਆਂ ਮਾਸਟਰਮਾਈਂਡ ਨੂੰ 3 ਮਹੀਨਿਆਂ ਵਿੱਚ ਹੀ ਜ਼ਮਾਨਤ ਮਿਲ ਗਈ ਸੀ।
“ਆਪ” ਦੇ ਰਾਸ਼ਟਰੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ 2024 ਵਿੱਚ ਨੀਟ ਪੇਪਰ ਲੀਕ ਮਾਮਲੇ ਦੇ ਮਾਸਟਰਮਾਈਂਡ ਨੂੰ ਸੀਬੀਆਈ ਤੋਂ ਕਲੀਨ ਚਿੱਟ ਮਿਲਣ ‘ਤੇ ਸੋਸ਼ਲ ਮੀਡੀਆ ਐਕਸ ‘ਤੇ ਆਪਣੀ ਪ੍ਰਤੀਕਿਰਿਆ ਦਿੰਦੇ ਹੋਏ ਕਿਹਾ ਕਿ ਮੋਦੀ ਜੀ ਦੀ ਪੂਰੀ ਪੋਲ ਖੁੱਲ੍ਹ ਗਈ। 2024 ਵਿੱਚ ਨੀਟ ਦਾ ਪੇਪਰ ਲੀਕ ਹੋਇਆ। ਮੋਦੀ ਸਰਕਾਰ ਨੇ ਇਸ ਨੂੰ ਮਾਸਟਰਮਾਈਂਡ ਕਹਿ ਕੇ ਗ੍ਰਿਫਤਾਰ ਕੀਤਾ। ਫਿਰ ਸੀਬੀਆਈ ਨੇ ਜਾਨਬੁੱਝ ਕੇ ਟਾਈਮ ‘ਤੇ ਚਾਰਜਸ਼ੀਟ ਦਾਇਰ ਨਹੀਂ ਕੀਤੀ ਜਿਸ ਦੀ ਵਜ੍ਹਾ ਨਾਲ ਇਸ ਨੂੰ ਤਿੰਨ ਮਹੀਨਿਆਂ ਵਿੱਚ ਹੀ ਆਟੋਮੈਟਿਕ ਜ਼ਮਾਨਤ ਦਿਵਾ ਦਿੱਤੀ। ਅਤੇ ਅੱਜ ਉਸ ਨੂੰ ਸੀਬੀਆਈ ਤੋਂ ਮੋਦੀ ਜੀ ਨੇ ਕਲੀਨ ਚਿੱਟ ਦਿਵਾ ਦਿੱਤੀ। ਵਾਹ ਮੋਦੀ ਜੀ ਵਾਹ। ਤੁਹਾਡੇ ਤੋਂ ਨਹੀਂ ਹੋ ਪਾਵੇਗਾ। ਕਿਉਂਕਿ ਤੁਹਾਡੀ ਨੀਅਤ ਵਿੱਚ ਖੋਟ ਹੈ।
ਅਰਵਿੰਦ ਕੇਜਰੀਵਾਲ ਨੇ ਜੰਤਰ-ਮੰਤਰ ‘ਤੇ ਸ਼ਾਂਤੀਪੂਰਨ ਧਰਨਾ ਦੇ ਰਹੇ ਨੌਜਵਾਨਾਂ ਦੇ ਜਜ਼ਬੇ ਦੀ ਵੀ ਸ਼ਲਾਘਾ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਜੈਨ-ਜੀ ਅਤੇ ਆਪਣੇ ਦੇਸ਼ ਦੇ ਨੌਜਵਾਨਾਂ ਨੂੰ ਸਲਾਮ ਕਰਦਾ ਹਾਂ। ਜਿਸ ਤਰ੍ਹਾਂ ਨਾਲ ਇਸ ਕਾਕਰੋਚ ਅੰਦੋਲਨ ਵਿੱਚ ਆਪ ਲੋਕਾਂ ਨੇ ਪੁਲਿਸ, ਡੰਡਿਆਂ ਅਤੇ ਅੱਥਰੂ ਗੈਸ ਦੇ ਗੋਲਿਆਂ ਦਾ ਸਾਹਮਣਾ ਕੀਤਾ ਹੈ, ਉਹ ਕੋਈ ਛੋਟੀ ਗੱਲ ਨਹੀਂ ਹੈ। ਦੇਸ਼ ਸੌਂ ਗਿਆ ਸੀ, ਲੋਕ ਸੌਂ ਗਏ ਸਨ ਅਤੇ ਡਰੇ ਹੋਏ ਸਨ। ਮੋਦੀ ਸਰਕਾਰ ਨੇ ਲੋਕਾਂ ਨੂੰ ਡਰਾਇਆ ਹੋਇਆ ਸੀ।
ਅਰਵਿੰਦ ਕੇਜਰੀਵਾਲ ਨੇ ਤਿੰਨ ਵੀਡੀਓਜ਼ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਇੱਕ ਵੀਡੀਓ ਵਿੱਚ ਇੱਕ ਲੜਕੀ ਪੁਲਿਸ ਦੀ ਉਸ ਵੈਨ ਦੇ ਸਾਹਮਣੇ ਖੜ੍ਹੀ ਹੋ ਜਾਂਦੀ ਹੈ ਜੋ ਉਸ ਦੇ ਦੋਸਤਾਂ ਨੂੰ ਜੇਲ੍ਹ ਵੱਲ ਲੈ ਕੇ ਜਾ ਰਹੀ ਹੁੰਦੀ ਹੈ ਅਤੇ ਉਹ ਪੁਲਿਸ ਦੀ ਵੈਨ ਨੂੰ ਅੱਗੇ ਨਹੀਂ ਵਧਣ ਦਿੰਦੀ। ਦੂਜੀ ਵੀਡੀਓ ਵਿੱਚ ਪੁਲਿਸ ਇੱਕ ਲੜਕੇ ਨੂੰ ਕੁੱਟ ਰਹੀ ਹੈ, ਪਰ ਉਹ ਲੜਕਾ ਭੱਜਣ ਦੀ ਬਜਾਏ ਪੁਲਿਸ ਨੂੰ ਕਹਿੰਦਾ ਹੈ ਕਿ ਮੈਨੂੰ ਹੋਰ ਡੰਡੇ ਮਾਰੋ। ਉੱਥੇ ਹੀ ਤੀਜੇ ਮਾਮਲੇ ਵਿੱਚ ਇੱਕ ਬੱਚਾ ਪੁਲਿਸ ਦੀ ਵੈਨ ਦਾ ਦਰਵਾਜ਼ਾ ਖੋਲ੍ਹ ਦਿੰਦਾ ਹੈ ਅਤੇ ਸਾਰੇ ਬੱਚੇ ਵੈਨ ‘ਚੋਂ ਨਿਕਲ ਕੇ ਭੱਜ ਜਾਂਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਜਿਸ ਹੌਸਲੇ ਅਤੇ ਬੁਲੰਦੀ ਨਾਲ ਆਪ ਲੋਕਾਂ ਨੇ ਪੁਲਿਸ ਅਤੇ ਉਨ੍ਹਾਂ ਦੇ ਅੱਤਿਆਚਾਰਾਂ ਦਾ ਸਾਹਮਣਾ ਕੀਤਾ ਹੈ, ਉਸ ਨੇ ਅੱਜ ਪੂਰੇ ਦੇਸ਼ ਨੂੰ ਜਗਾ ਦਿੱਤਾ ਹੈ।
ਉੱਧਰ, ਦਿੱਲੀ ਦੇ ਸਾਬਕਾ ਸਿੱਖਿਆ ਮੰਤਰੀ ਅਤੇ ਆਮ ਆਦਮੀ ਪਾਰਟੀ ਦੇ ਪੰਜਾਬ ਇੰਚਾਰਜ ਮਨੀਸ਼ ਸਿਸੋਦੀਆ ਨੇ ਕਿਹਾ ਕਿ ਮੁਖੀਆ ਦਾ ਮੂੰਹ ਖੁੱਲ੍ਹਦਾ ਤਾਂ ਪ੍ਰਧਾਨਾਂ ਦੀ ਪੂਰੀ ਪੋਲ ਖੁੱਲ੍ਹ ਜਾਂਦੀ। ਪ੍ਰਧਾਨ ਮੰਤਰੀ ਅਤੇ ਸਿੱਖਿਆ ਦੇ ਪ੍ਰਧਾਨ ਨੂੰ ਬਚਾਉਣਾ ਹੈ, ਇਸ ਲਈ ਮੁਖੀਆ ਨੂੰ ਬਚਾਉਣਾ ਜ਼ਰੂਰੀ ਸੀ।
