CBSE Class 12th Result: ਕਦੋਂ ਜਾਰੀ ਹੋਵੇਗਾ 12ਵੀਂ ਦਾ ਨਤੀਜਾ? ਇੰਝ ਕਰੋ ਚੈੱਕ
ਨਵੀਂ ਦਿੱਲੀ, 21 ਅਪ੍ਰੈਲ, 2026
ਸੈਂਟਰਲ ਬੋਰਡ ਆਫ਼ ਸੈਕੰਡਰੀ ਐਜੂਕੇਸ਼ਨ (CBSE) ਵੱਲੋਂ ਜਲਦੀ ਹੀ 12ਵੀਂ ਜਮਾਤ ਦੇ ਨਤੀਜੇ ਐਲਾਨੇ ਜਾਣ ਦੀ ਉਮੀਦ ਹੈ।
ਹਾਲਾਂਕਿ ਬੋਰਡ ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਤ ਤਾਰੀਖ਼ ਤੈਅ ਨਹੀਂ ਕੀਤੀ ਗਈ, ਪਰ ਮੰਨਿਆ ਜਾ ਰਿਹਾ ਹੈ ਕਿ ਅਪ੍ਰੈਲ ਦੇ ਅੰਤਿਮ ਹਫ਼ਤੇ ਜਾਂ ਮਈ ਦੇ ਸ਼ੁਰੂਆਤੀ ਹਫ਼ਤਿਆਂ ਵਿੱਚ ਨਤੀਜੇ ਜਾਰੀ ਹੋ ਸਕਦੇ ਹਨ।
ਕਦੋਂ ਆਵੇਗਾ ਨਤੀਜਾ?
ਆਮ ਤੌਰ ‘ਤੇ CBSE ਹਰ ਸਾਲ ਮਈ ਦੇ ਮਹੀਨੇ ਨਤੀਜੇ ਜਾਰੀ ਕਰਦਾ ਹੈ। ਪਿਛਲੇ ਸਾਲ ਦੇ ਰੁਝਾਨਾਂ ਨੂੰ ਦੇਖਦੇ ਹੋਏ, 10ਵੀਂ ਦੇ ਨਤੀਜਿਆਂ ਤੋਂ ਕੁਝ ਦਿਨਾਂ ਬਾਅਦ ਹੀ 12ਵੀਂ ਦਾ ਨਤੀਜਾ ਐਲਾਨ ਦਿੱਤਾ ਜਾਂਦਾ ਹੈ।
ਇਸ ਵਾਰ ਅਪ੍ਰੈਲ ਦੇ ਆਖ਼ਰੀ ਦਿਨਾਂ ਵਿੱਚ ਨਤੀਜੇ ਆਉਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ।
CBSE 12ਵੀਂ ਦਾ ਨਤੀਜਾ ਕਿਵੇਂ ਚੈੱਕ ਕਰੀਏ?
- ਸਭ ਤੋਂ ਪਹਿਲਾਂ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ results.cbse.nic.in ‘ਤੇ ਜਾਓ।
- ‘CBSE 12th Result 2026’ ਦੇ ਲਿੰਕ ‘ਤੇ ਕਲਿੱਕ ਕਰੋ।
- ਆਪਣਾ ਰੋਲ ਨੰਬਰ, ਸਕੂਲ ਨੰਬਰ ਅਤੇ ਐਡਮਿਟ ਕਾਰਡ ID ਦਰਜ ਕਰੋ।
- ਸਬਮਿਟ (Submit) ਬਟਨ ‘ਤੇ ਕਲਿੱਕ ਕਰਦੇ ਹੀ ਤੁਹਾਡਾ ਸਕੋਰਕਾਰਡ ਸਕ੍ਰੀਨ ‘ਤੇ ਦਿਖਾਈ ਦੇਵੇਗਾ।
UMANG ਐਪ ਰਾਹੀਂ ਨਤੀਜਾ ਦੇਖਣ ਦਾ ਤਰੀਕਾ
- ਵੈੱਬਸਾਈਟ ਤੋਂ ਇਲਾਵਾ ਤੁਸੀਂ ‘ਉਮੰਗ’ (UMANG) ਐਪ ‘ਤੇ ਵੀ ਨਤੀਜਾ ਦੇਖ ਸਕਦੇ ਹੋ:
- ਪਲੇਅ ਸਟੋਰ ਜਾਂ ਐਪ ਸਟੋਰ ਤੋਂ UMANG ਐਪ ਡਾਊਨਲੋਡ ਕਰੋ।
- ਮੋਬਾਈਲ ਨੰਬਰ ਰਾਹੀਂ ਲੌਗਇਨ ਕਰੋ ਅਤੇ ‘CBSE’ ਸਰਚ ਕਰਕੇ 12ਵੀਂ ਜਮਾਤ ਦੀ ਚੋਣ ਕਰੋ।
- ਆਪਣੇ ਵੇਰਵੇ ਭਰ ਕੇ ਨਤੀਜਾ ਡਾਊਨਲੋਡ ਕਰੋ।
ਮਾਰਕਸ਼ੀਟ ਵਿੱਚ ਕਿਹੜੀ ਜਾਣਕਾਰੀ ਹੋਵੇਗੀ?
- ਵਿਦਿਆਰਥੀ ਦਾ ਨਾਮ ਅਤੇ ਰੋਲ ਨੰਬਰ
- ਮਾਤਾ-ਪਿਤਾ ਦਾ ਨਾਮ ਅਤੇ ਜਨਮ ਮਿਤੀ
- ਸਕੂਲ ਅਤੇ ਜ਼ਿਲ੍ਹਾ ਕੋਡ
- ਵਿਸ਼ੇਵਾਰ ਪ੍ਰਾਪਤ ਅੰਕ ਅਤੇ ਕੁੱਲ ਅੰਕ
- ਪਾਸ/ਫੇਲ੍ਹ ਸਟੇਟਸ ਅਤੇ ਗ੍ਰੇਡ
ਨਤੀਜੇ ਚੈੱਕ ਕਰਨ ਲਈ ਅਧਿਕਾਰਤ ਲਿੰਕ
DigiLocker- ਵਿਦਿਆਰਥੀਆਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਆਪਣਾ ਐਡਮਿਟ ਕਾਰਡ ਤਿਆਰ ਰੱਖਣ ਤਾਂ ਜੋ ਨਤੀਜਾ ਆਉਣ ‘ਤੇ ਤੁਰੰਤ ਚੈੱਕ ਕੀਤਾ ਜਾ ਸਕੇ।
