ਕੈਪਸ਼ਨ- ਡਾ.ਬਲਰਾਮ ਸ਼ਰਮਾ ਨੂੰ ਸਨਮਾਨਿਤ ਕਰਦੇ ਐਮ.ਐਲ.ਏ.ਡਾਕਟਰ ਜਮੀਲ ਉਰ ਰਹਿਮਾਨ, ਡਾ. ਰੁਬੀਨਾ ਸ਼ਬਨਮ, ਡਾ. ਯਾਵਰ ਮੀਰ ਅਬਾਸ ਅਤੇ ਹੋਰ
ਨਵਾਬ ਸ਼ੇਰ ਮੁਹੰਮਦ ਖਾਨ ਇੰਸਟੀਚਿਊਟ ਮਾਲੇਰਕੋਟਲਾ ਵਿਖੇ ਡਾ. ਬਲਰਾਮ ਸ਼ਰਮਾ ਦਾ ਸਨਮਾਨ
ਮਲੇਰਕੋਟਲਾ, 12 ਫਰਵਰੀ 2025
ਨਵਾਬ ਸ਼ੇਰ ਮੁਹੰਮਦ ਖਾਨ ਇੰਸਟੀਚਿਊਟ ਮਾਰੇਲਕੋਟਲਾ( ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ) ਵਿਭਾਗ ਦੇ ਮੁਖੀ ਪ੍ਰੋਫੈਸਰ ਡਾ. ਰੁਬੀਨਾ ਸ਼ਬਨਮ ਦੀ ਅਗਵਾਈ ਵਿੱਚ ਇੱਕ ਪ੍ਰਭਾਵਸ਼ਾਲੀ ਸਮਾਗਮ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿੱਚ ਐਮ.ਐਲ.ਏ ਮਲੇਰਕੋਟਲਾ ਡਾ. ਮੁਹੰਮਦ ਜਮੀਲ ਉਰ ਰਹਿਮਾਨ ਅਤੇ ਉਹਨਾਂ ਦੀ ਬੇਗਮ ਫ਼ਰਿਆਲ ਰਹਿਮਾਨ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਇਸ ਮੌਕੇ ਅਦਾਰੇ ਦੇ ਵਿਦਿਆਰਥੀ ਨੈਸ਼ਨਲ ਅਵਾਰਡੀ ਡਾ. ਬਲਰਾਮ ਸ਼ਰਮਾ ਖੰਨਾ ਤੇ ਹਰਦੀਪ ਸਿੰਘ ਲੁਧਿਆਣਾ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ। ਇਹਨਾਂ ਵਿਦਿਆਰਥੀਆਂ ਵੱਲੋਂ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ ਵਿਖੇ ਐਨ ਅੰਡਰਸਟੈਂਡਿੰਗ ਆਫ ਦਾ ਪਰਸੀਅਨ ਲਿਟਰੇਚਰ ਇਨ ਇੰਡੀਆ(ਭਾਰਤ ਵਿੱਚ ਫ਼ਾਰਸੀ ਸਾਹਿਤ ਦੇ ਪਹਿਲੂਆਂ ਦੀ ਸਮਝ) ਵਿਸ਼ੇ ਤੇ ਪੰਜ ਰੋਜ਼ਾ ਆਨ ਲਾਈਨ ਪ੍ਰੋਗਰਾਮ ਅਟੈਂਡ ਕੀਤਾ ਗਿਆ ਸੀ ਜਿਸ ਵਿੱਚ ਲਈ ਪ੍ਰੀਖਿਆ ਵਿੱਚੋਂ ‘ਏ’ ਗ੍ਰੇਡ ਹਾਸਲ ਕੀਤਾ ਗਿਆ ਸੀ।
ਸਮਾਗਮ ਵਿੱਚ ਸੰਬੋਧਨ ਦੌਰਾਨ ਡਾ. ਜਮੀਲ ਸਾਹਿਬ ਨੇ ਕਿਹਾ ਜ਼ੁਬਾਨ ਕਿਸੇ ਵੀ ਕੌਮ ਜਾਂ ਵਿਸ਼ੇਸ਼ ਜਮਾਤ ਦੀ ਨਹੀਂ ਹੁੰਦੀ ਉਹਨਾਂ ਕਿਹਾ ਕਿ ਬਲਰਾਮ ਸ਼ਰਮਾ ਅਤੇ ਹਰਦੀਪ ਸਿੰਘ ਵਰਗੇ ਵਿਦਿਆਰਥੀਆਂ ਦਾ ਉਰਦੂ ਅਰਬੀ ਤੇ ਫ਼ਾਰਸੀ ਜ਼ੁਬਾਨ ਵੱਲ ਰੁਚਿਤ ਹੋਣਾ ਕਾਬਿਲ ਏ ਤਾਰੀਫ ਹੈ। ਉਨਾਂ ਵੱਲੋਂ ਨਵਾਬ ਮੁਹੰਮਦ ਸ਼ੇਰ ਖਾਨ ਇੰਸਟੀਚਿਊਟ ਨੂੰ ਬਾਖੂਬੀ ਢੰਗ ਨਾਲ ਚਲਾਉਣ ਲਈ ਵਿਭਾਗ ਦੇ ਮੁਖੀ ਪ੍ਰੋ. ਰੁਬੀਨਾ ਸ਼ਬਨਮ, ਡਾ. ਯਾਵਰ ਮੀਰ ਅਬਾਸ ਅਤੇ ਸਮੁੱਚੀ ਟੀਮ ਦੀ ਸਰਹਾਨਾ ਕੀਤੀ ਗਈ। ਇਸ ਮੌਕੇ ਸ਼ਾਮ ਏ ਮੁਸ਼ਾਇਰਾ ਦਾ ਆਯੋਜਨ ਵੀ ਕੀਤਾ ਗਿਆ ਜਿਸ ਵਿੱਚ ਮਰਹੂਮ ਸ਼ਾਇਰ ਸਾਹਿਰ ਲੁਧਿਆਣਵੀ ਨੂੰ ਯਾਦ ਕੀਤਾ ਗਿਆ। ਇਸ ਸਮਾਗਮ ਵਿੱਚ ਪ੍ਰੋਫੈਸਰ ਰੁਬੀਨਾ ਸ਼ਬਨਮ, ਰਾਮ ਕਮਲ ਦੋਰਾਹਾ, ਡਾ. ਬਲਰਾਮ ਸ਼ਰਮਾ ਅਨਵਾਰ ਅੰਜੁਮ ਵੱਲੋਂ ਉਰਦੂ ਅਤੇ ਫ਼ਾਰਸੀ ਕਲਾਮ ਪੇਸ਼ ਕੀਤੇ ਗਏ।
ਇਸ ਮੌਕੇ ਲੇਖਕ ਰਾਮ ਕਮਲ ਦੋੋਰਾਹਾ ਵੱਲੋਂ ਆਪਣੀਆਂ ਦੋ ਪੁਸਤਕਾਂ ‘ਜ਼ਿੰਦਗੀ ਦੀ ਧੁੱਪ ਅਤੇ ਛਾਂ’, ‘ਨਈਂ ਮੰਜ਼ਿਲ ਕੀ ਅੋਰ’ ਐਮ.ਐਲ.ਏ.ਡਾ. ਜਮੀਲ ਅਤੇ ਡਾ. ਰਬੀਨਾ ਸ਼ਬਨਮ ਨੂੰ ਅਦਾਰੇ ਦੀ ਲਾਇਬਰੇਰੀ ਲਈ ਭੇਟ ਕੀਤੀਆਂ ਗਈਆਂ। ਇਸ ਮੌਕੇ ਉਕਤ ਤੋਂ ਇਲਾਵਾ ਅਨਵਾਰ ਅੰਜੁਮ, ਡਾ.ਮੁਹੰਮਦ ਗਫੂਰ, ਡਾ. ਮੁਹੰਮਦ ਰਮਜ਼ਾਨ, ਮੁਹੰਮਦ ਅਸ਼ਰਫ, ਮੁਹੰਮਦ ਜਮੀਲ, ਮੁਹੰਮਦ ਗੁਲਜ਼ਾਰ, ਅਬਦੁਲ ਸ਼ਕੂਰ, ਮੁਹੰਮਦ ਸਾਜਿਦ, ਸਲੀਮ ਅਹਿਮਦ ਸਮੇਤ ਵੱਡੀ ਗਿਣਤੀ ਵਿੱਚ ਪਤਵੰਤੇ ਸੱਜਣ ਮੌਜੂਦ ਸਨ।
