ICC President Jay Shah! ਵੱਡੀ ਖ਼ਬਰ: ਅਮਿਹ ਸ਼ਾਹ ਦਾ ‘ਲਾਡਲਾ’ ਮੁੜ ਬਣਿਆ ICC ਦੇ ਪ੍ਰਧਾਨ!
ਕ੍ਰਿਕਟ ਜਗਤ ਦੀ ਅਹਿਮ ਖ਼ਬਰ: ਬਿਨਾਂ ਕਿਸੇ ਵਿਰੋਧ ਦੇ ਦੂਜੇ ਕਾਰਜਕਾਲ ਲਈ ICC ਦੇ ਮੁਖੀ ਚੁਣੇ ਗਏ ਜੈ ਸ਼ਾਹ- ਵਿਸ਼ਵ ਕ੍ਰਿਕਟ ਦੀ ਕਮਾਨ ਮੁੜ ਜੈ ਸ਼ਾਹ ਦੇ ਹੱਥ, ਲਗਾਤਾਰ ਦੂਜੀ ਵਾਰ ਮਿਲੀ ICC ਪ੍ਰਧਾਨਗੀ ਦੀ ਜ਼ਿੰਮੇਵਾਰੀ
ਨਵੀਂ ਦਿੱਲੀ, 16 ਨਵੰਬਰ 2026: ਭਾਰਤੀ ਕ੍ਰਿਕਟ ਪ੍ਰਸ਼ਾਸਕ ਜੈ ਸ਼ਾਹ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਕੌਂਸਲ (ICC) ਦੇ ਪ੍ਰਧਾਨ ਵਜੋਂ ਲਗਾਤਾਰ ਦੂਜੀ ਵਾਰ ਚੁਣ ਲਿਆ ਗਿਆ ਹੈ। ਇੰਡੋਨੇਸ਼ੀਆ ਦੇ ਬਾਲੀ ਵਿਖੇ ਹੋਈ ICC ਬੋਰਡ ਦੀ ਅਹਿਮ ਬੈਠਕ ਦੌਰਾਨ ਉਨ੍ਹਾਂ ਦੀ ਮੁੜ ਨਿਯੁਕਤੀ ਨੂੰ ਬਿਨਾਂ ਕਿਸੇ ਮੁਕਾਬਲੇ ਸਰਬਸੰਮਤੀ ਨਾਲ ਪ੍ਰਵਾਨਗੀ ਦਿੱਤੀ ਗਈ। ਇਸ ਫੈਸਲੇ ਦੇ ਨਾਲ ਹੀ ਵਿਸ਼ਵ ਕ੍ਰਿਕਟ ਦੇ ਪ੍ਰਸ਼ਾਸਨ ਵਿੱਚ ਭਾਰਤ ਦੀ ਮਜ਼ਬੂਤ ਪਕੜ ਅਤੇ ਜੈ ਸ਼ਾਹ (ICC President Jay Shah) ਦੀ ਅਗਵਾਈ ਉੱਤੇ ਕੌਮਾਂਤਰੀ ਬੋਰਡ ਨੇ ਇੱਕ ਵਾਰ ਫਿਰ ਆਪਣਾ ਪੂਰਾ ਭਰੋਸਾ ਪ੍ਰਗਟਾਇਆ ਹੈ।
ਜਾਣਕਾਰੀ ਮੁਤਾਬਕ, ਬਾਲੀ ਵਿੱਚ ਚੱਲ ਰਹੀ ICC ਬੋਰਡ ਦੀ ਬੈਠਕ ਦੌਰਾਨ ਬੋਰਡ ਦੇ ਡਾਇਰੈਕਟਰਾਂ ਵੱਲੋਂ ਜੈ ਸ਼ਾਹ ਦੇ ਨਾਮ ਦੀ ਤਜਵੀਜ਼ ਰੱਖੀ ਗਈ ਸੀ। ਕਿਸੇ ਵੀ ਹੋਰ ਉਮੀਦਵਾਰ ਵੱਲੋਂ ਨਾਮਜ਼ਦਗੀ ਨਾ ਭਰੇ ਜਾਣ ਕਾਰਨ ਬੋਰਡ ਨੇ ਬਿਨਾਂ ਕਿਸੇ ਵਿਰੋਧ ਦੇ ਉਨ੍ਹਾਂ ਦੇ ਦੂਜੇ ਕਾਰਜਕਾਲ ਉੱਤੇ ਪੱਕੀ ਮੋਹਰ ਲਗਾ ਦਿੱਤੀ। ਇਸ ਅਹਿਮ ਫੈਸਲੇ ਸਦਕਾ ਕੌਮਾਂਤਰੀ ਕ੍ਰਿਕਟ ਪ੍ਰਸ਼ਾਸਨ ਵਿੱਚ ਜੈ ਸ਼ਾਹ ਦੀ ਅਗਵਾਈ ਅਤੇ ਭੂਮਿਕਾ ਅਗਲੇ ਕਾਰਜਕਾਲ ਦੌਰਾਨ ਵੀ ਨਿਰੰਤਰ ਜਾਰੀ ਰਹੇਗੀ।
ਜ਼ਿਕਰਯੋਗ ਹੈ ਕਿ ਆਪਣੇ ਪਹਿਲੇ ਕਾਰਜਕਾਲ ਦੌਰਾਨ ਲਏ ਗਏ ਕਈ ਅਹਿਮ ਅਤੇ ਦੂਰਅੰਦੇਸ਼ੀ ਫੈਸਲਿਆਂ ਕਾਰਨ ਉਨ੍ਹਾਂ ਨੂੰ ਮੈਂਬਰ ਦੇਸ਼ਾਂ ਦਾ ਭਰਵਾਂ ਸਮਰਥਨ ਹਾਸਲ ਹੋਇਆ ਹੈ, ਜਿਸ ਦਾ ਨਤੀਜਾ ਉਨ੍ਹਾਂ ਦੀ ਬਿਨਾਂ ਮੁਕਾਬਲੇ ਹੋਈ ਇਸ ਮੁੜ ਚੋਣ ਦੇ ਰੂਪ ਵਿੱਚ ਸਾਹਮਣੇ ਆਇਆ ਹੈ।
ਖੇਡ ਮਾਹਿਰਾਂ ਅਤੇ ਕ੍ਰਿਕਟ ਜਗਤ ਨਾਲ ਜੁੜੇ ਜਾਣਕਾਰਾਂ ਵੱਲੋਂ ਜੈ ਸ਼ਾਹ ਦੀ ਇਸ ਮੁੜ ਚੋਣ ਨੂੰ ਵਿਸ਼ਵ ਪੱਧਰ ’ਤੇ ਕ੍ਰਿਕਟ ਦੇ ਹੋਰ ਵਧੇਰੇ ਪਸਾਰ, ਨਵੇਂ ਅਤੇ ਉੱਭਰ ਰਹੇ ਦੇਸ਼ਾਂ ਵਿੱਚ ਇਸ ਖੇਡ ਨੂੰ ਉਤਸ਼ਾਹਿਤ ਕਰਨ ਅਤੇ ਆਉਣ ਵਾਲੇ ਸਮੇਂ ਦੀਆਂ ਵੱਡੀਆਂ ਕ੍ਰਿਕਟ ਯੋਜਨਾਵਾਂ ਦੇ ਪੱਖ ਤੋਂ ਬੇਹੱਦ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਉਨ੍ਹਾਂ ਦੀ ਅਗਵਾਈ ਹੇਠ ਕ੍ਰਿਕਟ ਨੂੰ ਰਵਾਇਤੀ ਦੇਸ਼ਾਂ ਤੋਂ ਬਾਹਰ ਕੱਢ ਕੇ ਨਵੇਂ ਬਾਜ਼ਾਰਾਂ ਅਤੇ ਖੇਤਰਾਂ ਤੱਕ ਪਹੁੰਚਾਉਣ ਦੇ ਯਤਨਾਂ ਨੂੰ ਹੋਰ ਤੇਜ਼ੀ ਮਿਲਣ ਦੀ ਉਮੀਦ ਜਤਾਈ ਜਾ ਰਹੀ ਹੈ।
ਭਾਵੇਂ ਇਹ ਜ਼ਿੰਮੇਵਾਰੀ ਉਨ੍ਹਾਂ ਦੇ ਵਧਦੇ ਕੱਦ ਨੂੰ ਦਰਸਾਉਂਦੀ ਹੈ, ਪਰ ਦੂਜੇ ਕਾਰਜਕਾਲ ਦੌਰਾਨ ਉਨ੍ਹਾਂ ਦੇ ਸਾਹਮਣੇ ਕਈ ਅਹਿਮ ਟੀਚੇ ਅਤੇ ਚੁਣੌਤੀਆਂ ਵੀ ਮੌਜੂਦ ਰਹਿਣਗੀਆਂ। ਇਨ੍ਹਾਂ ਵਿੱਚ ਵਿਸ਼ਵ ਕ੍ਰਿਕਟ ਨੂੰ ਹੋਰ ਵੱਡੇ ਪੱਧਰ ’ਤੇ ਲਿਜਾਣਾ, ਵੱਖ-ਵੱਖ ਦੇਸ਼ਾਂ ਵਿੱਚ ਖੇਡ ਦੇ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨਾ, ਕ੍ਰਿਕਟ ਦੇ ਵੱਖ-ਵੱਖ ਰੂਪਾਂ ਵਿਚਕਾਰ ਸੰਤੁਲਨ ਬਣਾਈ ਰੱਖਣਾ ਅਤੇ ਕ੍ਰਿਕਟ ਦੀ ਆਲਮੀ ਹਰਮਨਪਿਆਰਤਾ ਨੂੰ ਨਵੀਆਂ ਬੁਲੰਦੀਆਂ ਤੱਕ ਪਹੁੰਚਾਉਣਾ ਪ੍ਰਮੁੱਖ ਹਨ। ਲਗਾਤਾਰ ਦੂਜੀ ਵਾਰ ਮਿਲੀ ਇਹ ਵੱਡੀ ਜ਼ਿੰਮੇਵਾਰੀ ਕੌਮਾਂਤਰੀ ਕ੍ਰਿਕਟ ਪ੍ਰਸ਼ਾਸਨ ਵਿੱਚ ਜੈ ਸ਼ਾਹ ਦੀ ਭਰੋਸੇਯੋਗਤਾ, ਕਾਰਜਕੁਸ਼ਲਤਾ ਅਤੇ ਅਹਿਮ ਭੂਮਿਕਾ ਨੂੰ ਸਪੱਸ਼ਟ ਰੂਪ ਵਿੱਚ ਦਰਸਾਉਂਦੀ ਹੈ।
















