ਪੰਜਾਬ ਸਰਕਾਰ ਵੱਲੋਂ ਓਵਰਏਜ ਹੋ ਰਹੇ ਉਮੀਦਵਾਰਾਂ ਅਤੇ ਰੁਕੀਆਂ ਭਰਤੀਆਂ ਬਾਰੇ ਅਹਿਮ ਮੀਟਿੰਗ, ਇਨਸਾਫ਼ ਦਾ ਦਿੱਤਾ ਭਰੋਸਾ
ਵਿਮੁਕਤ ਜਾਤੀਆਂ ਦੇ 2% ਕੋਟੇ ਅਤੇ ਰੁਕੀਆਂ ਭਰਤੀਆਂ ‘ਤੇ ਚੰਡੀਗੜ੍ਹ ‘ਚ ਉੱਚ ਪੱਧਰੀ ਮੀਟਿੰਗ; ਮੰਤਰੀ ਬਲਜੀਤ ਕੌਰ ਨੇ ਦਿੱਤਾ ਭਰੋਸਾ
ਨਿਯੁਕਤੀਆਂ ਲਈ ਫਾਈਲ ਮੁੱਖ ਸਕੱਤਰ ਨੂੰ ਭੇਜਣ ਦੀ ਤਿਆਰੀ; ਓਵਰਏਜ ਹੋ ਰਹੇ ਉਮੀਦਵਾਰਾਂ ਦੇ ਮਸਲੇ ‘ਤੇ ਹੋਈ ਗੰਭੀਰ ਚਰਚਾ
ਵਿਮੁਕਤ ਜਾਤੀਆਂ ਦੇ 2% ਕੋਟੇ ‘ਤੇ ਸਰਕਾਰ ਨੇ ਜਤਾਈ ਸਹਿਮਤੀ; ਮੁੱਖ ਮੰਤਰੀ ਕੋਲ ਭੇਜੀ ਜਾਵੇਗੀ ਰਿਪੋਰਟ
ਚੰਡੀਗੜ੍ਹ: 10 ਫ਼ਰਵਰੀ 2026
ਬੀਤੇ ਕੱਲ੍ਹ ਪੰਜਾਬ ਭਵਨ ਚੰਡੀਗੜ੍ਹ ਵਿਖੇ ਸਮਾਜਿਕ ਨਿਆਂ ਅਤੇ ਭਲਾਈ ਮੰਤਰੀ ਡਾਕਟਰ ਬਲਜੀਤ ਕੌਰ ਦੀ ਪ੍ਰਧਾਨਗੀ ਹੇਠ ਵਿਮੁਕਤ ਜਾਤੀਆਂ ਦੀਆਂ ਸਮੱਸਿਆਵਾਂ ਨੂੰ ਲੈ ਕੇ ਇੱਕ ਅਹਿਮ ਮੀਟਿੰਗ ਹੋਈ। ਇਸ ਮੀਟਿੰਗ ਵਿੱਚ ਵਿਧਾਇਕ ਅਤੇ ਵਿਮੁਕਤ ਜਾਤੀਆਂ ਦੇ ਪ੍ਰਧਾਨ ਕੁਲਵੰਤ ਸਿੰਘ ਬਾਜ਼ੀਗਰ ਅਤੇ ਚੇਅਰਪਰਸਨ ਬਰਖਾ ਰਾਮ ਵਿਸ਼ੇਸ਼ ਤੌਰ ‘ਤੇ ਸ਼ਾਮਿਲ ਹੋਏ।
ਚੇਅਰਮੈਨ ਬਰਖਾ ਰਾਮ ਨੇ ਵਿਮੁਕਤ ਜਾਤੀਆਂ ਲਈ 2% ਕੋਟੇ ਅਤੇ ਰਿਜ਼ਰਵੇਸ਼ਨ ਦੇ ਮਸਲੇ ਨੂੰ ਸੁੱਚਜੇ ਢੰਗ ਨਾਲ ਪੇਸ਼ ਕੀਤਾ। ਉਨ੍ਹਾਂ ਨੇ ਵਿਮੁਕਤ ਜਾਤੀ ਭਵਨ ਦੀ ਉਸਾਰੀ ਅਤੇ ਡੀ.ਐਨ.ਟੀ. (DNT) ਲਾਭਾਂ ਬਾਰੇ ਵੀ ਵਿਸਤਾਰ ਵਿੱਚ ਗੱਲ ਕੀਤੀ।
ਵਿਧਾਇਕ ਕੁਲਵੰਤ ਸਿੰਘ ਬਾਜ਼ੀਗਰ ਨੇ ਦੱਸਿਆ ਕਿ ਬਹੁਤ ਸਾਰੇ ਉਮੀਦਵਾਰ ਨੌਕਰੀ ਦੀ ਆਸ ਵਿੱਚ ਓਵਰਏਜ ਹੋ ਚੁੱਕੇ ਹਨ। ਈ.ਟੀ.ਟੀ. ਅਧਿਆਪਕ ਅਮਰਜੀਤ ਸੰਗਰੂਰ ਨੇ ਮੰਤਰੀ ਨੂੰ ਬੇਨਤੀ ਕੀਤੀ ਕਿ ਜਿਨ੍ਹਾਂ ਉਮੀਦਵਾਰਾਂ ਦੀ ਦਸਤਾਵੇਜ਼ ਵੈਰੀਫਿਕੇਸ਼ਨ ਹੋ ਚੁੱਕੀ ਹੈ, ਉਨ੍ਹਾਂ ਨੂੰ ਤੁਰੰਤ ਨਿਯੁਕਤੀ ਪੱਤਰ ਦਿੱਤੇ ਜਾਣ।
ਮੀਟਿੰਗ ਦੌਰਾਨ ਸੁੱਖਜੀਵਨ ਸਿੰਘ ਨੇ ਹਾਈਕੋਰਟ ਵੱਲੋਂ ਵਿਮੁਕਤ ਜਾਤੀਆਂ ਦੇ ਪੱਖ ਵਿੱਚ ਸੁਣਾਏ ਗਏ ਫ਼ੈਸਲਿਆਂ ਦਾ ਵੇਰਵਾ ਦਿੱਤਾ। ਇਹ ਵੀ ਸਪੱਸ਼ਟ ਕੀਤਾ ਗਿਆ ਕਿ ਇਨ੍ਹਾਂ ਭਰਤੀਆਂ ਉੱਪਰ 15-09-2022 ਵਾਲਾ ਪੱਤਰ ਲਾਗੂ ਨਹੀਂ ਹੁੰਦਾ।
ਡਾਕਟਰ ਬਲਜੀਤ ਕੌਰ ਅਤੇ ਪ੍ਰਮੁੱਖ ਸਕੱਤਰ ਵੀ.ਕੇ. ਮੀਣਾ ਨੇ ਉਮੀਦਵਾਰਾਂ ਦੀਆਂ ਮੰਗਾਂ ਨਾਲ ਸਹਿਮਤੀ ਜਤਾਈ। ਮੰਤਰੀ ਨੇ ਭਰੋਸਾ ਦਿੱਤਾ ਕਿ ਬਹੁਤ ਜਲਦ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਇਸ ਮੁੱਦੇ ਤੋਂ ਜਾਣੂ ਕਰਵਾ ਕੇ ਵੱਖ-ਵੱਖ ਵਿਭਾਗਾਂ ਦੀਆਂ ਰੁਕੀਆਂ ਭਰਤੀਆਂ ਪੂਰੀਆਂ ਕਰਵਾਈਆਂ ਜਾਣਗੀਆਂ।
ਬੱਚਿਆਂ ਦੀ ਜੁਆਇਨਿੰਗ ਲਈ ਫਾਈਲ ਮੁੱਖ ਸਕੱਤਰ ਪੰਜਾਬ ਵੱਲ ਭੇਜੀ ਜਾਵੇਗੀ। ਭਲਾਈ ਵਿਭਾਗ ਉਮੀਦਵਾਰਾਂ ਦੀ ਸੂਚੀ ਤਿਆਰ ਕਰਕੇ ਨਿਯੁਕਤੀਆਂ ਲਈ ਵਿਸ਼ੇਸ਼ ਉਪਰਾਲਾ ਕਰੇਗਾ।
ਮੀਟਿੰਗ ਵਿੱਚ ਡਾਇਰੈਕਟਰ ਵਿੰਮੀ ਭੁੱਲਰ, ਅਮਰਜੀਤ ਸੰਗਰੂਰ, ਸੁਰਜੀਤ ਸੰਗਰੂਰ, ਮਲਕੀਤ ਪੰਜਗਰਾਈਂ, ਸੁਖਜੀਤ ਮਲੋਟ, ਨਿਰਮਲ ਫਰੀਦਕੋਟ, ਅਮਰਜੀਤ ਸੰਗਰੁਰ, ਕਬੀਰ, ਬਲਵਾਂਨ, ਜੈਵੀ, ਕੁਲਦੀਪ ਸਮੇਤ ਕਈ ਹੋਰ ਹਾਜ਼ਰ ਸਨ।
