ETT News- ਈ.ਟੀ.ਟੀ. (ETT) 6635 ਭਰਤੀ! ਜੁਆਇਨਿੰਗ ਤੋਂ ਰਹਿ ਗਏ ਬੇਰੁਜ਼ਗਾਰਾਂ ਨੇ CM ਮਾਨ ਤੱਕ ਕੀਤੀ ਪਹੁੰਚ, ਮੰਗਾਂ ਮੰਨਣ ਦਾ ਮਿਲਿਆ ਭਰੋਸਾ
ਡਿਪਾਰਟਮੈਂਟ ਵੱਲੋਂ ETT 6635 ਭਰਤੀ ਵਿੱਚ ਕੌਂਸਲਿੰਗ ਕਰਵਾ ਚੁੱਕੇ ਨੇ, ਪ੍ਰੰਤੂ ਜੁਆਇਨਿੰਗ ਲਈ ਪਿਛਲੇ 39 ਮਹੀਨਿਆਂ ਤੋਂ ਦਰ-ਦਰ ਦੀਆਂ ਠੋਕਰਾਂ ਖਾਣ ਲਈ ਮਜਬੂਰ ਨੇ
Punjab Network
ETT News- ਸੁਨਾਮ 6 ਜਨਵਰੀ 2026- ਅੱਜ ਮੁੱਖ ਮੰਤਰੀ ਦੇ ਪਿੰਡ ਸਤੋਜ (ਸੁਨਾਮ) ਵਿਖੇ ਉਨ੍ਹਾਂ ਦੇ ਓ.ਐੱਸ.ਡੀ. ਰਾਜਵੀਰ ਸਿੰਘ ਘਰਾਚੋਂ ਨੂੰ ਵਿਮੁਕਤ ਜਾਤੀ ਦਾ ਵਫ਼ਦ ਆਪਣੀ 2% ਵਾਲੀ ਮੰਗ ਨੂੰ ਲੈ ਕੇ ਮਿਲਿਆ।
ਸੀਐੱਮ ਦੇ ਓ.ਐੱਸ.ਡੀ. ਨਾਲ ETT 6635 ਅਸਾਮੀਆਂ ਵਿੱਚ ਭਰਤੀ ਬੋਰਡ ਤੋਂ ਸਕਰੂਟਨੀ ਕਰਵਾ ਚੁੱਕੇ ਵਿਮੁਕਤ ਜਾਤੀ ਦੇ ਯੋਗ ਕਰਾਰ ਦਿੱਤੇ ਗਏ ਉਮੀਦਵਾਰਾਂ ਦੀ ਜੁਆਇਨਿੰਗ ਕਰਵਾਉਣ ਸਬੰਧੀ ਵਿਸਥਾਰ ਪੂਰਵਕ ਚਰਚਾ ਕੀਤੀ ਗਈ।
ਓ.ਐੱਸ.ਡੀ. ਨੇ ਇਸ ਮਸਲੇ ਨੂੰ ਗੰਭੀਰਤਾ ਵਿੱਚ ਲੈਂਦੇ ਹੋਏ ਕਿਹਾ ਕਿ ਤੁਹਾਡਾ ਕੰਮ ਧਿਆਨ ਵਿੱਚ ਹੈ ਅਤੇ ਇਹ ਕੰਮ ਬਹੁਤ ਜਲਦੀ ਪੂਰਾ ਕੀਤਾ ਜਾਵੇਗਾ। ਉਨ੍ਹਾਂ ਸਾਡੀਆਂ ਮੰਗਾਂ ਨੂੰ ਲੈ ਕੇ ਭਗਵੰਤ ਸਿੰਘ ਮਾਨ, ਮੁੱਖ ਮੰਤਰੀ ਪੰਜਾਬ ਨਾਲ ਰਾਬਤਾ ਕਾਇਮ ਕਰਕੇ ਮਸਲਾ ਹੱਲ ਕਰਨ ਦਾ ਪੂਰਨ ਭਰੋਸਾ ਦਿੱਤਾ।
ਨੁਮਾਇੰਦਿਆਂ ਵੱਲੋਂ ਇਹ ਵੀ ਦੱਸਿਆ ਗਿਆ ਕਿ ਇਹ ਉਮੀਦਵਾਰ 07/09/2022 ਨੂੰ ਡਿਪਾਰਟਮੈਂਟ ਵੱਲੋਂ ETT 6635 ਭਰਤੀ ਵਿੱਚ ਕੌਂਸਲਿੰਗ ਕਰਵਾ ਚੁੱਕੇ ਨੇ, ਪ੍ਰੰਤੂ ਜੁਆਇਨਿੰਗ ਲਈ ਪਿਛਲੇ 39 ਮਹੀਨਿਆਂ ਤੋਂ ਦਰ-ਦਰ ਦੀਆਂ ਠੋਕਰਾਂ ਖਾਣ ਲਈ ਮਜਬੂਰ ਨੇ।
ਇਹ ਸਾਥੀ 2% ਦਾ ਕੋਟਾ ਲੈਣ ਲਈ ਪਿਛਲੇ ਲੰਬੇ ਸਮੇਂ ਤੋਂ ਸੰਘਰਸ਼ ਕਰ ਰਹੇ ਨੇ। ਯੂਨੀਅਨ ਆਗੂਆਂ ਨੇ ਮਾਨ ਸਰਕਾਰ ਤੋਂ ਮੰਗ ਕੀਤੀ ਕਿ ਜਲਦੀ ਹੀ ਵਿਮੁਕਤ ਜਾਤੀ ਦੇ ਯੋਗ ਉਮੀਦਵਾਰਾਂ ਨੂੰ ਜੁਆਇਨਿੰਗ ਲੈਟਰ ਦਿੱਤੇ ਜਾਣ। ਇਸ ਮੌਕੇ ਅਮਰਜੀਤ ਸੰਗਰੂਰ, ਸੁਰਜੀਤ, ਮਲਕੀਤ ਪੰਜਗਰਾਈਂ, ਸੁਖਵਿੰਦਰ, ਕੁਲਦੀਪ ਘੁੰਮਣ, ਕਬੀਰ ਆਦਿ ਹਾਜ਼ਰ ਸਨ।
