Bank Holidays October 2026: ਅਕਤੂਬਰ ‘ਚ ਛੁੱਟੀਆਂ ਦੀ ਭਰਮਾਰ, ਜਾਣੋ ਕਿਹੜੇ-ਕਿਹੜੇ ਦਿਨ ਬੰਦ ਰਹਿਣਗੇ ਬੈਂਕ- ਪੜ੍ਹੋ ਛੁੱਟੀਆਂ ਦੀ ਪੂਰੀ ਲਿਸਟ
ਨਵੀਂ ਦਿੱਲੀ/ਚੰਡੀਗੜ੍ਹ, 4 ਅਕਤੂਬਰ 2026– ਸਾਲ 2026 ਦਾ ਅਕਤੂਬਰ ਮਹੀਨਾ ਤਿਉਹਾਰਾਂ ਅਤੇ ਖਾਸ ਦਿਨਾਂ ਨਾਲ ਭਰਿਆ ਹੋਇਆ ਹੈ। ਇਸ ਮਹੀਨੇ ਵਿੱਚ ਦੁਸਹਿਰਾ, ਦੁਰਗਾ ਪੂਜਾ, ਛਠ ਪੂਜਾ ਵਰਗੇ ਕਈ ਵੱਡੇ ਤਿਉਹਾਰ ਅਤੇ ਰਾਸ਼ਟਰੀ ਦਿਹਾੜੇ ਆ ਰਹੇ ਹਨ। ਇਸ ਕਾਰਨ ਦੇਸ਼ ਦੇ ਵੱਖ-ਵੱਖ ਸੂਬਿਆਂ ਵਿੱਚ ਬੈਂਕਾਂ ਵਿੱਚ ਕਈ ਦਿਨ ਕੰਮਕਾਜ ਨਹੀਂ ਹੋਵੇਗਾ। ਭਾਰਤੀ ਰਿਜ਼ਰਵ ਬੈਂਕ (RBI) ਵੱਲੋਂ ਜਾਰੀ ਕੀਤੀ ਗਈ ਅਧਿਕਾਰਤ ਸੂਚੀ ਅਨੁਸਾਰ, ਅਕਤੂਬਰ ਮਹੀਨੇ ਦੌਰਾਨ ਬੈਂਕਾਂ ਵਿੱਚ ਭੌਤਿਕ (physical) ਕੰਮਕਾਜ ਬੰਦ ਰਹੇਗਾ, ਹਾਲਾਂਕਿ ਇਸ ਦੌਰਾਨ ਗਾਹਕਾਂ ਲਈ ਆਨਲਾਈਨ ਬੈਂਕਿੰਗ, UPI ਅਤੇ ATM ਸੇਵਾਵਾਂ ਨਿਰੰਤਰ ਚਾਲੂ ਰਹਿਣਗੀਆਂ।
ਭਾਰਤ ਵਿੱਚ ਨਿਯਮਾਂ ਮੁਤਾਬਕ ਸਾਰੇ ਬੈਂਕ ਮਹੀਨੇ ਦੇ ਦੂਜੇ ਅਤੇ ਚੌਥੇ ਸ਼ਨੀਵਾਰ ਨੂੰ ਬੰਦ ਰਹਿੰਦੇ ਹਨ, ਜਦੋਂ ਕਿ ਪਹਿਲਾ, ਤੀਜਾ ਅਤੇ ਪੰਜਵਾਂ ਸ਼ਨੀਵਾਰ ਕੰਮਕਾਜੀ ਦਿਨ ਹੁੰਦੇ ਹਨ। ਪਰ ਅਕਤੂਬਰ 2026 ਦੇ ਪੰਜ ਸ਼ਨੀਵਾਰਾਂ ਵਿੱਚੋਂ ਚਾਰ ਸ਼ਨੀਵਾਰਾਂ ਨੂੰ ਤਿਉਹਾਰਾਂ ਅਤੇ ਨਿਯਮਤ ਛੁੱਟੀਆਂ ਕਾਰਨ ਬੈਂਕਾਂ ਵਿੱਚ ਕੰਮਕਾਜ ਠੱਪ ਰਹੇਗਾ। ਇਸ ਲਈ ਜੇਕਰ ਤੁਸੀਂ ਬੈਂਕ ਦੀ ਸ਼ਾਖਾ (branch) ਵਿੱਚ ਜਾ ਕੇ ਕੋਈ ਜ਼ਰੂਰੀ ਕੰਮ ਨਿਪਟਾਉਣਾ ਚਾਹੁੰਦੇ ਹੋ, ਤਾਂ ਪਹਿਲਾਂ ਛੁੱਟੀਆਂ ਦੀ ਸੂਚੀ ਜ਼ਰੂਰ ਜਾਂਚ ਲਵੋ।
ਪੜ੍ਹੋ ਛੁੱਟੀਆਂ ਦੀ ਪੂਰੀ ਲਿਸਟ
10 ਅਕਤੂਬਰ 2026 (ਸ਼ਨੀਵਾਰ): ਮਹੀਨੇ ਦਾ ਦੂਜਾ ਸ਼ਨੀਵਾਰ ਹੋਣ ਕਾਰਨ ਦੇਸ਼ ਭਰ ਵਿੱਚ ਬੈਂਕ ਬੰਦ ਰਹਿਣਗੇ। ਇਸ ਤੋਂ ਇਲਾਵਾ ਕਰਨਾਟਕ ਅਤੇ ਕੋਲਕਾਤਾ ਵਿੱਚ ਮਹਾਲਯਾ ਅਮਾਵਸਿਆ ਦੀ ਵੀ ਛੁੱਟੀ ਰਹੇਗੀ।
11 ਅਕਤੂਬਰ 2026 (ਐਤਵਾਰ): ਹਫ਼ਤਾਵਾਰੀ ਛੁੱਟੀ।
17 ਅਕਤੂਬਰ 2026 (ਸ਼ਨੀਵਾਰ): ਮਹਾ ਸਪਤਮੀ ਦੇ ਤਿਉਹਾਰ ਕਾਰਨ ਤ੍ਰਿਪੁਰਾ ਵਿੱਚ ਬੈਂਕ ਬੰਦ ਰਹਿਣਗੇ।
18 ਅਕਤੂਬਰ 2026 (ਐਤਵਾਰ): ਹਫ਼ਤਾਵਾਰੀ ਛੁੱਟੀ।
19 ਅਕਤੂਬਰ 2026 (ਸੋਮਵਾਰ): ਮਹਾ ਅਸ਼ਟਮੀ/ਮਹਾ ਨਵਮੀ/ਆਯੁਧ ਪੂਜਾ/ਦੁਰਗਾ ਪੂਜਾ ਕਾਰਨ ਤ੍ਰਿਪੁਰਾ, ਮਿਜ਼ੋਰਮ, ਓਡੀਸ਼ਾ, ਤਾਮਿਲਨਾਡੂ, ਅਸਾਮ, ਮਨੀਪੁਰ, ਅਰੁਣਾਚਲ ਪ੍ਰਦੇਸ਼, ਨਾਗਾਲੈਂਡ, ਪੱਛਮੀ ਬੰਗਾਲ, ਬਿਹਾਰ, ਝਾਰਖੰਡ ਅਤੇ ਮੇਘਾਲਿਆ ਵਿੱਚ ਬੈਂਕ ਬੰਦ ਰਹਿਣਗੇ।
20 ਅਕਤੂਬਰ 2026 (ਮੰਗਲਵਾਰ): ਦੁਸਹਿਰਾ/ਵਿਜਯਾਦਸ਼ਮੀ/ਮਹਾਨਵਮੀ ਦੇ ਸੁਭ ਅਵਸਰ ‘ਤੇ ਮਨੀਪੁਰ ਅਤੇ ਸਿੱਕਮ ਨੂੰ ਛੱਡ ਕੇ ਦੇਸ਼ ਦੇ ਬਾਕੀ ਲਗਭਗ ਸਾਰੇ ਸੂਬਿਆਂ (ਪੰਜਾਬ, ਦਿੱਲੀ, ਗੁਜਰਾਤ, ਮਹਾਰਾਸ਼ਟਰ, ਉੱਤਰ ਪ੍ਰਦੇਸ਼, ਆਦਿ) ਵਿੱਚ ਬੈਂਕਾਂ ਵਿੱਚ ਛੁੱਟੀ ਰਹੇਗੀ।
21 ਅਕਤੂਬਰ 2026 (ਬੁੱਧਵਾਰ): ਦੁਰਗਾ ਪੂਜਾ (ਦਸ਼ੈਨ)/ਵਿਜਯਾਦਸ਼ਮੀ ਦੇ ਮੌਕੇ ‘ਤੇ ਤ੍ਰਿਪੁਰਾ, ਕਰਨਾਟਕ, ਸਿੱਕਮ, ਅਸਾਮ, ਕੇਰਲ ਅਤੇ ਪੱਛਮੀ ਬੰਗਾਲ ਵਿੱਚ ਬੈਂਕ ਬੰਦ ਰਹਿਣਗੇ।
22 ਅਕਤੂਬਰ 2026 (ਵੀਰਵਾਰ): ਦੁਰਗਾ ਪੂਜਾ (ਦਸ਼ੈਨ) ਕਾਰਨ ਸਿੱਕਮ ਵਿੱਚ ਬੈਂਕ ਬੰਦ ਰਹਿਣਗੇ।
23 ਅਕਤੂਬਰ 2026 (ਸ਼ੁੱਕਰਵਾਰ): ਦੁਰਗਾ ਪੂਜਾ (ਦਸ਼ੈਨ) ਕਾਰਨ ਸਿੱਕਮ ਵਿੱਚ ਬੈਂਕ ਛੁੱਟੀ ਰਹੇਗੀ।
24 ਅਕਤੂਬਰ 2026 (ਸ਼ਨੀਵਾਰ): ਮਹੀਨੇ ਦਾ ਚੌਥਾ ਸ਼ਨੀਵਾਰ ਹੋਣ ਕਰਕੇ ਦੇਸ਼ ਭਰ ਵਿੱਚ ਬੈਂਕ ਬੰਦ ਰਹਿਣਗੇ।
25 ਅਕਤੂਬਰ 2026 (ਐਤਵਾਰ): ਹਫ਼ਤਾਵਾਰੀ ਛੁੱਟੀ।
26 ਅਕਤੂਬਰ 2026 (ਸੋਮਵਾਰ): ਲਕਸ਼ਮੀ ਪੂਜਾ/ਐਕਸੈਸ਼ਨ ਡੇ/ਮਹਾਰਿਸ਼ੀ ਵਾਲਮੀਕਿ ਜਯੰਤੀ ਕਾਰਨ ਤ੍ਰਿਪੁਰਾ, ਚੰਡੀਗੜ੍ਹ, ਜੰਮੂ-ਸ੍ਰੀਨਗਰ ਅਤੇ ਹਿਮਾਚਲ ਪ੍ਰਦੇਸ਼ ਵਿੱਚ ਬੈਂਕ ਬੰਦ ਰਹਿਣਗੇ।
29 ਅਕਤੂਬਰ 2026 (ਵੀਰਵਾਰ): ਕਰਵਾ ਚੌਥ ਦੇ ਮੌਕੇ ‘ਤੇ ਹਿਮਾਚਲ ਪ੍ਰਦੇਸ਼ ਵਿੱਚ ਬੈਂਕਾਂ ਦੀ ਛੁੱਟੀ ਰਹੇਗੀ।
31 ਅਕਤੂਬਰ 2026 (ਸ਼ਨੀਵਾਰ): ਸਰਦਾਰ ਵੱਲਭ ਭਾਈ ਪਟੇਲ ਜਯੰਤੀ ਦੇ ਮੌਕੇ ‘ਤੇ ਗੁਜਰਾਤ ਵਿੱਚ ਬੈਂਕ ਬੰਦ ਰਹਿਣਗੇ।
ਗਾਹਕਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਆਪਣੇ ਬੈਂਕਿੰਗ ਨਾਲ ਜੁੜੇ ਜ਼ਰੂਰੀ ਕੰਮ ਸਮੇਂ ਸਿਰ ਨਿਪਟਾ ਲੈਣ ਤਾਂ ਜੋ ਤਿਉਹਾਰਾਂ ਦੇ ਦਿਨਾਂ ਵਿੱਚ ਕਿਸੇ ਵੀ ਪ੍ਰੇਸ਼ਾਨੀ ਤੋਂ ਬਚਿਆ ਜਾ ਸਕੇ।
