ਵਿਅੰਗ: ਖੋਦਿਆ ਪਹਾੜ ਨਿਕਲਿਆ ਚੂਹਾ!
ਨਵੀਂ ਦਿੱਲੀ, 18 ਅਪ੍ਰੈਲ 2026-
ਅੱਜ ਸ਼ਾਮ ਸਾਢੇ 8 ਵਜੇ ਦੇਸ਼ ਦਾ ਪ੍ਰਧਾਨ ਸੇਵਕ ਜਨਤਾ ਦੇ ਸਾਹਮਣੇ ਆਇਆ। ਲਾਈਵ ਟੈਲੀਕਾਸਟ ਦੌਰਾਨ ਉਹਨੇ ਆਪਣੇ ਚੈਨਲ ‘ਤੇ ਜਿੱਥੇ ਔਰਤਾਂ ਦੇ ਹੱਕ ਵਿੱਚ ਹਾਅ ਦਾ ਨਾਅਰਾ ਮਾਰਿਆ, ਉੱਥੇ ਹੀ ਵਿਰੋਧੀਆਂ ਨੂੰ ਰਗੜੇ ਲਾਏ।
ਪਹਿਲਾਂ ਇਹ ਅੰਦਾਜ਼ੇ ਲਗਾਏ ਜਾ ਰਹੇ ਸਨ ਕਿ ਪ੍ਰਧਾਨ ਸੇਵਕ ਦੇਸ਼ ਲਈ ਕੋਈ ਵੱਡਾ ਫ਼ੈਸਲਾ ਕਰਨਗੇ, ਪਰ ਹੋਇਆ ਕੁੱਝ ਵੀ ਨਹੀਂ। ਸਿੱਧੇ ਸ਼ਬਦਾਂ ਵਿੱਚ ਕਹੀਏ ਤਾਂ, ਪ੍ਰਧਾਨ ਸੇਵਕ ਦੇ ਸੰਬੋਧਨ ਵਿੱਚੋਂ ਕੁੱਝ ਵੀ ਨਹੀਂ ਨਿਕਲਿਆ। ‘ਖੋਦਿਆ ਪਹਾੜ ਨਿਕਲਿਆ ਚੂਹਾ!’ ਵਾਲੀ ਕਹਾਵਤ ਸੱਚ ਸਾਬਤ ਹੋ ਗਈ ਹੈ।
ਜਿਵੇਂ ਸੰਸਦ ਵਿੱਚ ਰੌਲੇ ਰੱਪੇ ਕਾਰਨ ਲੋਕਾਂ ਦਾ ਕਰੋੜਾਂ ਰੁਪਇਆ ਇੱਕੋ ਦਿਨ ਵਿੱਚ ਉੱਡਾ ਦਿੱਤਾ ਜਾਂਦਾ ਹੈ, ਬਿਲਕੁਲ ਉਸੇ ਤਰ੍ਹਾਂ ਹੀ ਪ੍ਰਧਾਨ ਸੇਵਕ ਜੀ ਦਾ ਸੰਬੋਧਨ ਵੀ ਖ਼ਾਲੀ ਖ਼ਜ਼ਾਨੇ ਵਾਂਗ ਰਿਹਾ।
ਸੇਵਕ ਨੇ ਦੇਸ਼ ਦੀ ਜਨਤਾ ਨੂੰ 15 ਲੱਖ ਦਾ ਲਾਰਾ, ਕਾਲੇ ਧਨ ਦੀ ਵਾਪਸੀ ਅਤੇ ਹੋਰ ਬਥੇਰੇ ਵਾਅਦੇ ਕਰੇ, ਪਰ ਨੇਪਰੇ ਕੋਈ ਵੀ ਨਹੀਂ ਚੜਿਆ।
