ਰੋਟਰੀ ਕਲੱਬ ਆਸਥਾ ਨੇ ਲੋੜਵੰਦ ਔਰਤ ਦੀ ਅੱਖ ਦਾ ਆਪ੍ਰੇਸ਼ਨ ਕਰਵਾਇਆ
ਅੰਮ੍ਰਿਤਸਰ, 20 ਸਤੰਬਰ 2026- ਰੋਟਰੀ ਕਲੱਬ ਆਸਥਾ ਨੇ ਸੇਵਨ ਫੋਕਸ ਏਰੀਆ ਪ੍ਰੋਜੈਕਟ ਤਹਿਤ ਇੱਕ ਲੋੜਵੰਦ ਔਰਤ ਦੀ ਅੱਖ ਦੀ ਮੁਫ਼ਤ ਫੈਕੋ ਸਰਜਰੀ ਕਰਵਾ ਕੇ ਉਸ ਵਿੱਚ ਲੈਂਜ਼ ਪਵਾਇਆ। ਕਲੱਬ ਦੀ ਦਿ ਗ੍ਰੇਸ ਆਫ਼ ਆਲਮਾਈਟੀ ਮੀਟਿੰਗ ਵਿੱਚ ਇਸ ਔਰਤ ਦੀ ਅੱਖ ਦਾ ਆਪ੍ਰੇਸ਼ਨ ਕਰਵਾਉਣ ਦਾ ਫ਼ੈਸਲਾ ਕੀਤਾ ਗਿਆ।
ਕਲੱਬ ਦੇ ਪ੍ਰਧਾਨ ਇੰਜੀ. ਅਸ਼ੋਕ ਸ਼ਰਮਾ ਦੀ ਅਗਵਾਈ ਵਿੱਚ ਟੀਮ ਲੋੜਵੰਦ ਔਰਤ ਦੀ ਸਰਜਰੀ ਲਈ ਨਿਰਮਲਜੋਤ ਆਈ ਹਸਪਤਾਲ ਪਹੁੰਚੀ, ਜਿੱਥੇ ਡਾ. ਭੁਪਿੰਦਰ ਸਿੰਘ ਨੇ ਸਰਜਰੀ ਕਰਨ ਤੋਂ ਬਾਅਦ ਔਰਤ ਨੂੰ ਡਿਸਚਾਰਜ ਕਰ ਦਿੱਤਾ। ਇਹ ਜਾਣਕਾਰੀ ਬੁਲਾਰੇ ਅਤੇ ਸਾਬਕਾ ਪ੍ਰਧਾਨ ਅਸ਼ਵਨੀ ਅਵਸਥੀ ਅਤੇ ਡਾ. ਗਗਨਦੀਪ ਸਿੰਘ ਨੇ ਦਿੱਤੀ।
ਉਨ੍ਹਾਂ ਦੱਸਿਆ ਕਿ ਸਤਵੰਤ ਕੌਰ ਨਾਮ ਦੀ ਔਰਤ ਕਲੱਬ ਦੀ ਟੀਮ ਕੋਲ ਪਹੁੰਚੀ ਅਤੇ ਆਪਣੀ ਸੱਜੀ ਅੱਖ ਦੀ ਸਰਜਰੀ ਕਰਵਾਉਣ ਵਿੱਚ ਮਦਦ ਮੰਗੀ। ਇਸ ਮਰੀਜ਼ ਔਰਤ ਨੂੰ ਪਰਵਿੰਦਰ ਸਿੰਘ ਨੇ ਕਲੱਬ ਟੀਮ ਕੋਲ ਰੈਫਰ ਕੀਤਾ ਅਤੇ ਸਾਬਕਾ ਪ੍ਰਧਾਨ ਪਰਮਜੀਤ ਸਿੰਘ ਨੇ ਅੱਖ ਦੀ ਸਰਜਰੀ ‘ਤੇ ਆਉਣ ਵਾਲਾ ਖ਼ਰਚਾ ਚੁੱਕਣ ਦੀ ਮਨਜ਼ੂਰੀ ਦਿੱਤੀ।
ਡਾ. ਭੁਪਿੰਦਰ ਸਿੰਘ ਨੇ ਅੱਜ ਔਰਤ ਦੀ ਅੱਖ ਦੀ ਸਫ਼ਲਤਾਪੂਰਵਕ ਫੈਕੋ ਸਰਜਰੀ ਕਰਨ ਤੋਂ ਬਾਅਦ ਲੋੜੀਂਦੀਆਂ ਅੱਖਾਂ ਦੀਆਂ ਦਵਾਈਆਂ ਆਦਿ ਦੇ ਕੇ ਉਨ੍ਹਾਂ ਨੂੰ ਹਸਪਤਾਲ ਤੋਂ ਡਿਸਚਾਰਜ ਕਰ ਦਿੱਤਾ। ਇਸ ਮੌਕੇ ‘ਤੇ ਕਲੱਬ ਦੇ ਪ੍ਰਧਾਨ ਅਸ਼ੋਕ ਸ਼ਰਮਾ, ਸਾਬਕਾ ਪ੍ਰਧਾਨ ਪਰਮਜੀਤ ਸਿੰਘ, ਜਤਿੰਦਰ ਸਿੰਘ ਪੱਪੂ, ਅਸ਼ਵਨੀ ਅਵਸਥੀ ਅਤੇ ਮਨਮੋਹਨ ਸਿੰਘ ਵੀ ਮੌਜੂਦ ਸਨ।
