Ban EVM & SIR: EVM ਹਟਾਉ-ਸਵਿੰਧਾਨ ਬਚਾਉ ਮਿਸ਼ਨ; ਚੰਡੀਗੜ੍ਹ ‘ਚ ਵਿਦਿਆਰਥੀਆਂ ਨੇ ਕੇਂਦਰ ਸਰਕਾਰ ਵਿਰੁੱਧ ਸ਼ੁਰੂ ਕੀਤਾ ਅੰਦੋਲਨ
ਚੰਡੀਗੜ੍ਹ, 7 ਅਕਤੂਬਰ 2026- “ਸੰਵਿਧਾਨ ਬਚਾਉ ਮਿਸ਼ਨ” ਅਤੇ ਈਵੀਐਮ (EVM) ‘ਤੇ ਪਾਬੰਦੀ ਲਾਉਣ ਅਤੇ ਚੋਣ ਕਮਿਸ਼ਨ ਧਾਦਲੀ ਵਿਰੁੱਧ ਚੱਲ ਰਹੇ ਸੰਘਰਸ਼ ਦੇ ਦੂਜੇ ਪੜਾਅ ਦੌਰਾਨ ਲਗਾਤਾਰ “ਨਬਜ਼-ਰੋਸ” (Ban EVM & SIR) ਸ਼ੁਰੂ ਹੋ ਗਏ ਹਨ। ਇਸੇ ਰੋਸ ਲੜੀ ਵਿੱਚ ਪੰਜਾਬ ਯੂਨੀਵਰਸਿਟੀ ਦੇ ਲਲਕਾਰ ਵਿਦਿਆਰਥੀ ਜੱਥੇਬੰਦੀ ਨੇ ਰੋਸ ਵਿਖਾਵਾ ਕੀਤਾ। ਜਿਸ ਰੋਸ ਮੁਜਾਹਰੇ ਵਿੱਚ ਪੀਐਸਯੂ (ਲਲਕਾਰ), ਸੱਥ ਆਈਸਾ, ਐੱਸਐਫਐੱਸ, ਦਿਸ਼ਾ ਵਿਦਿਆਰਥੀ ਸੰਗਠਨ ਅਤੇ ਡਾਈਲੈਕਟਿਕਾ ਸਟੂਡੈਂਟ ਐਸੋਸੀਏਸ਼ਨ ਸ਼ਾਮਲ ਸਨ।
ਮਿਸ਼ਨ ਦੇ ਸੂਬਾਈ ਕੋਆਰਡੀਨੇਟਰ ਅਤੇ ‘ਲੋਕ-ਰਾਜ’ ਦੇ ਪ੍ਰਧਾਨ ਡਾ. ਮਨਜੀਤ ਸਿੰਘ ਰੰਧਾਵਾ ਨੇ ਦੱਸਿਆ, ਕਿ 1970 ਦੇ ਦਹਾਕੇ ਵਿੱਚ ‘ਅਸਾਮ ਵਿਦਿਆਰਥੀ ਪ੍ਰੀਸ਼ਦ’ ਦੇ ਬੇਹੱਦ ਕਾਮਯਾਬ ਸੰਘਰਸ਼ ਦੀ ਤਰਜ਼ ‘ਤੇ, ਰੋਜ਼ਾਨਾ ਦੇ ਕੁਦਰਤੀ ਆਮ ਇਕੱਠਾਂ ਦੌਰਾਨ, ਖਾਸ ਕਰਕੇ “ਲੰਚ ਬ੍ਰੇਕ” ਦੌਰਾਨ ਕੀਤੇ ਜਾਣ ਵਾਲੇ “5-ਮਿੰਟ ਦੇ ਜਨਤਕ ਪ੍ਰਦਰਸ਼ਨ” ਵਿਸ਼ਾਲ ਜਨਤਕ ਲਹਿਰ ਬਣ ਕੇ ਇਸ ਮੁੱਦੇ ਦੀ ਪੱਕੀ ਸਫਲਤਾ ਲਈ ਇੱਕ ਮਜ਼ਬੂਤ ਆਧਾਰ ਪ੍ਰਦਾਨ ਕਰਨਗੇ।
ਇਹ ਦੇਸ਼-ਵਿਆਪੀ ਸੱਦਾ, “ਸੰਵਿਧਾਨ ਬਚਾਓ ਮਿਸ਼ਨ” ਦੇ ਰਾਸ਼ਟਰੀ ਕਨਵੀਨਰ ਅਤੇ ਸੁਪਰੀਮ ਕੋਰਟ ਦੇ ਸੀਨੀਅਰ ਵਕੀਲ ਮਹਿਮੂਦ ਪ੍ਰਾਚਾ ਵੱਲੋਂ ਦਿੱਤਾ ਗਿਆ ਹੈ। ਸੀਨੀਅਰ ਵਕੀਲਾਂ, ਮਹਿਮੂਦ ਪ੍ਰਾਚਾ, ਭਾਨੂਪ੍ਰਤਾਪ ਸਿੰਘ ਅਤੇ ਬਲਰਾਜ ਮਲਿਕ ਦੀ ਅਗਵਾਈ ਹੇਠ ਸੁਪਰੀਮ ਕੋਰਟ ਦੇ ਕਾਨੂੰਨੀ ਮਾਹਿਰਾਂ ਦੇ ਲਗਾਤਾਰ ਯਤਨਾਂ ਅਤੇ ‘ਇੰਡੀਅਨ ਐਕਸਪ੍ਰੈਸ’ ਦੀ ਖੋਜੀ ਪੱਤਰਕਾਰੀ ਰਾਹੀਂ, ਭਾਰਤ ਦੇ ਚੋਣ ਕਮਿਸ਼ਨ (ਜੋ ਕਿ ਲੋਕਤੰਤਰ ਦਾ ਰਖਵਾਲਾ ਹੈ) ਵੱਲੋਂ ਕੀਤੇ ਗਏ “ਲੋਕਤੰਤਰ ਦੇ ਕਤਲ” ਦਾ ਘਿਨਾਉਣਾ ਅਪਰਾਧ ਜਨਤਾ ਸਾਹਮਣੇ ਬੇਪਰਦ ਹੋ ਚੁੱਕਾ ਹੈ।
ਆਖ਼ਰੀ ਸਾਹਾਂ ਤੇ ਸਹਿਕ ਰਹੀ ਲੋਕਤੰਤਰਿਕ ਵਿਵਸਥਾ ਨੂੰ ਮੁੜ ਸੁਰਜੀਤ ਕਰਨ ਅਤੇ ਦੋਸ਼ੀਆਂ ਨੂੰ ਸਜ਼ਾ ਦਿਵਾਉਣ ਦੇ ਮਕਸਦ ਨਾਲ, ਦੇਸ਼ ਭਰ ਵਿੱਚ ਸਭ ਜਨਤਕ ਥਾਵਾਂ ‘ਤੇ ਲਗਾਤਾਰ ਰੋਸ ਪ੍ਰਦਰਸ਼ਨਾਂ ਦੀ ਯੋਜਨਾ ਬਣਾਈ ਗਈ ਹੈ। ਜਿਸ ਲਈ, ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਲਈ ਯੂਨੀਵਰਸਿਟੀਆਂ, ਕਾਲਜਾਂ ਅਤੇ ਸਕੂਲਾਂ ਵਿੱਚ; ਕਿਸਾਨਾਂ ਅਤੇ ਮਜ਼ਦੂਰਾਂ ਲਈ ਮੰਡੀਆਂ ਵਿੱਚ; ਅਤੇ ਮੁਲਾਜ਼ਮਾਂ ਲਈ ਸਰਕਾਰੀ ਤੇ ਨਿੱਜੀ ਦਫ਼ਤਰਾਂ ਵਿੱਚ ਰੋਸ ਪ੍ਰਦਰਸ਼ਨ ਹੋਣਗੇ।
ਇਸ ਤੋਂ ਇਲਾਵਾ, ਬਾਜ਼ਾਰਾਂ ਅਤੇ ਬੱਸ ਅੱਡਿਆਂ ਵਰਗੀਆਂ ਜਨਤਕ ਥਾਵਾਂ ‘ਤੇ ਆਮ ਨਾਗਰਿਕਾਂ ਵੱਲੋਂ। ਹਸਪਤਾਲਾਂ, ਕਲੀਨਿਕਾਂ ਅਤੇ ਜਾਂਚ ਕੇਂਦਰਾਂ ਵਿਖੇ ਸਿਹਤ ਕਰਮਚਾਰੀਆਂ ਤੇ ਮਰੀਜ਼ਾਂ ਦੇ ਸਹਾਇਕਾਂ ਵੱਲੋਂ। ਅਦਾਲਤੀ ਕੰਪਲੈਕਸਾਂ ਵਿੱਚ ਵਕੀਲਾਂ ਅਤੇ ਜਨਤਾ ਵੱਲੋਂ ਵੀ ਰੋਸ ਪ੍ਰਦਰਸ਼ਨ ਕੀਤੇ ਜਾਣਗੇ। ਇਹ ਰਣਨੀਤਕ ਕਦਮ, ਜ਼ਾਲਮ-ਰਾਜ ਨੂੰ ਅਣਮਨੁੱਖੀ ਦਮਨ ਤੋਂ ਜ਼ਰੂਰ ਰੋਕੇਗਾ, ਜੋ ਸ਼ਾਂਤਮਈ ਜਨਤਕ ਵਿਰੋਧ ਪ੍ਰਦਰਸ਼ਨਾਂ ਦੇ ਬੁਨਿਆਦੀ ਮਨੁੱਖੀ ਅਧਿਕਾਰ ਨੂੰ ਦਬਾ ਰਿਹਾ ਹੈ।
ਆਖਰੀ ਸਾਹਾਂ ‘ਤੇ ਪਹੁੰਚਾ ਦਿੱਤੇ ਗਏ ਲੋਕਤੰਤਰ ਨੂੰ ਮੁੜ ਸੁਰਜੀਤ ਕਰਨ ਲਈ ਜਨਤਕ ਬਚਾਅ ਕਾਰਜ ਵਿੱਚ, ਵਿਆਪਕ “ਨਬਜ਼-ਵਿਰੋਧ” ਪੂਰੀ ਤੀਬਰਤਾ ਨਾਲ ਅੱਗੇ ਵਧਣਗੇ। ਇਹ ਤਾਨਾਸ਼ਾਹੀ ਦੇ ਅਧਾਰ ਨੂੰ ਤੋੜਨ ਲਈ ਬਹੁਤ ਪੱਕੀ ਅਤੇ ਵੱਡੀ ਤਾਕਤ ਇਕੱਠੀ ਕਰਨਗੇ, ਜੋ ਵਹਿਸ਼ੀਰਾਜ ਦੇ ਜ਼ੁਲਮ ਨੂੰ ਰੋਕਣ ਦੇ ਪੂਰੀ ਤਰ੍ਹਾਂ ਸਮਰੱਥ ਹੋਵੇਗੀ।
