ਜਲੰਧਰ: ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਨੂੰ ਵੰਡੀ ਗਈ ਸਹਾਇਕ ਸਮੱਗਰੀ; ਸਿੱਖਿਆ ਵਿਭਾਗ ਅਤੇ ਅਲਿਮਕੋ ਦਾ ਸਾਂਝਾ ਉਪਰਾਲਾ
ਜਲੰਧਰ, 23 ਫਰਵਰੀ 2026-
ਸਕੂਲ ਸਿੱਖਿਆ ਵਿਭਾਗ ਦੇ ਆਈ. ਈ. ਡੀ. ਕੰਪੋਨੇਟ ਅਧੀਨ ਜਿਲ੍ਹਾ ਸਿੱਖਿਆ ਅਫਸਰ ਜਲੰਧਰ ਹਰਜਿੰਦਰ ਕੌਰ ਦੀ ਅਗਵਾਈ ਵਿੱਚ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰ ਰੋਸ਼ਨ ਲਾਲ ਦੀ ਦੇਖ-ਰੇਖ ਵਿੱਚ ਪੀ. ਏ. ਪੀ. ਵਿਖੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਲਈ ਅਲਿਮਕੋ ਟੀਮ ਵੱਲੋਂ ਤਿਆਰ ਕੀਤੀ ਗਈ ਸਹਾਇਕ ਸਮੱਗਰੀ (ਸਮਾਨ) ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਨੂੰ ਵੰਡਿਆ ਗਿਆ, ਜਿਸ ਵਿੱਚ ਟਰਾਈ ਸਾਈਕਲ, ਵਹੀਲ ਚੇਅਰ, ਸੁਣਨ ਦੀਆਂ ਮਸ਼ੀਨਾਂ, ਇੰਟੈਚੁਅਲ ਕਿੱਟ ਆਦਿ ਵੰਡੀਆਂ ਗਈਆਂ।
ਇਸ ਮੌਕੇ ਵਿਸ਼ੇਸ਼ ਤੌਰ ‘ਤੇ ਸਪੈਸ਼ਲ ਐਜੂਕੇਟਰ ਪੀ. ਏ. ਪੀ. ਸੀਨੀਅਰ ਸੈਕੰਡਰੀ ਸਕੂਲ ਤੋਂ ਰਾਜੂ ਚੌਧਰੀ, ਦਫ਼ਤਰ ਜਿਲ੍ਹਾ ਸਿੱਖਿਆ ਅਫਸਰ ਜਲੰਧਰ ਤੋਂ ਡਾਕਟਰ ਮਨੋਜ ਕੁਮਾਰ, ਆਈ. ਈ. ਆਰ. ਟੀ. ਵੀਨੂੰ ਸੂਦ, ਆਈ. ਈ. ਏ. ਟੀ. ਰਵਿੰਦਰ ਕੌਰ, ਪਰਮਜੀਤ ਕੌਰ, ਜਸਵਿੰਦਰ ਕੌਰ, ਇੰਦਰਜੀਤ ਕੌਰ, ਮੀਨਾ ਕੁਮਾਰੀ, ਰਜਨੀ ਬਾਲਾ, ਰਮਨ ਆਦਿ ਹਾਜ਼ਿਰ ਸਨ।
ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਡਾਕਟਰ ਮਨੋਜ ਨੇ ਦੱਸਿਆ ਕਿ ਆਈ. ਈ. ਡੀ. ਕੰਮਪੋਨੇਟ ਵੱਲੋਂ ਹਰ ਸਾਲ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਲਈ ਅਲਿਮਕੋ ਦੇ ਸਹਿਯੋਗ ਨਾਲ ਅਸੈਸਮੈਂਟ ਕੈਂਪ ਅਤੇ ਸਮਾਨ ਤਿਆਰ ਕਰਨ ਉਪਰੰਤ ਸਮਾਨ ਵੰਡ ਕੈਂਪ ਲਗਾਇਆ ਜਾਂਦਾ ਹੈ।
