ਵੱਡੀ ਖ਼ਬਰ: ਹੁਣ ਚੰਡੀਗੜ੍ਹ ਤੋਂ ਨਵੀਂ ਮੁੰਬਈ ਲਈ ਚੱਲਣਗੀਆਂ ਸਿੱਧੀਆਂ ਉਡਾਣਾਂ, ਮਿਲੀ ਹਰੀ ਝੰਡੀ
ਚੰਡੀਗੜ੍ਹ ਏਅਰਪੋਰਟ ਦਾ ਨਵਾਂ ਸਮਰ ਸ਼ਡਿਊਲ ਲਾਗੂ: ਨਵੀਂ ਮੁੰਬਈ ਲਈ ਰੋਜ਼ਾਨਾ ਸਿੱਧੀ ਉਡਾਣ; ਹੁਣ 19 ਸ਼ਹਿਰਾਂ ਨਾਲ ਜੁੜਿਆ ਚੰਡੀਗੜ੍ਹ
ਅਬੂ ਧਾਬੀ ਤੇ ਦੁਬਈ ਦੀਆਂ ਉਡਾਣਾਂ ‘ਤੇ ਅਜੇ ਵੀ ਸਸਪੈਂਸ; ਏਅਰਪੋਰਟ ਪ੍ਰਸ਼ਾਸਨ ਜਲਦ ਕਰੇਗਾ ਸ਼ਡਿਊਲ ਵਿੱਚ ਸੋਧ
ਚੰਡੀਗੜ੍ਹ-ਹਿਸਾਰ ਹਵਾਈ ਸੇਵਾ ਦਾ ਨਵਾਂ ਸਮਾਂ: ਹੁਣ ਸੋਮਵਾਰ ਤੇ ਸ਼ੁੱਕਰਵਾਰ ਨੂੰ ਭਰ ਸਕੋਗੇ ਉਡਾਣ; ਸੀ.ਈ.ਓ. ਅਜੇ ਵਰਮਾ ਨੇ ਦਿੱਤੀ ਜਾਣਕਾਰੀ
ਚੰਡੀਗੜ੍ਹ, 30 ਮਾਰਚ 2026:
ਸ਼ਹੀਦ ਭਗਤ ਸਿੰਘ ਅੰਤਰਰਾਸ਼ਟਰੀ ਏਅਰਪੋਰਟ ਚੰਡੀਗੜ੍ਹ ਦਾ ਨਵਾਂ ਸਮਰ ਸ਼ਡਿਊਲ 29 ਮਾਰਚ 2026 ਤੋਂ ਲਾਗੂ ਹੋ ਗਿਆ ਹੈ, ਜੋ ਕਿ 24 ਅਕਤੂਬਰ ਤੱਕ ਪ੍ਰਭਾਵੀ ਰਹੇਗਾ।
ਇਸ ਨਵੇਂ ਸ਼ਡਿਊਲ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਚੰਡੀਗੜ੍ਹ ਅਤੇ ਨਵੀਂ ਮੁੰਬਈ ਵਿਚਕਾਰ ਰੋਜ਼ਾਨਾ ਸਿੱਧੀ ਹਵਾਈ ਸੇਵਾ ਦੀ ਸ਼ੁਰੂਆਤ ਹੈ।
ਨਵੀਂ ਮੁੰਬਈ ਲਈ ਉਡਾਣਾਂ ਦਾ ਸਮਾਂ
ਨਵੀਂ ਮੁੰਬਈ ਤੋਂ ਉਡਾਣ ਸ਼ਾਮ 7:00 ਵਜੇ ਚੰਡੀਗੜ੍ਹ ਪਹੁੰਚੇਗੀ ਅਤੇ ਇੱਥੋਂ 7:37 ਵਜੇ ਵਾਪਸੀ ਲਈ ਰਵਾਨਾ ਹੋਵੇਗੀ। ਇਹ ਸੇਵਾ ਹੁਣ ਹਫ਼ਤੇ ਦੇ ਸੱਤੇ ਦਿਨ ਉਪਲਬਧ ਹੋਵੇਗੀ।
ਹਾਲਾਂਕਿ, ਅਬੂ ਧਾਬੀ ਅਤੇ ਦੁਬਈ ਦੀਆਂ ਅੰਤਰਰਾਸ਼ਟਰੀ ਉਡਾਣਾਂ ਨੂੰ ਫਿਲਹਾਲ ਇਸ ਸ਼ਡਿਊਲ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ ਹੈ। ਏਅਰਪੋਰਟ ਪ੍ਰਸ਼ਾਸਨ ਅਨੁਸਾਰ, ਜਿਵੇਂ ਹੀ ਇਨ੍ਹਾਂ ਉਡਾਣਾਂ ਦਾ ਸੰਚਾਲਨ ਬਹਾਲ ਹੋਵੇਗਾ, ਸ਼ਡਿਊਲ ਵਿੱਚ ਸੋਧ ਕੀਤੀ ਜਾਵੇਗੀ।
ਚੰਡੀਗੜ੍ਹ ਇੰਟਰਨੈਸ਼ਨਲ ਏਅਰਪੋਰਟ ਅਥਾਰਟੀ ਲਿਮਟਿਡ ਦੇ ਸੀ.ਈ.ਓ. ਅਜੇ ਵਰਮਾ ਨੇ ਦੱਸਿਆ ਕਿ ਹੁਣ ਚੰਡੀਗੜ੍ਹ ਤੋਂ ਦੇਸ਼ ਦੇ 19 ਪ੍ਰਮੁੱਖ ਸ਼ਹਿਰਾਂ ਲਈ ਸਿੱਧੀਆਂ ਉਡਾਣਾਂ ਉਪਲਬਧ ਹਨ।
ਇਹਨਾਂ ਵਿੱਚ ਦਿੱਲੀ, ਮੁੰਬਈ, ਬੰਗਲੁਰੂ, ਚੇਨਈ, ਹੈਦਰਾਬਾਦ, ਕੋਲਕਾਤਾ, ਪੁਣੇ, ਅਹਿਮਦਾਬਾਦ, ਜੈਪੁਰ, ਲਖਨਊ, ਗੋਆ (ਡਾਬੋਲਿਮ ਅਤੇ ਮੋਪਾ), ਇੰਦੌਰ, ਜੰਮੂ, ਸ੍ਰੀਨਗਰ, ਲੇਹ, ਧਰਮਸ਼ਾਲਾ, ਕੋਚੀ ਅਤੇ ਪਟਨਾ ਸ਼ਾਮਲ ਹਨ।
ਹਿਸਾਰ ਦੇ ਮਹਾਰਾਜਾ ਅਗਰਸੈਨ ਏਅਰਪੋਰਟ ਤੋਂ ਚੰਡੀਗੜ੍ਹ ਲਈ ਉਡਾਣ ਹੁਣ ਹਫ਼ਤੇ ਵਿੱਚ ਦੋ ਦਿਨ, ਸੋਮਵਾਰ ਅਤੇ ਸ਼ੁੱਕਰਵਾਰ ਨੂੰ ਸੰਚਾਲਿਤ ਹੋਵੇਗੀ।
ਯਾਤਰੀਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਮੌਸਮ ਜਾਂ ਕਿਸੇ ਹੋਰ ਕਾਰਨ ਕਰਕੇ ਸਮੇਂ ਵਿੱਚ ਹੋਣ ਵਾਲੀ ਤਬਦੀਲੀ ਦੀ ਪੁਸ਼ਟੀ ਲਈ ਏਅਰਲਾਈਨ ਜਾਂ ਐੇਅਰਪੋਰਟ ਦੀ ਅਧਿਕਾਰਤ ਵੈੱਬਸਾਈਟ ਜ਼ਰੂਰ ਚੈੱਕ ਕਰ ਲੈਣ।
