ਸਾਵਧਾਨ! Gym ‘ਚ ਮਹਿਲਾ ਡਾਕਟਰ ਨੂੰ ਨਸ਼ੀਲੀ ਐਨਰਜੀ ਡਰਿੰਕ ਪਿਲਾ ਕੇ ਕੀਤਾ ਬਲਾਤਕਾਰ, ਵੀਡੀਓ ਬਣਾ ਕੇ ਮੰਗੇ 50 ਲੱਖ
ਐਨਰਜੀ ਡਰਿੰਕ ਦੇ ਬਹਾਨੇ ਦਿੰਦੇ ਸਨ ਨਸ਼ਾ, ਜਿਮ ਸੰਚਾਲਕ ਅਤੇ ਉਸ ਦਾ ਟ੍ਰੇਨਰ ਭਰਾ ਗ੍ਰਿਫਤਾਰ
ਬਲੈਕਮੇਲ ਕਰਕੇ ਹੜੱਪੇ ਲੱਖਾਂ ਰੁਪਏ; ਪੁਲਿਸ ਨੂੰ ਮੋਬਾਈਲ ‘ਚੋਂ ਹੋਰ ਮਹਿਲਾਵਾਂ ਦੀਆਂ ਵੀਡੀਓਜ਼ ਵੀ ਮਿਲੀਆਂ
ਬਰੇਲੀ (ਉੱਤਰ ਪ੍ਰਦੇਸ਼), 6 ਮਈ 2026
ਉੱਤਰ ਪ੍ਰਦੇਸ਼ ਦੇ ਬਰੇਲੀ ਜ਼ਿਲ੍ਹੇ ਤੋਂ ਇੱਕ ਅਜਿਹੀ ਖ਼ਬਰ ਸਾਹਮਣੇ ਆਈ ਹੈ, ਜਿਸ ਨੇ ਜਿਮ (Gym) ਜਾਣ ਵਾਲੀਆਂ ਮਹਿਲਾਵਾਂ ਅਤੇ ਮੁਟਿਆਰਾਂ ਦੇ ਹੋਸ਼ ਉਡਾ ਦਿੱਤੇ ਹਨ।
ਕੋਤਵਾਲੀ ਇਲਾਕੇ ਦੇ ਇੱਕ ਜਿਮ ਸੰਚਾਲਕ ਅਤੇ ਉਸ ਦੇ ਭਰਾ ਵੱਲੋਂ ਪਿਛਲੇ ਦੋ ਸਾਲਾਂ ਤੋਂ ਇੱਕ ਮਹਿਲਾ ਡਾਕਟਰ ਦਾ ਜਿਨਸੀ ਸ਼ੋਸ਼ਣ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਨੇ ਕਾਰਵਾਈ ਕਰਦੇ ਹੋਏ ਦੋਵਾਂ ਦੋਸ਼ੀ ਭਰਾਵਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਪੀੜਤ ਮਹਿਲਾ ਡਾਕਟਰ ਨੇ ਐਸ.ਐਸ.ਪੀ. (SSP) ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਦੱਸਿਆ ਕਿ ਉਹ ਪਿਛਲੇ ਦੋ ਸਾਲਾਂ ਤੋਂ ਸਿਵਲ ਲਾਈਨਜ਼ ਸਥਿਤ ‘ਅਲਟੀਮੇਟ ਫਿਟਨੈਸ ਜਿਮ’ ਵਿੱਚ ਵਰਕਆਊਟ ਕਰ ਰਹੀ ਸੀ।
ਜਿਮ ਸੰਚਾਲਕ ਅਕਰਮ ਬੇਗ ਉਸ ਨੂੰ ਵਰਕਆਊਟ ਤੋਂ ਪਹਿਲਾਂ ‘ਪ੍ਰੀ-ਵਰਕਆਊਟ ਡਰਿੰਕ’ ਦਿੰਦਾ ਸੀ।
ਦੋਸ਼ ਹੈ ਕਿ ਅਕਰਮ ਅਕਸਰ ਇਸ ਡਰਿੰਕ ਵਿੱਚ ਨਸ਼ੀਲਾ ਪਦਾਰਥ ਮਿਲਾ ਦਿੰਦਾ ਸੀ, ਜਿਸ ਕਾਰਨ ਮਹਿਲਾ ਬੇਹੋਸ਼ ਹੋ ਜਾਂਦੀ ਸੀ। ਇਸੇ ਬੇਹੋਸ਼ੀ ਦੀ ਹਾਲਤ ਵਿੱਚ ਅਕਰਮ ਉਸ ਦਾ ਸਰੀਰਕ ਸ਼ੋਸ਼ਣ ਕਰਦਾ ਸੀ।
ਅਕਰਮ ਦਾ ਭਰਾ ਆਲਮ, ਜੋ ਉੱਥੇ ਟ੍ਰੇਨਰ ਵਜੋਂ ਕੰਮ ਕਰਦਾ ਸੀ, ਇਸ ਦੌਰਾਨ ਮਹਿਲਾ ਦੀਆਂ ਅਸ਼ਲੀਲ ਵੀਡੀਓਜ਼ ਬਣਾਉਂਦਾ ਸੀ।
ਬਲੈਕਮੇਲ ਕਰਕੇ ਮੰਗੇ 50 ਲੱਖ ਰੁਪਏ
ਜਦੋਂ ਮਹਿਲਾ ਨੇ ਜਿਮ ਜਾਣਾ ਛੱਡ ਦਿੱਤਾ ਤਾਂ ਦੋਸ਼ੀਆਂ ਨੇ ਉਸ ਨੂੰ ਪੈਨ ਡਰਾਈਵ ਅਤੇ ਮੋਬਾਈਲ ਵਿੱਚ ਸੇਵ ਕੀਤੀਆਂ ਵੀਡੀਓਜ਼ ਦਿਖਾ ਕੇ ਬਲੈਕਮੇਲ ਕਰਨਾ ਸ਼ੁਰੂ ਕਰ ਦਿੱਤਾ।
ਅਕਰਮ ਨੇ ਮਹਿਲਾ ਦਾ ਪਿੱਛਾ ਕੀਤਾ ਅਤੇ ਉਸ ਦੇ ਪਤੀ ਤੇ ਬੱਚਿਆਂ ਨੂੰ ਨੁਕਸਾਨ ਪਹੁੰਚਾਉਣ ਦੀ ਧਮਕੀ ਦਿੱਤੀ। ਦੋਸ਼ੀਆਂ ਨੇ ਪਹਿਲਾਂ 10 ਲੱਖ ਰੁਪਏ ਦੀ ਮੰਗ ਕੀਤੀ, ਜਿਸ ਵਿੱਚੋਂ ਮਹਿਲਾ ਨੇ ਆਪਣੀ ਇੱਜ਼ਤ ਦੀ ਖ਼ਾਤਰ 80 ਹਜ਼ਾਰ ਰੁਪਏ ਦੇ ਦਿੱਤੇ।
ਪਰ ਜਦੋਂ ਦੋਸ਼ੀਆਂ ਨੇ ਫਿਰ 50 ਲੱਖ ਰੁਪਏ ਮੰਗੇ, ਤਾਂ ਮਹਿਲਾ ਨੇ ਹਿੰਮਤ ਦਿਖਾਉਂਦੇ ਹੋਏ ਆਪਣੇ ਪਤੀ ਨੂੰ ਸਾਰੀ ਗੱਲ ਦੱਸੀ ਅਤੇ ਪੁਲਿਸ ਕੋਲ ਪਹੁੰਚ ਕੀਤੀ।
ਕੋਤਵਾਲੀ ਇੰਚਾਰਜ ਧਨੰਜੇ ਪਾਂਡੇ ਅਤੇ ਸੀਓ ਫਸਟ ਆਸ਼ੂਤੋਸ਼ ਸ਼ਿਵਮ ਨੇ ਦੱਸਿਆ ਕਿ ਪੁੱਛਗਿੱਛ ਦੌਰਾਨ ਅਕਰਮ ਬੇਗ ਨੇ ਆਪਣਾ ਗੁਨਾਹ ਕਬੂਲ ਕਰ ਲਿਆ ਹੈ।
ਪੁਲਿਸ ਨੇ ਦੋਸ਼ੀਆਂ ਕੋਲੋਂ, ਦੋ ਪੈਨ ਡਰਾਈਵ, ਦੋ ਮੋਬਾਈਲ ਫ਼ੋਨ, ਸ਼ਕਤੀਵਰਧਕ ਦਵਾਈਆਂ ਦੀਆਂ 9 ਸ਼ੀਸ਼ੀਆਂ, 3 ਗੋਲੀਆਂ, 6 ਇੰਜੈਕਸ਼ਨ ਅਤੇ ਬਲੈਕਮੇਲ ਕਰਕੇ ਵਸੂਲੇ ਗਏ 10,000 ਰੁਪਏ ਬਰਾਮਦ ਕੀਤੇ ਹਨ।
ਪੁਲਿਸ ਨੂੰ ਦੋਸ਼ੀਆਂ ਦੇ ਮੋਬਾਈਲ ਵਿੱਚੋਂ ਹੋਰ ਵੀ ਕਈ ਮਹਿਲਾਵਾਂ ਦੀਆਂ ਵਰਕਆਊਟ ਕਰਦੇ ਸਮੇਂ ਦੀਆਂ ਫੋਟੋਆਂ ਅਤੇ ਵੀਡੀਓਜ਼ ਮਿਲੀਆਂ ਹਨ। ਪੁਲਿਸ ਇਸ ਗੱਲ ਦੀ ਜਾਂਚ ਕਰ ਰਹੀ ਹੈ ਕਿ ਕੀ ਕੋਈ ਹੋਰ ਮਹਿਲਾ ਵੀ ਇਨ੍ਹਾਂ ਦਾ ਸ਼ਿਕਾਰ ਹੋਈ ਹੈ?
ਸੀਓ ਆਸ਼ੂਤੋਸ਼ ਸ਼ਿਵਮ ਨੇ ਕਿਹਾ ਕਿ ਜੇਕਰ ਕੋਈ ਹੋਰ ਦੋਸ਼ੀ ਵੀ ਸਾਹਮਣੇ ਆਉਂਦਾ ਹੈ ਤਾਂ ਉਸ ਖ਼ਿਲਾਫ਼ ਵੀ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ।
Bareilly Crime News, Gym Operator Arrested, Female Doctor Sexual Harassment, Blackmailing Case, Bareilly News, Crime Against Women, Ultimate Fitness Gym, Akram Beg Arrested, UP Police Action, ਬਰੇਲੀ ਖ਼ਬਰਾਂ, ਜਿਮ ਸੰਚਾਲਕ ਗ੍ਰਿਫਤਾਰ
