Punjab News: ਭਗਵੰਤ ਮਾਨ ਦੀ ਸ਼ੁਕਰਾਨਾ ਯਾਤਰਾ ਦੌਰਾਨ ਪੁਰਾਣੀ ਪੈਨਸ਼ਨ ਦੀ ਮੰਗ ਕਰਦੇ ਅਧਿਆਪਕ ਪੁਲਿਸ ਨੇ ਕੀਤੇ ਗ੍ਰਿਫਤਾਰ!
ਪੁਲਿਸ ਵੱਲੋਂ ਅਧਿਆਪਕਾਂ ਨਾਲ ਕੀਤਾ ਗਾਲੀ ਗਲੋਚ, DTF ਵੱਲੋਂ ਸਖ਼ਤ ਨਿਖੇਧੀ
ਮਾਨਸਾ, 08 ਮਈ 2026-
Punjab News: ਅੱਜ ਮਾਨਸਾ ਵਿਖੇ ਮੁੱਖ ਮੰਤਰੀ ਭਗਵੰਤ ਮਾਨ (Bhagwant Mann) ਦੀ ਸ਼ੁਕਰਾਨਾ ਯਾਤਰਾ ਦੌਰਾਨ ਪੁਰਾਣੀ ਪੈਨਸ਼ਨ ਦੀ ਮੰਗ ਕਰਦੇ ਆਗੂਆਂ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਪੁਲਿਸ ਅਫਸਰਾਂ ਨੇ ਅਧਿਆਪਕ ਆਗੂਆਂ ਨਾਲ ਦੂਰ ਵਿਵਹਾਰ ਵੀ ਕੀਤਾ।
ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਪੁਰਾਣੀ ਪੈਨਸ਼ਨ ਬਹਾਲੀ (OPS ) ਸੰਘਰਸ਼ ਕਮੇਟੀ ਦੇ ਆਗੂਆਂ ਦਰਸ਼ਨ ਅਲੀਸ਼ੇਰ, ਰਾਜਵਿੰਦਰ ਸਿੰਘ ਬੈਹਣੀਵਾਲ ਅਤੇ ਲਖਵਿੰਦਰ ਮਾਨ ਨੇ ਦੱਸਿਆ ਕਿ ਉਹ ਆਪਣੇ ਸਾਥੀਆਂ ਨਾਲ ਸਿਲਵਰ ਸਿਟੀ ਕੋਲ ਮੁੱਖ ਮੰਤਰੀ ਨੂੰ ਆਪਣੀ ਪੁਰਾਣੀ ਪੈਨਸ਼ਨ ਬਹਾਲ ਕਰਨ ਦੀ ਮੰਗ ਦੱਸਣ ਲਈ ਆਏ ਸਨ, ਪਰ ਉਥੇ ਪੁਲਿਸ ਨੇ ਉਹਨਾਂ ਨੂੰ ਗ੍ਰਿਫਤਾਰ ਕਰ ਲਿਆ, ਜਿੰਨਾ ਵਿੱਚੋ ਕੁਝ ਆਗੂਆਂ ਨੂੰ ਥਾਣਾ ਸਿਟੀ-1 ਵਿੱਚ ਬੰਦ ਕਰ ਦਿੱਤਾ ਅਤੇ ਕੁੱਝ ਆਗੂਆਂ ਨੂੰ ਪੁਲਿਸ ਨੇ ਆਵਦੇ ਵਹੀਕਲ ਵਿੱਚ ਬੰਦ ਕਰਕੇ ਰੱਖਿਆ।
ਅਧਿਆਪਕ ਆਗੂ ਹਰਜਿੰਦਰ ਅਨੂਪਗੜ, ਗੁਰਪ੍ਰੀਤ ਦਲੇਲਵਾਲਾ, ਨਵੀਨ ਬੋਹਾ ਅਤੇ ਜਰਨੈਲ ਬੋਹਾ ਨੇ ਦੱਸਿਆ ਕਿ ਅਧਿਆਪਕ (Teacher ) ਆਗੂਆਂ ਨੂੰ ਗ੍ਰਿਫਤਾਰ ਕਰਦੇ ਸਮੇਂ ਪੁਲਿਸ ਵੱਲੋਂ ਆਗੂਆਂ ਨਾਲ ਦੂਰ ਵਿਵਹਾਰ ਕੀਤਾ ਅਤੇ ਇੱਕ ਅਫ਼ਸਰ ਨੇ ਉਹਨਾਂ ਨੂੰ “ਕਤੀੜ” ਤੱਕ ਵੀ ਕਿਹਾ।
ਆਗੂਆਂ ਨੇ ਕਿਹਾ ਪੁਲਿਸ ਵੱਲੋਂ ਉਹਨਾਂ ਨੂੰ ਧੱਕੇ ਮਾਰੇ ਗਏ ਅਤੇ ਉਹਨਾਂ ਦੇ ਫੋਨ ਕਹੋ ਲਏ ਗਏ। ਆਗੂਆਂ ਨੇ ਕਿਹਾ ਕਿ ਉਹ ਪੁਰਾਣੀ ਪੈਨਸ਼ਨ ਦੀ ਮੰਗ ਪੂਰੀ ਕਰਵਾਉਣ ਲਈ ਭਗਵੰਤ ਮਾਨ (CM Mann) ਦਾ ਪੂਰੇ ਪੰਜਾਬ ਵਿਚ ਵਿਰੋਧ ਕਰਦੇ ਰਹਿਣਗੇ।
ਗ੍ਰਿਫਤਾਰ ਕੀਤੇ ਆਗੂਆਂ ਵਿੱਚ ਸੁਖਜਿੰਦਰ ਮਾਖਾ, ਸੱਤਪਾਲ ਬੋਹਾ, ਜਗਜੀਵਨਜੋਤ, ਰਣਜੀਤ ਸਿੰਘ, ਗੁਰਵਿੰਦਰ ਸਿੰਘ ਸਮਰਜੀਤ ਅਤਲਾ, ਅਜੇ ਕੁਮਾਰ ਬੋਹਾ ਸ਼ਾਮਿਲ ਸਨ। ਦੇਰ ਸ਼ਾਮ ਸਾਰੇ ਆਗੂਆਂ ਨੂੰ ਥਾਣਾ ਸਿਟੀ 1 ਵਿੱਚੋਂ ਰਿਹਾਅ ਕਰ ਦਿੱਤਾ। ਅੱਜ ਆਗੂਆਂ ‘ਤੇ ਹੋਏ ਜ਼ਬਰ ਦੀ ਸੀ.ਪੀ.ਐਫ਼ ਕਰਮਚਾਰੀ ਯੂਨੀਅਨ ਦੇ ਆਗੂਆਂ ਮਲਕੀਤ ਖਿਆਲਾ ਅਤੇ ਪ੍ਰਭਜੋਤ ਸਿੰਘ ਨੇ ਸਖ਼ਤ ਸ਼ਬਦਾਂ ਵਿੱਚ ਨਿੰਦਾ ਕੀਤੀ।
