ਮੁਲਾਜ਼ਮਾਂ ਦਾ ਭਵਿੱਖ ਖ਼ਤਰੇ ‘ਚ! ਭਗਵੰਤ ਮਾਨ ਸਰਕਾਰ ਵਾਅਦੇ ਤੋਂ ਪਲਟੀ; ਜੰਗਲਾਤ ਵਿਭਾਗ ‘ਚ ਠੇਕੇਦਾਰੀ ਪ੍ਰਥਾ ਚਾਲੂ
ਵਣ ਮੰਡਲ ਅਫ਼ਸਰ ਅਮ੍ਰਿਤਸਰ ਰਾਹੀਂ ਪ੍ਰਧਾਨ ਮੁੱਖ ਵਣ ਪਾਲ ਨੂੰ ਭੇਜਿਆ ਮੰਗ ਪੱਤਰ
ਅੰਮ੍ਰਿਤਸਰ 14 ਮਈ 2026- (ਠੇਕੇਦਾਰੀ ਪ੍ਰਥਾ ਚਾਲੂ) ਡੈਮੋਕ੍ਰੇਟਿਕ ਜੰਗਲਾਤ ਮੁਲਾਜ਼ਮ ਯੂਨੀਅਨ ਪੰਜਾਬ ਦੇ ਫ਼ੈਸਲੇ ਅਨੁਸਾਰ ਵਣ ਮੰਡਲ ਅਫ਼ਸਰ ਅੰਮ੍ਰਿਤਸਰ ਵਿਖੇ ਬਲਜਿੰਦਰ ਸਿੰਘ ਮਿੰਟੂ ਦੀ ਪ੍ਰਧਾਨਗੀ ਹੇਠ ਮੰਗ ਪੱਤਰ ਦਿੱਤਾ ਗਿਆ।
ਇਸ ਮੌਕੇ ਬੋਲਦਿਆਂ ਕਿਹਾ ਪੰਜਾਬ ਸਰਕਾਰ ਵੱਲੋਂ ਜੰਗਲਾਤ ਵਿਭਾਗ ਵਿੱਚ ਠੇਕੇਦਾਰੀ ਪ੍ਰਥਾ ਲਾਗੂ ਕਰਨ ਵਿਰੁੱਧ ਪ੍ਰਦਰਸ਼ਨ ਕਰ ਕੇ ਮੰਗ ਪੱਤਰ ਵਣ ਮੰਡਲ ਅਫ਼ਸਰ ਅਮ੍ਰਿਤਸਰ ਸੁਪਰਡੈਂਟ ਅਨੂ ਮੈਡਮ ਰਾਹੀਂ ਜੰਗਲਾਤ ਵਿਭਾਗ ਦੇ ਚੀਫ ਨੂੰ ਮੰਗ ਪੱਤਰ ਰਾਹੀ ਚਿਤਾਵਨੀ ਦਿੱਤੀ ਕਿ 16/4/2026 ਦੇ ਪੱਤਰ ਅਨੁਸਾਰ ਜੇਕਰ ਆਉਣ ਵਾਲੇ ਸਮੇਂ ਵਿੱਚ ਠੇਕੇਦਾਰੀ ਪ੍ਰਥਾ ਲਾਗੂ ਕੀਤੀ ਗਈ ਤਾਂ ਇਸ ਦਾ ਵਿਰੋਧ ਡੈਮੋਕ੍ਰੇਟਿਕ ਜੰਗਲਾਤ ਮੁਲਾਜ਼ਮ ਯੂਨੀਅਨ ਪੰਜਾਬ ਕਰੇਗੀ ਅਤੇ ਤਿਖੇ ਸੰਘਰਸ਼ ਲਈ ਵੀ ਤਿਆਰ ਹੈ ਅਤੇ ਸੈਕਟਰ 68ਵਣ ਭਵਨ ਅੱਗੇ ਵੀ ਸੰਘਰਸ਼ ਕਰਨ ਲਈ ਮਜਬੂਰ ਹੋਵੇਗੀ।
ਯੂਨੀਅਨ ਆਉਣ ਵਾਲੇ ਸਮੇਂ ਵਿੱਚ ਜੰਗਲਾਤ ਮੰਤਰੀ ਦੀ ਰਿਹਾਇਸ਼ ਅੱਗੇ ਤਿਖਾ ਸੰਘਰਸ਼ ਕਰੇਗੀ। ਠੇਕੇਦਾਰੀ ਪ੍ਰਥਾ ਲਾਗੂ ਹੋਣ ਨਾਲ ਲੰਮੇ ਸਮੇਂ ਤੋਂ ਲਗਾਤਾਰ ਕੰਮ ਕਰਦੇ ਆ ਰਹੇ ਵਰਕਰਾਂ ਦਾ ਭਵਿੱਖ ਖਤਮ ਹੋ ਜਾਵੇਗਾ। ਇਸ ਮੌਕੇ ਸੂਬਾ ਪ੍ਰਧਾਨ ਰਛਪਾਲ ਸਿੰਘ ਜੋਧਾ ਨਗਰੀ ਅਤੇ ਹਰਿੰਦਰ ਕੁਮਾਰ ਐਮਾ ਨੇ ਬੋਲਦਿਆਂ ਕਿਹਾ ਕਿ ਕੱਚੇ ਵਰਕਰ ਲੰਮੇ ਸਮੇਂ ਤੋਂ ਲਗਾਤਾਰ ਕੰਮ ਕਰਦੇ ਆ ਰਹੇ ਹਨ ਠੇਕੇਦਾਰੀ ਸਿਸਟਮ ਚਾਲੂ ਕਰਕੇ ਕੱਚੇ ਵਰਕਰਾ ਦੇ ਪਰਿਵਾਰਾਂ ਕੋਲੋਂ ਭਗਵੰਤ ਮਾਨ ਸਰਕਾਰ 2ਵਕਤ ਦੀ ਰੋਟੀ ਖੋਹ ਰਹੀ ਉਨ੍ਹਾਂ ਦੇ ਬਚਿਆਂ ਦਾ ਭਵਿੱਖ ਧੁੰਦਲਾ ਕਰ ਰਹੀ।
ਵਰਕਰਾਂ ਦੀ ਸੀਨੀਆਰਤਾ ਸੂਚੀ ਵਿੱਚ ਜ਼ੋ ਗੈਪ ਤਰੁੱਟੀਆਂ ਦੂਰ ਕਰਨ ਲਈ ਕਈ ਪੈਨਲ ਮੀਟਿੰਗਾਂ ਕੀਤੀਆਂ ਗਈਆਂ ਮੀਟਿੰਗਾਂ ਵਿਚ ਗੈਪ ਦੂਰ ਕਰਨ ਲਈ ਭਰੋਸਾ ਦਿੱਤਾ ਜਾਂਦਾ ਰਿਹਾ ਪਰ ਮੰਗ ਨੂੰ ਪੂਰਾ ਕਰਨ ਲਈ ਸਿਵਾਏ ਚਿਠੀਆਂ ਦੇ ਕੁਝ ਨਹੀਂ ਕੀਤਾ ਗਿਆ ਅਤੇ ਗੈਪ ਨੂੰ ਪੂਰਾ ਨਹੀਂ ਕੀਤਾ ਗਿਆ।
519 ਅਨਪੜ੍ਹ ਵਰਕਰਾਂ ਨੂੰ ਹਾਲੇ ਤੱਕ ਰੈਗੂਲਰ ਨਹੀਂ ਕੀਤਾ ਗਿਆ, ਜੰਗਲਾਤ ਮੰਤਰੀ ਨਾਲ ਮੁਲਾਕਾਤ ਕਰਨ ਤੇ ਸਿਵਾਏ ਭਰੋਸਾ ਦੇਣ ਤੇ ਕੋਈ ਹੱਲ ਨਹੀਂ ਕੀਤਾ ਗਿਆ, ਪੰਜਾਬ ਸਰਕਾਰ ਵੱਲੋਂ ਅਰਧ ਰੈਗੂਲਰ ਕੀਤੇ ਗਏ ਵਰਕਰਾਂ ਨੂੰ ਉਕਾ ਪੁਕਾ 15000 ਰੁਪਏ ਤਨਖਾਹ ਦੇਣਾ ਗ਼ੈਰ ਸਵਿਧਾਨਕ ਹੈ, ਜਦ ਕਿ ਕੱਚੇ ਵਰਕਰਾਂ ਦੀ ਤਨਖਾਹ ਇਹਨਾਂ ਰੈਗੂਲਰ ਮੁਲਾਜਮਾ ਨਾਲੋਂ ਵੱਧ ਗ਼ਈ ਹੈ, ਅਰਧ ਰੈਗੂਲਰ ਕੀਤੇ ਮੁਲਾਜ਼ਮਾਂ ਨੂੰ ਉਹਨਾਂ ਦੇ ਬਣਦੇ ਪੂਰੇ ਵਿਤੀ ਲਾਭ ਨਹੀਂ ਦਿੱਤੇ ਗਏ।
ਹਾਈਕੋਰਟ ਦੇ ਹੁਕਮਾਂ ਨੂੰ ਵਿਭਾਗ ਤੇ ਸਰਕਾਰ ਅਣਗੋਲਿਆਂ ਕਰ ਰਹੀ ਹੈ। ਜੇਕਰ ਭੰਗਵਤ ਮਾਨ ਸਰਕਾਰ ਜੰਗਲਾਤ ਵਿਭਾਗ ਰੈਗੂਲਰ ਕੀਤੇ, ਪਰ ਉਹਨਾਂ ਨੂੰ ਪੂਰਾ ਰੈਗੂਲਰ ਨਹੀਂ ਕੀਤਾ ਗਿਆ, ਉਨ੍ਹਾਂ ਨੂੰ ਅਰਧ ਰੈਗੂਲਰ ਕੀਤਾ ਗਿਆ ਉਨ੍ਹਾਂ ਦੇ ਬਣਦੇ ਪੂਰੇ ਲਾਭ ਦੇਣ ਦੀ ਮੰਗ ਕੀਤੀ ਇਹ 16/5/2023ਦੀ ਪਾਲਿਸੀ ਵਿੱਚ ਸੋਧ ਕਰਕੇ ਅਰਧ ਰੈਗੂਲਰ ਵਰਕਰਾਂ ਨੂੰ ਉਹਨਾਂ ਨੂੰ ਪੂਰੇ ਭਤਿਆ ਸਮੇਤ ਪੂਰੇ ਵਿਤੀ ਲਾਭ ਮੈਡੀਕਲ ਡੀ ਏ, ਜੀ ਪੀ ਐਫ , ਪੁਰਾਣੀ ਪੈਨਸ਼ਨ ਆਦਿ ਵਿੱਤੀ ਲਾਭ ਦਿੱਤੇ ਜਾਣ ਅਤੇ ਉਮਰ ਹੱਦ 58 ਸਾਲ ਸਾਲ ਦੀ ਜਗ੍ਹਾ 60 ਸਾਲ ਕੀਤੀ ਜਾਵੇ ਅਤੇ ਅਰਧ ਰੈਗੂਲਰ ਕੀਤੇ ਗਏ ਵਰਕਰਾਂ ਦੇ ਵਿੱਚ 378 ਵਰਕਰਾਂ ਦੀ ਉਮਰ ਹੱਦ 60 ਸਾਲ ਤੇ 506 ਵਰਕਰਾ ਦੀ ਉਮਰ ਹੱਦ 58 ਸਾਲ ਹੈ। ਉਮਰ ਹੱਦ ਵਿੱਚ ਇਕਸਾਰਤਾ ਲਿਆਂਦੀ ਜਾਵੇ।
ਜਦ ਕਿ ਦਰਜਾ ਚਾਰ ਮੁਲਾਜ਼ਮਾਂ ਦੀ ਉਮਰ ਹੱਦ ਹਰੇਕ ਵਿਭਾਗ ਵਿੱਚ 60ਸਾਲ ਹੈ ਰੈਗੂਲਰ ਕੀਤੇ ਗਏ ਸਾਰੇ ਵਰਕਰ ਇਕ ਹੀ ਪਾਲਿਸੀ ਅਨੁਸਾਰ ਰੈਗੂਲਰ ਕੀਤੇ ਗਏ ਹਨ ਪਰ ਜੰਗਲਾਤ ਵਿਭਾਗ ਵਲੋ ਦੋਹਰੇ ਮਾਪਦੰਡ ਅਪਣਾਉਣ ਦੀ ਨਿੰਦਾ ਕੀਤੀ। ਵੈਲਫ਼ੇਅਰ ਪਾਲਿਸੀ 10ਸਾਲ ਦੀ ਹੈ ਨੂੰ ਪੰਜ ਸਾਲ ਦੀ ਕਰਨ ਦੀ ਮੰਗ ਕੀਤੀ ਡਿਊਟੀ ਦੌਰਾਨ ਮੌਤ ਹੋ ਜਾਣ ਤੇ ਮੁਲਾਜ਼ਮ ਦੇ ਪਰਿਵਾਰ ਦੇ ਇਕ ਜੀਅ ਨੂੰ ਨੋਕਰੀ ਦਿਤੀ ਜਾਵੇ।
ਜੰਗਲਾਤ ਵਿਭਾਗ ਵਿੱਚ ਕੰਮ ਕਰਦੇ ਵਰਕਰਾਂ ਨੂੰ ਕਰੀਬ 2ਮਹੀਨੇ ਤੋਂ ਤਨਖਾਹਾਂ ਨਹੀਂ ਦਿਤੀਆਂ ਗਈਆਂ ਵਰਕਰਾਂ ਨੂੰ ਦੋ ਵਕਤ ਦੀ ਰੋਟੀ ਖਾਣੀ ਔਖੀ ਹੋ ਗਈ ਹੈ ਸੀਨੀਆਰਤਾ ਸੂਚੀ ਨੂੰ ਤਿਆਰ ਕਰਦੇ ਸਮੇਂ ਐਤਵਾਰ ਦੇ ਦਿਨਾਂ ਨੂੰ ਗਿਣਿਆ ਜਾਵੇ ਜੋ ਨੈਸ਼ਨਲ ਕਾਨਫਰੰਸ ਜ਼ੋ ਜਨੈਵਾ ਵਿੱਚ ਹੋਈ ਸੀ ਉਸ ਵਿੱਚ ਐਤਵਾਰ ਦੇ ਦਿਨਾਂ ਨੂੰ ਗਿਨਣ ਲਈ ਫੈਸਲਾ ਹੋ ਚੁੱਕਾ ਹੈ ਰੈਗੂਲਰ ਕਰਨ ਸਮੇਂ ਜਿਥੇ ਵੀ ਵਰਕਰਾਂ ਦੇ 10ਸਾਲ ਪੂਰੇ ਹੁੰਦੇ ਹਨ, ਉਸ ਸਾਲ ਤੋਂ ਰੈਗੂਲਰ ਕੀਤਾ ਜਾਵੇ ਅਤੇ ਹਰੇਕ ਵਰਕਰ ਨੂੰ ਬਕਾਇਆ ਦਿੱਤਾ ਜਾਵੇ।
ਕੱਚੇ ਵਰਕਰਾਂ ਨੂੰ ਈ ਐਸ ਆਈ ਦੀ ਸਹੂਲਤ ਦਿੱਤੀ ਜਾਵੇ ਅਤੇ ਹਰੇਕ ਵਰਕਰ ਦਾ ਈ ਪੀ ਐਫ ਫੰਡ ਕਟਿਆ ਜਾਵੇ 16/5/2023ਦੀ ਪਾਲਿਸੀ ਅਨੁਸਾਰ ਰੈਗੂਲਰ ਕੀਤੇ ਗਏ ਵਰਕਰਾਂ ਦੇ ਪ੍ਰਾਣ ਕਾਰਡ ਬਣਾਏ ਜਾਣ ਸੀਨੀਆਰਤਾ ਸੂਚੀ ਨੂੰ ਮਾਰਚ 2026 ਤੱਕ ਫਾਈਨਲ ਕਰਕੇ ਆਨ ਲਾਈਨ ਕੀਤਾ ਜਾਵੇ। ਇਸ ਮੌਕੇ ਸੁਖਾ ਸਿੰਘ ਲੋਹਗੜ ਨਿਰਮਲ ਸਿੰਘ ਜਸਬੀਰ ਸਿੰਘ ਨਿਬਰਵਿਡ ਬਾਬਾ ਗੁਲਜ਼ਾਰ ਸਿੰਘ ਗਿਰਧਾਰੀ ਸਿੰਘ ਕੁਨਣ ਸਿੰਘ ਜਲੂਪੁਰ ਕਾਕੂ ਵਲਾ ਕੁਲਬੀਰ ਸਿੰਘ ਤਰਸਿੱਕਾ ਕੁਲਵੰਤ ਸਿੰਘ ਸਰਦੂਲ ਸਿੰਘ ਚੋਗਾਵਾਂ ਰਣਜੀਤ ਕੌਰ ਤਰਸਿੱਕਾ ਹਰਜਿੰਦਰ ਕੌਰ ਤਰਸਿੱਕਾ ਸਰਬਜੀਤ ਕੌਰ ਤਰਸਿੱਕਾ ਆਦਿ ਆਗੂ ਤੇ ਵਰਕਰ ਹਾਜ਼ਰ ਸਨ।
