Punjab News: ਕੌਮਾਂਤਰੀ ਔਰਤ ਦਿਹਾੜੇ ਮੌਕੇ ਵਿਚਾਰ ਚਰਚਾ ਅਤੇ ਫ਼ਿਲਮ ਸੋਅ
Punjab News: 5 ਮਾਰਚ 2026- ਦੇਸ਼ ਭਗਤ ਯਾਦਗਾਰ ਕਮੇਟੀ ਵੱਲੋਂ ਕੌਮਾਂਤਰੀ ਔਰਤ ਦਿਹਾੜੇ ਮੌਕੇ 8 ਮਾਰਚ ਦਿਨ ਐਤਵਾਰ ਸਵੇਰੇ ਠੀਕ 11 ਵਜੇ ਦੇਸ਼ ਭਗਤ ਯਾਦਗਾਰ ਹਾਲ ਅੰਦਰ ਬਣੇ ਗੰਧਰਵ ਸੇਨ ਕੋਛੜ ਯਾਦਗਾਰੀ ਥੀਏਟਰ ਵਿੱਚ ਵਿਚਾਰ ਚਰਚਾ ਅਤੇ ਫਿਲਮ ਸ਼ੋਅ ਸਮਾਗਮ ਕੀਤਾ ਜਾਏਗਾ।
ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਪ੍ਰਧਾਨ ਕੁਲਵੰਤ ਸਿੰਘ ਸੰਧੂ ਜਨਰਲ ਸਕੱਤਰ ਗੁਰਮੀਤ ਸਿੰਘ ਅਤੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਦੱਸਿਆ ਕਿ ਵਿਚਾਰ ਚਰਚਾ ਸਮਾਗਮ ਵਿੱਚ ਮੁੱਖ ਤੌਰ ਤੇ ਬਲਜੀਤ ਕੌਰ ਬੱਲ ਸਾਡੇ ਸਮਿਆਂ ਅੰਦਰ ਔਰਤ ਦੀ ਜ਼ਿੰਦਗੀ ਅਤੇ ਸੰਗਰਾਮ ਸਬੰਧੀ ਆਪਣੇ ਵਿਚਾਰ ਰੱਖਣਗੇ। ਇਸ ਤੋਂ ਇਲਾਵਾ ਕਮੇਟੀ ਮੈਂਬਰ ਡਾ.ਸੈਲੇਸ਼ ਪੀਪਲਜ਼ ਵਾਇਸ ਵੱਲੋਂ ਫਿਲਮ ਸ਼ੋਅ ਕਰਨਗੇ।
ਕਮੇਟੀ ਦੇ ਨੇ ਦੱਸਿਆ ਕਿ ਕੌਮਾਂਤਰੀ ਔਰਤ ਦਿਹਾੜੇ ਦੀ ਇਤਿਹਾਸਿਕ ਮਹੱਤਤਾ ਅਜੋਕੇ ਸਮੇਂ ਚ ਔਰਤ ਦਾ ਸਾਡੇ ਸਮਾਜ ਅੰਦਰ ਰੁਤਬਾ ਅਤੇ ਹਰ ਖੇਤਰ ਅੰਦਰ ਔਰਤ ਦੀ ਉਚੇਰੀ ਪਰਵਾਜ਼ ਲਈ ਖ਼ੂਬਸੂਰਤ ਅਤੇ ਸੁਖਾਵੇਂ ਵਾਤਾਵਰਣ ਵਾਲਾ ਅੰਬਰ ਸਿਰਜਣ ਦਾ ਅਹਿਦ ਕਰਨ ਲਈ ਇਸ ਕੌਮਾਂਤਰੀ ਦਿਹਾੜੇ ਮੌਕੇ ਦੇਸ਼ ਭਗਤ ਯਾਦਗਾਰ ਕਮੇਟੀ ਵਿਸ਼ੇਸ਼ ਤੌਰ ਦੇ ਸਮੂਹ ਲੋਕ ਹਿਤੈਸ਼ੀ, ਅਗਾਂਹ ਵਧੂ ਅਤੇ ਜਮਹੂਰੀਅਤ ਪਸੰਦ ਪਰਿਵਾਰਾਂ ਨੂੰ ਸ਼ਿਰਕਤ ਕਰਨ ਲਈ ਅਪੀਲ ਕਰਦੀ ਹੈ।
ਕਮੇਟੀ ਦਾ ਕਹਿਣਾ ਹੈ ਕਿ ਉਹ ਭਾਵੇਂ ਫ਼ਲਸਤੀਨ ਦੇ ਲੋਕਾਂ ਦਾ ਨਸਲ ਘਾਤ ਹੋਵੇ ਭਾਵੇਂ ਅਮਰੀਕ ਇਜ਼ਰਾਇਲ ਵੱਲੋਂ ਈਰਾਨ ਵਰਗੇ ਮੁਲਕਾਂ ਉੱਪਰ ਨੰਗਾ ਚਿੱਟਾ ਧਾਵਾ ਬੋਲਿਆ ਜਾ ਰਿਹਾ ਹੋਵੇ ਜਾਂ ਸਾਡੇ ਮੁਲਕ ਦੇ ਅੰਦਰ ਮੜ੍ਹੀਆਂ ਜਾ ਰਹੀਆਂ ਸਾਮਰਾਜੀ ਅਤੇ ਦੇਸੀ ਬਹੁ ਕੌਮੀ ਘਰਾਣਿਆਂ ਦੀਆਂ ਕੰਪਨੀਆਂ ਦੇ ਮੁਨਾਫਿਆਂ ਵਿੱਚ ਵਾਧਾ ਕਰਨ ਵਾਲੀਆਂ ਨੀਤੀਆਂ ਹੋਣ, ਵਿਚਾਰਾਂ ਦੀ ਦੇ ਪ੍ਰਗਟਾਵੇ ਦੀ ਆਜ਼ਾਦੀ ਉੱਤੇ ਮੜ੍ਹੀਆਂ ਜਾ ਰਹੀਆਂ ਬੰਦਸ਼ਾਂ ਹੋਣ ਜਾਂ ਫਿਰਕੂ ਫਾਸ਼ੀ ਹੱਲੇ ਤੇਜ ਕੀਤੇ ਜਾ ਰਹੇ ਹੋਣ ਅਜਿਹੇ ਮੌਕੇ ਵਿਸ਼ੇਸ਼ ਤੌਰ ਤੇ ਔਰਤ ਵਰਗ ਨੂੰ ਇੱਕ ਵੱਡੀ ਕੀਮਤ ਤਾਰਨੀ ਪੈ ਰਹੀ ਹੈ ਇਸਦੇ ਬਾਵਜੂਦ ਜੂਝਦੀਆਂ ਔਰਤਾਂ ਨੂੰ ਇਸ ਰੋਜ਼ ਕਮੇਟੀ ਸਿਜਦਾ ਕਰੇਗੀ।
