ਰੋਟਰੀ ਕਲੱਬ ਆਸਥਾ ਵੱਲੋਂ 5 ਜ਼ਰੂਰਤਮੰਦ ਮਰੀਜ਼ਾਂ ਦੀਆਂ ਅੱਖਾਂ ਦੀ ਮੁਫ਼ਤ ਸਰਜਰੀ
ਅੰਮਿ੍ਤਸਰ 22 ਮਈ 2026- ਰੋਟਰੀ ਇੰਟਰਨੈਸ਼ਨਲ ਦੀ ਰੋਗ ਨਿਵਾਰਣ ਮੁਹਿੰਮ ਤਹਿਤ ਰੋਟਰੀ ਕਲੱਬ ਆਸਥਾ ਨੇ ਇਕ ਸ਼ਲਾਘਾਯੋਗ ਪਹਿਲ ਕੀਤੀ ਹੈ। ਕਲੱਬ ਦੇ ਪ੍ਰਧਾਨ ਇੰਜੀਨੀਅਰ ਅਸ਼ੋਕ ਸ਼ਰਮਾ, ਸਕੱਤਰ ਸਰਬਜੀਤ ਸਿੰਘ ਅਤੇ ਪ੍ਰਾਜੈਕਟ ਚੇਅਰਮੈਨ ਪਰਮਜੀਤ ਸਿੰਘ ਦੀ ਦੇਖ-ਰੇਖ ਵਿਚ ਸ੍ਰੀ ਗੁਰੂ ਰਾਮਦਾਸ ਬਿਰਧ ਆਸ਼ਰਮ ਦੇ 5 ਜ਼ਰੂਰਤਮੰਦ ਮਰੀਜ਼ਾਂ ਦੀ ਅੱਖਾਂ ਦੀ ਮੁਫ਼ਤ ਸਰਜਰੀ ਕਰਵਾਈ ਗਈ।
ਪਰਨੀਤ ਕੌਰ, ਡਾ. ਪੀ. ਐੱਸ. ਗਰੋਵਰ ਅਤੇ ਅਸ਼ਵਨੀ ਅਵਸਥੀ ਵੱਲੋਂ ਰੈਫ਼ਰ ਕੀਤੇ ਗਏ ਮਰੀਜ਼ਾਂ-ਕੁਲਦੀਪ ਸਿੰਘ, ਬਲਵਿੰਦਰ ਕੌਰ, ਸਰਬਜੀਤ ਕੌਰ, ਮੀਨਾ ਅਤੇ ਰਾਜਪਾਲ ਦੀ ਸਰਜਰੀ ਦਾ ਜ਼ਿੰਮਾ ਕਲੱਬ ਨੇ ਉਠਾਇਆ।
ਨਿਰਮਲ ਜੋਤ ਨੇਤਰ ਹਸਪਤਾਲ ਦੇ ਮਾਹਰ ਡਾ. ਹਰਮਨਦੀਪ ਸਿੰਘ ਅਤੇ ਡਾ. ਭੁਪਿੰਦਰ ਸਿੰਘ ਵੱਲੋਂ ਮੋਤੀਆਬਿੰਦ ਦੇ ਇਹ ਆਪ੍ਰੇਸ਼ਨ ਸਫ਼ਲਤਾਪੂਰਵਕ ਕੀਤੇ ਗਏ। ਇਸ ਪੁੰਨ ਦੇ ਕੰਮ ਦਾ ਸਾਰਾ ਖ਼ਰਚ ਕਲੱਬ ਮੈਂਬਰਾਂ ਬਲਦੇਵ ਸਿੰਘ ਸੰਧੂ ਅਤੇ ਮਨਮੋਹਨ ਸਿੰਘ, ਕੇਐਸ ਚੱਠਾ, ਵਰਿੰਦਰ ਅਰੋੜਾ, ਅਤੇ ਪਰਮਜੀਤ ਸਿੰਘ,ਵੱਲੋਂ ਸਾਂਝੇ ਤੌਰ ‘ਤੇ ਕੀਤਾ ਗਿਆ।
ਸਹਾਇਕ ਗਵਰਨਰ ਅਸ਼ਵਨੀ ਅਵਸਥੀ ਨੇ ਦੱਸਿਆ ਕਿ ਇਹ ਕਲੱਬ ਦਾ ਸਥਾਈ ਪ੍ਰਾਜੈਕਟ ਹੈ, ਜਿਸ ਤਹਿਤ ਹੁਣ ਤੱਕ ਹਜ਼ਾਰਾਂ ਲੋੜਵੰਦਾਂ ਦਾ ਇਲਾਜ ਕੀਤਾ ਜਾ ਚੁੱਕਾ ਹੈ ਅਤੇ ਇਹ ਸੇਵਾ ਭਵਿੱਖ ਵਿਚ ਵੀ ਨਿਰੰਤਰ ਜਾਰੀ ਰਹੇਗੀ।
ਇਸ ਮੌਕੇ ਵਰਿੰਦਰ ਅਰੋੜਾ, ਸਾਬਕਾ ਜੋਨਲ ਚੇਅਰਮੈਨ ਜਤਿੰਦਰ ਸਿੰਘ ਪੱਪੂ, ਕੇ.ਐੱਸ. ਚੱਠਾ, ਹਰ ਦੇਸ਼ ਦਵੇਸਰ, ਸਾਬਕਾ ਪ੍ਰਧਾਨ ਅਮਨ ਸ਼ਰਮਾ, ਜੇਐਸ ਲਿਖਾਰੀ, ਡੀਡੀਪੀਓ ਸਤੀਸ਼ ਸ਼ਰਮਾ ਆਉਣ ਵਾਲੇ ਪ੍ਰਧਾਨ ਰਜੇਸ਼ ਬੱਦਵਾਰ ਅਤੇ ਰੋਟਰੀ ਕਲੱਬ ਆਸਥਾ ਤੇ ਹੋਰ ਮੈਂਬਰ ਮੌਜੂਦ ਸਨ।
