Big Breaking: AAP ਦੇ 7 ਰਾਜ ਸਭਾ ਮੈਂਬਰਾਂ ਨੇ ਛੱਡੀ ਪਾਰਟੀ! ਭਾਜਪਾ ‘ਚ ਰਲੇਵਾਂ ਕਰਨ ਦਾ ਕੀਤਾ ਐਲਾਨ
Punjab Network
ਨਵੀਂ ਦਿੱਲੀ 24 ਅਪ੍ਰੈਲ 2026: ਆਮ ਆਦਮੀ ਪਾਰਟੀ (AAP) ਦੇ ਸੰਸਦੀ ਢਾਂਚੇ ਵਿੱਚ ਅੱਜ ਵੱਡੀ ਬਗਾਵਤ ਦੇਖਣ ਨੂੰ ਮਿਲੀ ਹੈ।
ਪਾਰਟੀ ਦੇ 10 ਵਿੱਚੋਂ 7 ਰਾਜ ਸਭਾ ਮੈਂਬਰਾਂ ਨੇ ਸੰਵਿਧਾਨਕ ਉਪਬੰਧਾਂ (ਦੋ-ਤਿਹਾਈ ਬਹੁਮਤ) ਦੀ ਵਰਤੋਂ ਕਰਦੇ ਹੋਏ ਭਾਰਤੀ ਜਨਤਾ ਪਾਰਟੀ (BJP) ਵਿੱਚ ਰਲੇਵਾਂ ਕਰਨ ਦਾ ਰਸਮੀ ਐਲਾਨ ਕਰ ਦਿੱਤਾ ਹੈ।
ਕੌਣ-ਕੌਣ ਹਨ ਇਹ 7 ਮੈਂਬਰ?
ਰਾਘਵ ਚੱਢਾ, ਸਾਬਕਾ ਕ੍ਰਿਕਟਰ ਹਰਭਜਨ ਸਿੰਘ, ਅਸ਼ੋਕ ਮਿੱਤਲ, ਸਵਾਤੀ ਮਾਲੀਵਾਲ, ਵਿਕਰਮ ਸਾਹਨੀ, ਰਜਿੰਦਰ ਗੁਪਤਾ ਸੰਦੀਪ ਪਾਠਕ ਸ਼ਾਮਲ ਹਨ।
ਪ੍ਰੈੱਸ ਕਾਨਫਰੰਸ ਦੌਰਾਨ ਰਾਘਵ ਚੱਢਾ ਨੇ ਭਾਵੁਕ ਹੁੰਦੇ ਹੋਏ ਕਿਹਾ ਕਿ, “ਮੈਂ ਗਲਤ ਪਾਰਟੀ ਵਿੱਚ ਸਹੀ ਇਨਸਾਨ ਸੀ”, ਜਿਸ ਪਾਰਟੀ ਨੂੰ ਉਨ੍ਹਾਂ ਨੇ 15 ਸਾਲ ਖੂਨ-ਪਸੀਨੇ ਨਾਲ ਸਿੰਜਿਆ, ਉਹ ਹੁਣ ਆਪਣੇ ਸਿਧਾਂਤਾਂ ਤੋਂ ਭਟਕ ਚੁੱਕੀ ਹੈ। ਉਨ੍ਹਾਂ ਕਿਹਾ, “ਆਪ ਹੁਣ ਦੇਸ਼ ਦੇ ਹਿੱਤ ਵਿੱਚ ਨਹੀਂ, ਸਗੋਂ ਨਿੱਜੀ ਹਿੱਤਾਂ ਲਈ ਕੰਮ ਕਰ ਰਹੀ ਹੈ।”
ਐਂਟੀ-ਡਿਫੈਕਸ਼ਨ ਲਾਅ (ਦਲ-ਬਦਲੀ ਕਾਨੂੰਨ), ਕਿਉਂਕਿ 10 ਵਿੱਚੋਂ 7 ਮੈਂਬਰ (ਦੋ-ਤਿਹਾਈ ਤੋਂ ਵੱਧ) ਇਕੱਠੇ ਗਏ ਹਨ, ਇਸ ਲਈ ਉਨ੍ਹਾਂ ਦੀ ਮੈਂਬਰਸ਼ਿਪ ਰੱਦ ਹੋਣ ਦਾ ਖਤਰਾ ਘੱਟ ਹੈ।
ਇਸ ਕਦਮ ਨਾਲ ਰਾਜ ਸਭਾ ਵਿੱਚ ਭਾਜਪਾ ਦੀ ਤਾਕਤ ਵਧੇਗੀ, ਜਦਕਿ ‘ਆਪ’ ਦੀ ਹੋਂਦ ਉੱਪਰਲੇ ਸਦਨ ਵਿੱਚ ਬਹੁਤ ਘੱਟ ਰਹਿ ਜਾਵੇਗੀ। ਪੰਜਾਬ ਦੇ 7 ਵਿੱਚੋਂ 6 ਰਾਜ ਸਭਾ ਮੈਂਬਰ ਇਸ ਸਮੂਹ ਦਾ ਹਿੱਸਾ ਹਨ, ਜੋ AAP ਸਰਕਾਰ ਲਈ ਇੱਕ ਵੱਡੀ ਚੁਣੌਤੀ ਬਣ ਸਕਦਾ ਹੈ।
