BJP ਵਿਧਾਇਕ ਦੀ ਧੀ ਨੇ ਸ਼ਰੇਆਮ ਨੌਜਵਾਨ ਨੂੰ ਜੁੱਤੀਆਂ ਨਾਲ ਕੁੱਟਿਆ; CCTV ਵੀਡੀਓ ਹੋਈ ਵਾਇਰਲ
ਸਾਗਰ (ਮੱਧ ਪ੍ਰਦੇਸ਼), 17 ਅਪ੍ਰੈਲ 2026:
ਮੱਧ ਪ੍ਰਦੇਸ਼ ਦੇ ਸਾਗਰ ਜ਼ਿਲ੍ਹੇ ਵਿੱਚ ਭਾਜਪਾ ਵਿਧਾਇਕ ਬ੍ਰਿਜਬਿਹਾਰੀ ਪਟੇਰੀਆ ਦੀ ਧੀ ਪ੍ਰਿਅੰਕਾ ਪਟੇਰੀਆ ਵੱਲੋਂ ਇੱਕ ਨੌਜਵਾਨ ਦੀ ਜੁੱਤੀਆਂ ਨਾਲ ਕੁੱਟਮਾਰ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਇਹ ਘਟਨਾ 13 ਅਪ੍ਰੈਲ 2026 ਦੀ ਦੱਸੀ ਜਾ ਰਹੀ ਹੈ, ਜਿਸ ਦੀ ਵੀਡੀਓ ਹੁਣ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਪੀੜਤ ਨੌਜਵਾਨ ਰਾਜੇਸ਼ ਸ਼ਰਮਾ ਨੇ ਗੌਰਝਾਮਰ ਥਾਣੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਹੈ। ਸ਼ਿਕਾਇਤ ਅਨੁਸਾਰ, ਰਾਜੇਸ਼ ਸ਼ਰਮਾ ਇੱਕ ਬੈਂਕ ਦੇ ਕੰਮ ਲਈ ਗਿਆ ਸੀ, ਜਿੱਥੇ ਉਸ ਨੂੰ ਸੰਦੇਸ਼ ਮਿਲਿਆ ਕਿ ਵਿਧਾਇਕ ਦੀ ਧੀ ਪ੍ਰਿਅੰਕਾ ਪਟੇਰੀਆ ਉਸ ਨੂੰ ਬਾਹਰ ਬੁਲਾ ਰਹੀ ਹੈ।
ਜਿਵੇਂ ਹੀ ਉਹ ਬੈਂਕ ਤੋਂ ਬਾਹਰ ਆਇਆ, ਪ੍ਰਿਅੰਕਾ ਪਟੇਰੀਆ ਨੇ ਆਪਣੀ ਕਾਰ ਤੋਂ ਉਤਰ ਕੇ ਗਾਲੀ-ਗਲੋਚ ਸ਼ੁਰੂ ਕਰ ਦਿੱਤੀ ਅਤੇ ਅਚਾਨਕ ਜੁੱਤੀਆਂ ਨਾਲ ਉਸਦੀ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ।
BJP MLA Daughter Priyanka Pateriya: सागर जिले के देवरी से भाजपा विधायक बृजबिहारी पटेरिया की बेटी प्रियंका पटेरिया पर मारपीट का आरोप लगा है. प्रियंका ने एक युवक के साथ जूतों से पिटाई की. इस घटना का सीसीटीवी वीडियो भी सामने आया है. #mpnews #sagarnews pic.twitter.com/dXV240aIeo
— NDTV MP Chhattisgarh (@NDTVMPCG) April 14, 2026
ਪ੍ਰਿਅੰਕਾ ਪਟੇਰੀਆ ਦਾ ਪੱਖ
ਆਪਣੇ ਉੱਤੇ ਲੱਗੇ ਦੋਸ਼ਾਂ ਦਾ ਜਵਾਬ ਦਿੰਦਿਆਂ ਪ੍ਰਿਅੰਕਾ ਪਟੇਰੀਆ ਨੇ ਕਿਹਾ ਹੈ ਕਿ ਉਨ੍ਹਾਂ ਨੂੰ ਆਪਣੀ ਸੁਰੱਖਿਆ ਨੂੰ ਲੈ ਕੇ ਡਰ ਸੀ।
ਉਨ੍ਹਾਂ ਦਾ ਦੋਸ਼ ਹੈ ਕਿ ਉਕਤ ਨੌਜਵਾਨ ਲੰਬੇ ਸਮੇਂ ਤੋਂ ਉਨ੍ਹਾਂ ਦੀ ਕਾਰ ਦਾ ਪਿੱਛਾ ਕਰ ਰਿਹਾ ਸੀ, ਜਿਸ ਕਾਰਨ ਉਨ੍ਹਾਂ ਨੇ ਗੁੱਸੇ ਵਿੱਚ ਆ ਕੇ ਇਹ ਕਦਮ ਚੁੱਕਿਆ।
ਉਨ੍ਹਾਂ ਇਹ ਵੀ ਦਾਅਵਾ ਕੀਤਾ ਕਿ ਪੀੜਤ ਵਿਅਕਤੀ ਦਾ ਸਬੰਧ ਪਰਿਵਾਰ ਦੇ ਅੰਦਰੂਨੀ ਝਗੜੇ ਨਾਲ ਹੈ, ਕਿਉਂਕਿ ਉਹ ਵਿਧਾਇਕ ਦੇ ਭਰਾ (ਵਿਨੀਤ ਪਟੇਰੀਆ) ਨਾਲ ਰਹਿੰਦਾ ਹੈ।
ਇਹ ਮਾਮਲਾ ਇੱਕ ਪ੍ਰਭਾਵਸ਼ਾਲੀ ਸਿਆਸੀ ਪਰਿਵਾਰ ਨਾਲ ਜੁੜਿਆ ਹੋਣ ਕਾਰਨ ਪੁਲਿਸ ਫੂਕ-ਫੂਕ ਕੇ ਕਦਮ ਰੱਖ ਰਹੀ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਸੀਸੀਟੀਵੀ ਫੁਟੇਜ ਦੀ ਜਾਂਚ ਤੋਂ ਬਾਅਦ ਹੀ ਅਗਲੀ ਕਾਰਵਾਈ ਕੀਤੀ ਜਾਵੇਗੀ।
ਦੂਜੇ ਪਾਸੇ, ਪੀੜਤ ਅਤੇ ਉਸਦੇ ਸਮਰਥਕਾਂ ਨੇ ਇਲਜ਼ਾਮ ਲਾਇਆ ਹੈ ਕਿ ਸਿਆਸੀ ਦਬਾਅ ਕਾਰਨ ਪੁਲਿਸ ਕਾਰਵਾਈ ਵਿੱਚ ਦੇਰੀ ਕਰ ਰਹੀ ਹੈ।
